Mannvitsbrekurnar á Alþingi

Mannvitsbrekkurnar Árni Þór Sigurðsson og Björn Valur Gíslason hafa nú loks komist að þeirri niðurstöðu að aðildarviðræðum muni ekki ljúka fyrir næstu kosningar. Þetta er reyndar löngu fyrirséð, en ánægjulegt að þeir félagar séu búnir að átta sig.

Það hefði kannski einhver haldið að þetta vekti einhvern ugg í brjósti þessara manna, þar sem ýtrekaðar samþykktir innan flokks þeirra hafa verið á þann veg að nauðsynlegt væri að ljúka þesum viðræðum sem fyrst og í síðasta lagi fyrir kosningar. En það er öðru nær, þeir eru kampakátir og hafa báðir opinberað fullann stuðning við að viðræðum skuli lokið á þeim hraða sem ESB ákeður, hvenær sem það svo verður. Þeir hafa báðir opinberað að þeim líki þessi vegferð vel. Þannig hafa þeir opinberlega sagt að samþykktir þess flokks sem þeir sitja fyrir á Alþing, skuli að engu hafðar. Það er svo sem í samræmi við vinnubrögð þeirra hingað til, á þeim vettvangi. Kjósendur VG vita þá að engra breytinga er að vænta á því sviði.

Össur er þó samur við sig og telur að viðræðurnar gangi "samkvæmt áætlun." Hver sú áætlun er hefur þó aldrei komið fram og líklegt að Össur telju best að semja hana að viðræðum loknum, þá er engin hætta á að áætlunin misfarist og ljóst að við hana hefur verið staðið. Þetta gera menn gjarna þegar þeir hafa ekki hugmynd um hvert þeir stefna eða eru að fara. Þá er ferðaplanið ákveðið eftirá svo tryggt sé að áætlun standist. Það skiptir enda engu hverja áætlun Össur gerir um þessar för, það er ESB sem ræður ferð og ákveður hvenær eða hvort þetta mál verði lagt fyrir íslensku þjóðina.

Þessi örpistill minn er vissulega gegn persónum en ekki efni og kannski ekki á þann veg sem skrifa skuli, en þegar slíkar mannvitsbrekkur sem hér um ræðir tjá sig, er freistandi að minnast þeirra.

 

 

Óvissa um lok viðræðna

Athugasemdir

[Jóhann Elíasson, 9.10.2012 kl. 11:19]

Það eina sem vekur ugg hjá mér er að þessir vitleysingar komist aftur á þing eftir kosningar.  Þeir virðast nefnilega ekki þeir einu sem eru kolruglaðir hér á landi...........