Hvað kmur Timo Summa til að ljúga að okkur íslendingum ?

Timo Summa, hinn brottrekni sendiherra ESB frá Íslandi, nú titlaður forstöðumaður sendiskrifstofu ESB á Íslandi, fer mikinn þessa daganna. Frá honum kemur nú hver spekin af annarri og flest í algerri andstöðu við yfrlýsingar frá Brussel og hinn napra sannleik. Örvænting ESB virðist vera orðin mikil, þegar þeir senda hingað mann í þeim eina tilgangi að vinna málstað sínum fylgi og virðast gefa honum frítt spil til að ljúga að þjóðinni og mútufé talið í hundruðum milljóna í vasanum!!

Summa segir að fullt tillit verði tekið til væntinga og þarfa íslendinga, EN þó innan þeirra marka sem viðræður og reglur ESB segja. Fyrri hluti setningarinnar lofar góðu, en seinni hlutinn segir hinn bitra sannleik. Það mun ekki verða um neinar varanlegar tilslakanir á regluverki ESB að ræða. Þetta vita menn auðvitað, en það má reyna orðskrúðið og lygarnar. Þetta er ekki stór lygi hjá Summa og í raun dregur hann hana svo til baka.

Þá hefur Summa komist að því að umræður og áhugi á þessu ferli hefur aukist undanfarið. Mikið rétt, en túlkun hans að það sé vegna aukins stuðnings við aðild, er hins vegar langsótt. Allar kannanir benda til að stuðningur við aðild sé að minnka og það hratt og kannski einmitt þess vegna sem aukin umræða hefur átt sér stað, að andstaðan sé að aukast. Hverjum hann er að reyna að ljúga að með því að segja að hér sé meiri áhugi á aðild skal ósagt látið, en þjóðin veit betur.

Timo Summa lýgur svo blákallt, þegar hann fullyrðir að makríldeilan hafi ekki áhrif á aðildarviðræður. Meira að segja Össur viðurkennir þessi tengsl og er þá langt gengið. Hvað kemur Summa til að halda fram svona bulli, er óskyljanlegt. Það hefur komið skýrt fram og það oftar en einu sinni og oftar en tvisvar, að makríldeiluna þarf að leysa áður en fiskveiðikaflinn verði opnaður. Þá er einnig skýrt að afnvel þó sá kafli verði opnaður, munu aðildarlöndin hvert og eitt hafa neitunarvald og hafa Írar og Skotar sagt skýrt og skorinort að því muni beytt ef ekki næst að knésetja íslendinga í þessu máli. Málflutningur Summa um þetta mál er bláköld lygi!

Timo Summa segist sannfærður um að lagður verði fram "viðræðupakki" af hálfu ESB til Íslands. Ekkert kemur þó fram hjá honum hvenær þessi "viðræðupakki" verði lagður fram, né um hvað hann eigi að vera, en Summa telur að hann muni gagnast til að "upplýsa" þjóðina. Ef ESB er núna að semja "viðræðupakka", hvað hefur þá samninganefnd okkar verið að gera? Er Summa að segja að viðræður sú ekki enn hafnar? Svona bull er óskyljanlegt með öllu!

Og nú boðar Summa auknar fjárveitingar til "kynningar". Hið rétta orð yfir þetta er mútur, Summa ætlar að dæla hér enn meiri mútum, svo fólk lát sem það trúi bullinu og lygunum frá honum!!

Við þurfum síst á svona mönnum að halda hér á landi. Summa var nánast rekinn af landinu sem sendiherra, eftir að hafa brotið freklega Vínasáttmálann um störf og skyldur sendiráðsmanna í gistiríki. Það sem kom í veg fyrir að beita þyrfti þessum reglum, var að ESB kallaði hann burt af landinu, áður en athæfi hans kom ti kasta Alþingis. Nú senda þeir hann aftur til landsins, undir öðrum titli þar sem þær reglur ná ekki til hans.

Óeining þjóðarinnar er næg vegna þeirrar helferðar til Brussel, sem dregin er áfram af stjórnvöldum, í ósátt við stórann meirihluta þjóðarinnar. Því er koma svona manna, sem einskis svífast og beita lygum í stórum stíl, sem bensín á eld þess ósættis. Þennan mann á að reka burt af landinu og sjá svo um að hann komi aldrei hingað aftur. Við eigum sjálf nóg af svona trúðum og er Össur Skarphéðinsson þeirra helstur. Hann hefur ekki legið á liði sínu til hjálpar ESB.

Ef það er virkilega vilji ESB að kynna fyrir íslendingu dásemdir ESB, þær dásemdir sem erfitt er að sjá fyrir eldi og reyk innan sambandsins, þá senda þeir hingað mann sem kann að segja satt, ekki lygara sem einskis svífst!!

 

Kynning á ESB efld