Þeirra ær og kýr

Það er borgarstjórnarmeirihlutans ær og kýr að láta aðra þrífa eftir sig skítinn, að kenna öðrum um það sem miður fer. Sóðaskapur þessa borgarstjórnarmeirihluta er þvílíkur að engu tali tekur.

Ekki er hugsað um að þrífa götur svo sómi sé af og þegar í óefni er komið er bíleigendum kennt um. Auðvitað verður til einhver sóðaskapur vegna bílnotkunar, svona eins og af flestum mannanna verkum. Það er hins vegar hvernig sveitarstjórn stendur að þrifum þess sóðaskaps sem skilur á milli sóðanna og hinna sem snyrtilegri eru.

Þegar skólpkerfi borgarinnar bilar er ekki einungis reynt að þegja slíka bilun í hel, meðan skólpið fyllir fjörur borgarinnar, heldur er reynt að koma sökinni yfir á aðra, að venju. Ekki er sóðaskapurinn þar þrifinn upp, frekar en götur sópaðar. Þegar svo borgarbúi kvartar ætlast stjórn borgarinnar til að íbúar þrífi upp skítinn! Aldeilis hreint ótrúlegt!!

Þar sem megnið af því rusli sem er í fjörum borgarlandsins er notaður klósettpappír, mætti Eiríkur Hjálmarsson gjarnan svar því hvort hann ætlist til að klósettpappírinn sé settur í ruslatunnurnar, eftir notkun!

Svo ætla borgarbúar að kjósa þessa endemis sóða yfir sig í fjögur ár til viðbótar!!

 

Vesturbæingum boðið í skólphreinsun

Athugasemdir

[Borgari (IP-tala skráð) 9.4.2018 kl. 16:25]

Sumir skilgreina þessi skrif þín sem róg sbr skrif  Róberts

http://eyjan.pressan.is/frettir/2018/04/09/segir-eythor-vera-ad-brotlenda-i-reykjavik-ogerlegt-ad-blasa-lifi-i-thad-sem-dautt-er/

En fyrir okkur hin þá lýsir rógur sér í ósönnum ásökunum sem spilla mannorði eða heiðri annarra.

[Gunnar Heiðarsson, 9.4.2018 kl. 16:44]

Veit ekki hvað í mínum skrifum geti kallast rógur, Borgari, einungis sagt frá staðreyndum.

Hins vegar er sannleikurinn stundum sár.