Ég skora á launafólk og atvinnurekendur að taka málið úr höndum Gylfa Arnbjörnssonar og Vilhjálms Egilssonar, áður en illa fer !!

Vilhjálmur Egilsson og Gylfi Arnbjörnsson eru að setja þjóðfélagið á hausinn! Stór er skömm þeirra!!

Þessir vinir hafa ákveðið að launafólkið í landinu sé sé full sæmt af 2,5% launahækkun! Ekki nóg með að Gylfi Arnbjörnsson meini launafólki að sækja meiri hækkanir, þó bannar Vilhjálmur Egilsson fyrirtækjum að semja! Hverjar hvatir þessara svikara þjóðarinnar eru, er erfitt að sjá, en þeir bera 100% ábyrgð á því sem nú virðist vera að fara af stað, verkföll!!

Varðandi "samræmda launastefnu", sem þeir félagar hafa komið sér saman um, er það eitt að segja að hún er rugl. Það getur verið að einhverjir sjái jafnaðarstefnu út úr slíkri aðferð, en fyrir launafólk er þetta einungis skelfing. Að nokkru stéttarfélagi skuli detta í hug að elta ASÍ og SA í þessu rugli er með ólíkindum og þeim til skammar!

Samræmd kjarabarátta er allt annað mál. Stéttarfélög landsins undir forustu ASÍ hefðu getað komist að slíkri stefnu, þar sem þau fyrirtæki sem eru í útflutningsgreinum væru krafin um fullar bætur þeirrar skerðingar sem launafólk hefur orðið fyrir, en samið við þau fyrirtæki sem illa standa og eiga í tímabundnum erfiðlekum, um sanngjarna launahækkun, hækkun sem ekki setti tilveru þeirra fyrirtækja í voða. Slíkum samningi fylgdi síðan bókum um endurskoðun þegar rofaði til hjá þeim. Slíka samræmda kjarabaráttu á ASÍ að berjast fyrir!! Ekki að hlaupa eftir því sem SA vill!!

Að halda því fram að fyrirtæki eins og Elkem, sem rekið er með miklum hagnaði, sem að mestu fer úr landi, megi ekki greiða sínu fólki hærri laun er auðvitað svo vitlaust að engu tali tekur. Að ekki megi halda eftir í landinu örlitlu broti af þessum gróða í formi launahækkunar til starfsmanna, sem skilar ríkissjóð auknum tekjum! Þetta eru þó þeir félagar Gylfi A og Vilhjálmur E sammála um og það undarlega er að stjórnvöld taka undir þetta endemis rugl!! Burtséð frá því hvort fyrirtækið vill hækka laun sinna starfsmanna eða ekki!

Á sama tíma og fyrirtækjum, sem eru að græða vegna bankahrunsins, er meinað að greiða sínu fólki hærri laun en 2,5%, eru dómarar að fá yfir 12% launahækkun, ekki vegna þess að ríkissjóður er að gera það svo gott, nei, vegna þess að talið er að vinnuálag þeirra muni aukast á næstu misserum!!

Fyrir meðal starfsmann sem vinnur í framleiðsludeild Elkem, við að meðhöndla yfir 1500 gráðu heitan fljótandi málm, er 2,5% hækkun launa samsvarandi 5,750 kr á mánuði. Þá er miðað við meðal starfsaldur og föst laun með vaktaálagi og öðrum föstum greiðslum. Dómarar voru að fá 101,000 kr á mánuði í sinn vasa, eða yfir 12% hækkun!! Vissulega eru þessi störf ekki sambærileg, hvorki hvað menntun er að baki liggur né starfsumhverfi varðar. Þó getur varla talist óeðlilegt að sama prósentutala væri notuð við hækkun launa. Það gæfi um 42,000 kr hækkun til starfsmanns Elkem í stað 5,750 kr.

Í augum starfsmanna Elkem er málið einfalt, þeir vilja fá bætt að fullu þann skaða sem efnahagshrunið hefur valdið þeim og að auki vildu þeir fá kjarahækkun vegna góðrar stöðu fyrirtækisins. Kjarahækkunin hefur verið dregin til baka og eftir stendur krafa um kjarabætur upp á svipaða prósentuhækkun og kjararáð taldi hæfa dómurum!!

Erfitt er hins vegar að reikna hver skaði launafólks hefur orðið, vegna daglegra frétta um hækkanir á vörum og þjónustu, að ógleymdum þeim sköttum og skattahækkunum sem þessi ríkisstjórn hefur verið svo dugleg við að koma á launafólkið. Reiknað tap í dag er orðið úrelt á morgun!

Það má ekki gleyma þeirri staðreynd að í gegnum árin hafa starfsmenn Elkem, áður Íslenska Járnblendifélagið, oft á tíðum gefið eftir af sínum launum þegar illa hefur árað hjá þessu fyrirtæki. Stundum tímabundið og stundum til frambúðar. Því hafa starfsmenn Elkem sýnt þessu fyrirtæki skilning og lagt sitt af mörkum þegar á hefur þurft að halda. Nú þegar fyrirtækið er að græða, sennilega meir en nokkurntíma áður, vilja starfsmenn auðvitað fá hlut í þessu. Það merkilega er að fyrirtækið sjálft er viljugt til að koma til móts við sína starfsmenn, en fær það ekki!!

Tvíeykið og einhvejir mestu skaðvaldar Íslenskts þjóðfélags í dag, Gylfi Arnbjörnsson og Vilhjálmur Egilsson banna það!! Ekki einungis varðandi Elkem, heldur banna þeir öllum þeim sem vilja semja við sitt fólk um eitthvað meira en þessa smán sem þeir hafa komið sér saman um, að gera slíkt.

Með þessu eru Gylfi Arnbjörnsson og Vilhjálmur Egilson ekki einungis að koma sínum umbjóðendum á kaldann klaka, heldur eru þeir að stofna þjóðfélaginu í stóra hættu!! Bankahrunið mun líta út sem barnaleikur við hliðina á þeim skaða sem þessir tveir menn munu valda, ef þeir fá að ráða!!

Ég skora á atvinnurekendur að reyna að koma vitinu fyrir sína talsmenn, sérstaklega Viljálm Egilsson.

Einnig skora ég á launafólk að rísa upp í sínum stéttarfélugum og sjá til þess að Gylfi Arnbjörnsson verði gerður burtrækur úr þessum samningum, áður en honum tekst að koma launafólki í enn meiri fátækt en nú er og er fátæktin þó næg!!

 

 

Viðræðum vegna Elkem slitið

Góð skilaboð inn í kjarasamninga launafólks

Þessi launahækkun til dómara er um 12,5%, eða sem nemur þeirri launaskerðingu er launafólk hefur orðið fyrir frá hruni. Þó ber að athuga það að þessi hópur fékk launahækkun í mars 2010!

Að vísu er erfitt að segja til um hver skerðing launafólks hefur orðið þegar daglega berast fréttir af hækkun vöru og þjónustu. Tölur í dag eru úreltar á morgun!! Sem dæmi hefur eldsneyti hækkað um 5% síðan á áramótum, eða á einum og hálfum mánuði!! 

Þegar dómarar fá 12,5% launahækkun á alment launafólk í landinu að sætta sig 2,5% hækkun!

Snillingarnir Gylfi Arnbjörnsson og Vilhjálmur Egilsson ættu aðeins að fara að passa sig!!

Þeir þurfa nefnilega að fá sinn "samning" samþykktan af launafólkinu, sem þeir hafa ákveðið að eigi að fá 2,5% launahækkun, eða allt niður í rétt rúmar 4,000 kr.!!

Dómarar fá 101.000 kr. launahækkun

ASÍ hefur svikið launafólkið !!

Nú er illa komið fyrir launafólki í landinu. ASÍ sem teljast vera samtök launafólks hefur nú afrekað að splundra verkalýðshreyfingunni. Hvers vegna forusta ASÍ ákvað að taka þessa stefnu er ekki gott að segja, en þó læðist að manni sá grunur að pólitík spili þar stóra rullu.

Það vita allir sem fylgst hafa með þessum málum að Vilhjálmur Birgisson hefur staðið alfarið á móti þeirri leið sem ASÍ ákvað að fara, af kröfu SA, "samræmdri launastefnu". Það eru færri sem vita hvenig forusta ASÍ hefur svarað Vilhjálmi B vegna þessarar afstöðu hans. Hún hefur beinlínis valdið skemdarverkum og eyðilagt samninga sem Vilhjálmur hefur verið að vinna að, með þeim afleiðingum að launafólk í hans stéttarfélagi hafa orðið fyrir miklum skaða. Þetta er gert eingöngu til að klekkja á Vilhjálmi.

Fyrir forustu ASÍ skiptir launafólkið engu máli, ef einstakir formenn stéttarfélaga eru ekki tilbúnir að þegja og hlýða því sem forusta ASÍ segir, skal launþegum viðkomandi stéttarfélags hengt.

Stjórn ASÍ skal ekki halda að henni takist með ofbeldi að késetja þá sem eru henni ekki sammála, stjórn ASÍ getur treyst því að félagsmenn Verkalýðsfélags Akraness stendur að baki sínum formanni!! Þær aðgerði sem stjórn ASÍ hefur staðið að undanfarið, þjappar félagsmönnum VlfA enn frekar saman!!

Nær væri að formenn stéttarfélaga og forusta ASÍ litu til Vilhjálms Birgissonar og fylgdu hans fordæmi, því fordæmi að hafa heill og hagsmuni sinna félagsmanna ætið í forgrunni við allar sínar gerðir!!

Þau skemdarverk sem stjórn ASÍ hefur valdið verkalýð landsins með eindæma undilægjuhætti við SA, mun verða rituð í sögubækur. Afkomendur okkar munu í framtíðinni nota gerðir stjórnar ASÍ nú, í kennslubækur sem dæmi um valdhroka og hvernig auðveldast sé að sundra félagsskap sem stofnað er til um samstöðu hagsmunahópa.

Mikil er skömm stjórnar ASÍ!!

 

Fyrri blogg um þessa einstæðu uppákomu sem nú er innan verkalýðshreifingarinnar:

http://noldrarinn.blog.is/blog/noldrarinn/entry/1137605/

http://noldrarinn.blog.is/blog/noldrarinn/entry/1138413/

http://noldrarinn.blog.is/blog/noldrarinn/entry/1139635/

http://noldrarinn.blog.is/blog/noldrarinn/entry/1139686/

http://noldrarinn.blog.is/blog/noldrarinn/entry/1139896/

http://noldrarinn.blog.is/blog/noldrarinn/entry/1142341/

 

Verkfall afboðað á Akranesi

SA og ASÍ óvinir þjóðarinnar nr.1

Mikil er ábyrgð SA og ASÍ, ábyrgð sem þessi samtök eða öllu heldur forsvarsmenn þeirra standa engan vegin undir!

Vegna aðgerða þessara samtaka er nú að hefjast verkfall sem mun leiða til miljarða tjóns fyrir þjóðfélagið, einungis vegna þvermóðsku og ábyrgðarleysis forsvarsmanna þessara tveggja samtaka. Og fleiri verkföll eru í farvatninu!!

SA ber ábyrgð á því að heimila ekki fyrirtækjum að semja, jafnvel þó þau sjálf vilji. Þetta er staðreynd, bræðslunum var boðið, af hálfu stéttarfélaganna, ekki ASÍ, að fresta samningum fram á vor gegn eingreiðslu. Fyrirtækin voru tilbúin að ganga að þessu, en var bannað það af SA!! Kostnaður fyrirtækjanna vegna þessa boðs var bara brotabrot að þeim fjárhæðum sem þau standa frammi fyrir að tapa núna!

ASÍ ber ábyrgð á því að reyna að stöðva stéttarfélögin af við samningagerð og jafnvel staðið að því að etja einstökum stéttarfélögum saman. Þetta er gert til að reyna að verja þá stefnu í samningum sem SA óskaði eftir og ASÍ samþykkti. Stefnu sem mun leiða enn frekari hörmungar yfir launafólk. Stefnu sem er í algerri andstöðu við vilja launafólks! Stefna sem gefur atvinnurekendum enn meira í sinn vasa!

Það er undarlegt þegar samtök á borð við ASÍ og SA, samtök sem eiga að standa vörð sinna félaga, skuli á sama tíma spilla fyrir sínum félagsmönnum.

SA er að hafa tekjur af sínum umbjóðendum, atvinnurekendum, með því að heimila þeim ekki að ganga frá samningum.

ASÍ er að hafa tekjur af sínum umbjóðendum, launafólkinu, með því að heimila þeim ekki að ganga frá samningum.

Maður hlýtur að spyrja; fyrir hverja eru þessi samtök að vinna?!

 

Búið að binda loðnuskip við bryggju

Vilja frekar eiga aurinn sjálfir !!

Frekar vilja þessir menn kasta fé á glæ en að seilast í vasa sína eftir réttlátri hækkun til sinna starfsmanna.

Hvort er betra fyrir þjóðarbúið að láta eigendur þeirra fyrirtækja sem eru nú að græða mikla fjármuni haldi öllum gróðanum óskertum fyrir sig, eða að launafólkið fái hlut af þeim gróða. Sum fyrirtækin eru með sitt uppgjör erlendis og því fær ríkið lítð af gróðanum frá þeim, önnur eru dugleg að fela sína fjármuni og jafnvel koma þeim úr landi.

Svo þykjast þessir menn sýna ábyrga afstöðu, þegar þeir ætla að láta allt fara í verkföll!! Sér er nú hver ábyrgðin!!

 

Fá ekki meiri hækkanir en aðrir

Dæmigertviðmið, skammtímaviðmið og grunnviðmið ?

Enn hefur stjórnvöldum tekist að flækja málin.

Útgjöld einstaklings án húsnæðis og bifreiðar er frá 68.035 kr til 133.546 kr, allt eftir því hvaða nafni það nefnist!! 

Fyrir það fyrsta. Hvers vegna að tala um framfærslu án húsnæðis og bifreiðar?

Við búum á Íslandi, veðurfar hér er með þeim hætti að erfitt eða útilokað er að búa undir berum himni. Að vísu væri hægt að búa sér til snjóhús núna, en það rignir væntanlega niður á morgun.

Þá eru vegalengdir töluverðar hér á landi. Sérstaklega hjá þeim sem búa utan Reykjavíkurhrepps. Því er vart hægt að gera ráð fyrir að menn gangi allar sínar ferðir. Það yrði stuttur stans hjá mér milli vakta, ef ég ætlaði að ganga til og frá vinnu, tæplega 70 km!

Í öðru lagi. Til hvers í andskotanum er verið að flækja þetta með þrennskonar nöfnum? Hvað er átt við með "skammtímaviðmið", er miðað við að menn geti lifað stutt á þeim kjörum? Kannski einn eða tvo mánuði? Bull og vitleysa!!

Að bera svona rugl á borð fyrir fólk og flækja það að auki með einhverjum orðaleik er öllum sem að þessu máli koma til skammar.

Það á bara að segja eins og er, neysluviðmið einstaklings ER 291.932 kr. Annað þurfum við ekki að vita og annað þurfa forsvarsmenn verkalýðshreyfingarinnar ekki að vita!

Nú er upp á hana að sjá til þess að lágmarkslaun verði miðuð við þessa tölu!!

 

Samgöngur dýrari en húsnæði

Hverjir græða á betri launakjörum ?

Auðvitað vill enginn fara í verkfall. Það er neyðarúrræði sem ekki er gripið til fyrr en allt annað hefur verið reynt. Í raun eru einungis tvær ástæður til verkfalls. Sú fyrri ef ekki er vilji til viðræðna og sú síðari ef viðræður fara í strand.

Það er hvorki nýtt né merkilegt að heyra forsvarsmenn SA halda fram þeirri bábilju að kröfur séu óraunhæfar og stofni þjóðarbúinu í voða, en að heyra forsvarsmenn ASÍ og sumra stéttarfélaga taka undir þetta, er hins vegar stór undarlegt.

Það er stór undarlegt að talsmenn innan verkalýðshreyfinarinnar skuli vera sammála því að sá hagnaður sem mörg fyrirtæki hafa fengið að undanförnu, þó sérstaklega nú í kjölfar bankahrunsins, skuli vera betur settur í vasa eigenda fyrirtækjanna en vasa launafólks.

Skoðum aðeins hverjir það eru sem græða á því að launafólkið fái hlut í þessum hagnaði.

1. Fyrirtækin græða. Þau fyrirtæki sem greiða hærri laun er vinsælli vinnustaðir, því eiga þau fyrirtæki auðveldara með að fá gott starfsfólk. Hæft og ánægt starfsfólk skilar betri vinnu og eykur arðsem fyrirtækisins!

2. Ríkið græðir. Hærri laun eykur tekjur ríkissjóðs. Yfir 40% af hugsanlegum launahækkunum fer beint og milliliðalaust beint í ríkiskassan. Auk þess má gera ráð fyrir að neysla þessa fólks aukist og af henni fær ríkið góðan skerf í formi virðisauka, tolla og allra þeirra gjalda sem stjórnvöld hafa verið svo dugleg að leggja á allt og alla.

3. Bankarnir græða. Hærri laun, jafnvel þó það sé einungis hjá hluta launafólks, gerir því fólki auðveldara með að standa við sínar skuldbindingar. Með því treystist grunnur bankakerfisins sem er nú nánast hruninn.

4. Launþeginn græðir. Það er þó minnst sem endar í vasa hanns þegar upp er staðið, en þó eitthvað. Hugsanlega nóg til að leggja örlítið fyrir í sjóð til að eiga þegar næsta kreppa skellur á okkur!

Allir græða eitthvað á launahækkunum, þó má segja að atvinnurekendur græði mest og ríkið komi næst þar á eftir.

Að leyfa því launafólki að sækja betri kjör til þeirra fyrirtækja sem getu hafa til að veita slíkt, ætti ekki að vera eitthvað tabú, það ætti að vera sjálfsagt mál. Að forusta verkafólks skuli standa gegn slíku er auðvitað út í hött og lýsir best þeirri vitfyrring sem komin er upp innan verklýðshreyfingarinnar.

Því er skelfilegt að það skuli vera komin upp sú staða nú að verkfallsboðanir skuli vera í fréttum. Hellsta ástæða þess er þó sú að ASÍ og SA hafa bundist samtökum um að enginn skuli fá meiri hækkun sinna kjara en sem nemur því er þau fyrirtæki geta greitt er verst standa í dag.

Þessi stefna er skelfileg og launafóki misbýður slík framkoma, sérstaklega af hálfu þeirra sem eiga að standa vörð þeirra.

Ég sagði í upphafi að verkfall væri neyðarúrræði. Það er það vissulega, en forsvarsmenn SA skulu ekki láta sig detta í hug annað en að því verður beitt ef á þarf að halda. Þetta er eina vopn launafólks og það verður notað!

Því er það algerlega undir SA komið hvort hér verða verkföll eða ekki. Atvinnurekendur skulu snúa sér til eigin samtaka ef þeir vilja komast hjá verkföllum!! Sökin mun liggja þar!!

 

 

Vilja sátt frekar en verkfall

Þegar launafólkið er komið í kjarabaráttu við sín stéttarfélög, er fokið í flest skjól !!

Stéttarfélag Vesturlands, Rafiðnaðarsamband Íslands og VR viðing, réttlæti, gefa skít í sína félagsmenn.

Sú undarlega og fordæmalausa staða kom upp fyrir réttri viku síðan að þessi stéttafélög stöðvuðu samningafund hjá ríkissáttasemjara og lýstu hann ólögmætan. Þetta hefur, að ég best veit, aldrei áður gerst í sögu verkalýðshreyfingarinnar á Íslandi.

Eftir þetta kröfðust starfsmenn þeir er við áttu og eru í þessum félugum skýringa og lausnar. Nú í vikunni hafa verið haldnir fundir með fulltrúum þessara félaga ásamt þeim félögum öðrum sem að þessum samningi standa og fulltrúum starfsmanna. Í gær kom niðurstaðan.

• Stéttarfélag Vesturlands ætlar ekki að sitja fundi þessarar samninganefndar og ekki taka þátt í þessum samningi!
• VR virðing, réttlæti, ætlar heldur ekki að sitja nefndina eða taka þátt í samningum fyrir sitt fólk! Ástæðan er of há launakrafa starfsmanna!!
• Rafiðnaðarsambandið er til í að semja fyrir sína starfsmenn en leggur fram tvær kröfur; að byrjað verði frá grunni á viðræðunum og þeirri vinnu sem þegar er búin verði kastað fyrir borð, auk þess sem það er krafa RSÍ að formaður Verkalýðsfélags Akraness verði ekki formaður nefndarinnar!!

Þar liggur hundurinn grafinn! Persónuleg óvild formanna þessara félaga í garð formanns VLFA er tekin fram fyrir hagsmuni félagsmanna, með fullum stuðningi eða af kröfu forseta ASÍ!!

Þess ber að gæta í þessari umræðu að um vinnustaðasamning er að ræða í fyrirtæki sem var leiðandi í slíkum samningum löngu áður en þeir voru taldir almennir. Það form og sú aðferð sem nú var beitt í þessum vinnustaðasamningi var að öllu leiti með sama hætti og áður hefur verið án athugasemda þeirra stéttafélaga sem nú svíkja sína umbjóðendur! Þetta samningsform hefur verið við líði á þessum vinnustað frá árinu 1979, eða í 32 ár, án þess að gert hafi verið athugasemd við það fyrr en nú!!

Sú staðreynd að formenn stéttafélaga skuli láta það bitna á sínum skjólstæðingum þegar einn formaður þorir og framkvæmir, er auðvitað algerlega út í hött og engum til framdráttar nema atvinnurekendum!! Formenn annara félaga og ekki síst stjórn ASÍ ættu heldur að taka þennan formann sér til fyrirmyndar og fara að vinna fyrir launafólkið, í stað þess að vinna gegn því.

Það eina sem þessi formaður hefur "til saka" unnið er að hann hefur verið óhræddur að gagnrýna vinnubrögð verkalýðshreyfingarinna og dugleysi hennar fyrir hönd sinna skjólstæðinga.

Ef það er með þessum hætti sem ASÍ svarar gagnrýni eiga þau samtök ekki lengur tilverurétt!!

Ég hvet eindregið alla þá sem eru í Stétarfélagi Vesturland, Rafiðnaðarsambandi Íslands og VR virðing réttlæti, til að segja sig úr þessum félugum. Það er félagafrelsi á Íslandi og hverjum frjálst að velja sér það stéttarfélag sem þeir kjósa. Ég geri fastlega ráð fyrir að þeir örfáu starfsmenn sem aðild eiga að þessum samningi og eru í þessum félugum séu þegar búnir að segja sig úr þeim.

Sjá meira hér

 

Að kasta grjóti í glerhúsi !!

Vissulega er það rétt hjá Gylfa Arnbjörnssyni, að einstök félög innan SA eiga ekki að geta sett alla samninga í gíslingu.

EN hefur Gylfi efni á að segja þetta? Varla, þar sem hann sjálfur og samstarfsfólk hans í ASÍ beytir nákvæmlega sömu vinnubrögðum!! Ekki þó gegn SA, nei heldur gegn eigin fólki, stéttafélugunum!!

Að morgni 28. janúar stöðvaði varaforseti ASÍ ásamt tveimur öðrum nánum samstarfsmönnum Gylfa, samningaviðræður hjá sáttasemjara. Þessir þremenningar, formenn þriggja stéttarfélaga ákváðu að þeir hefðu vald til að stöðva frálsar kjaraviðræður, að því er virðist eingöngu vegna þess að sá sem var í forsvari fyrir launafólk í þeim, hefur verið duglegur að gagnrýna störf og gerðir ASÍ!!

Sjá hér.

 

Krefst þess að launafólki sé sýnd virðing

Graf alvarlegt mál !!

Sá fáheyrði atburður skeði í morgun hjá sáttasemjara, þegar samninganefnd starfsmanna tveggja fyrirtækja á vesturlandi mættu þar til boðaðs fundar, að fundurinn var lýstur ólöglegur! Ekki af hálfu SA, nei, heldur af þrem af fimm stéttarfélögum sem aðild eiga að samningnum!!

Það voru Stéttarfélög sem bönnuðu sínum félagsmönnum að semja!! Aldrei hefur önnur eins staða komið upp í gjörvallri sögu verkalýðshreyfingarinnar!!

Þau stéttarfélög sem stóðu að ógildingu fundarins voru:

Stéttarfélag Vesturlands, formaður Signý Jóhannesdóttir, varaforseti ASÍ.

Rafiðnaðarsambandið, formaður Guðmundur Gunnarsson, virkur félagsmaður í Samfylkingunni.

VR, virðing og réttlæti, formaður Kristinn Örn Jóhannesson.

Þetta eru þau félög sem eiga heiðurinn að því að svíkja sína félagsmenn!! Þetta eru þau félög sem skipa sér á sess með atvinnurekendum gegn launþegum!!

Það sem þó er undarlegast við þetta er að þessi þrjú félög eru umbjóðendur innan við 20% starfsmanna þessara fyrirtækja! Hin rúmlega 80% eru í þeim tveim félögum sem sem standa að baki sínu fólki!

T.d. eru einungis nálægt 5% starfsmanna þessara fyrirtækja í Rafiðnaðarsambandinu og innan við 10% í Stéttarfélagi Vesturlands!! Þó telja þessi stéttarfélög sig hafa vald til að stöðva samningaviðræður hjá Ríkissáttasemjara!!

Ef Guðný Jóhannesdóttir, Guðmundur Gunnarsson og Kristinn Örn Jóhannesson halda að þetta sé til að þjappa saman launþegum og vænlegast til árangurs í kjarabaráttu, eru þau á kolvitlausum vettvangi í lífinu. Þau ættu að leita sér vinnu hjá SA!!

Betur má lesa um þessa einstæðu uppákomu hér:

http://vlfa.is/Default.asp?Sid_Id=9930&tId=2&Tre_Rod=&qsr