Eru kratar deyjandi stofn ?

Í þau fjártán ár sem litla Samfylking hefur verið til, hafa innanflokkserjur einkennt þennan flokk. Einstaka sinnum hafa landsmenn fengið smá innsýn í þá baráttu sem þar fer fram, þó oftast hafi flokknum tekist að fara dult með hana.

Sú breyting sem hefur orðið nú síðustu vikur eru þær að deilurnar hafa opinberast meir en áður. Þær hafa ekkert aukist, enda varla hægt að auka þær meir en verið hefur.

Litla Samfylkingin er sett saman af fólki sem ekki fann sér stað annarsstaðar í pólitík, fólki sem stóð í þeirri trú að þar væri farvegur til metorða. Málefnaleg samstaða er eitthvað sem ekki þekkist innan litlu Samfylkingu, enda enginn málefni til að sameinast um, utan eitt, aðild að ESB.

Afkvæmi litlu Samfylkingar, stóra Samfylking (BF), hefur vissulega valdið miklum taugatitring innan flokksins. Þetta afkvæmi, sem hugsuð var sem stuðningur við Samfylkinguna, óx henni yfir höfuð. Nú má segja að nýji flokkurinn sé aðalflokkur krata, en gamli honum til stuðnings. Það skal þó tekið fram að enn eru nokkrar vikur til kosninga og því gætu hlutföllin breyst aftur, en ljóst er að samanlagt fylgi þessara flokka er langt frá því að vera ásættanlegt fyrir krata. Kratar eru minnkandi stofn, kannski ekki í útrýmingarhættu ennþá, en stutt í það.

Það er því ósköp eðlilegt að þingmenn, sem flestir horfa upp á atvinnuleysi næsta vor, séu ósammála um leiðir. Það er orðið of seint að sýna einhvern þroska, svo allt eins er hægt að enda ferilinn á Alþingi með sama hætti og starfað hefur verið. Í ósátt við allt og alla!

 

Ósammála um tillögu Árna

Athugasemdir

[Jóhann Kristinsson, 4.3.2013 kl. 11:22]

Mottó Jafnaðarflokks; allir eiga að vera jafnir, nema auðmanna elítan hún á að vera jafnari en aðrir. Sem sagt allir eru jafnir.

Kveðja frá Houston

[Gunnar Heiðarsson, 4.3.2013 kl. 11:41]

Animal farm?

[Jóhann Kristinsson, 4.3.2013 kl. 12:00]

Góð útskýring Gunnar ;>)

Kveðja frá Houston