Það er huggulegt að vera í EES !!

Tilskipanir ESB dynja nú á okkur, sem aldrei fyrr. Nú er það svokallað "jafnræði" sem skal leiðrétta hér á Íslandi. Reyndar hélt forsætisráðuneytið því fram þann 24. apríl að jafnræðið hefði þegar náðst!!

Í nafni "jafnræðis" eru einkareknum fyrirtækjum bannað að veita afslátt á sinni vöru eða þjónustu, umfram heilaga tölu frá Brussel, heil 13%! Hverjir skyldu nú hafa krafist þessara laga? Skyldu það hafa verið kjósendur, eða launþegar ríkja ESB? Ætli ekki sé nær að ætla að þessi krafa, eins og svo margar aðrar, hafi ekki komið frá fjármálageiranum. Frá þeim sem reka fyrirtækin. Þeir nýta, í þessu sem svo mörgu öðru, ESB sér til hagsbóta. Þeir nýta ESB til verðsamráðs um vöru og þjónusu innan ríkja ESB og EES!!

En hvaða áhrif hefur þessi tilskipun? Það búa margir á Akranesi, Borgarnesi og nærsveitum en stunda nám eða vinnu í Reykjavík, einnig vinna margir norðan Hvalfjarðar en búa í Reykjavík. Þetta fólk ekur hvern virkann dag gegnum göngin, enda var tilgangur þeirra aðra hendina að gera þetta að einu atvinnusvæði. Í dag kaupir þetta fólk 100 ferða áskrift og greiða fyrir það 28.300 kr. m/vask. Þetta er kostnaður upp á ca. 5.900 kr. á mánuði. 

Eftir að þessi tilskipun kemur til framkvæmda er öllum óheimilt að veita meiri afslátt, af sinni vöru og sinni þjónustu, en 13%. Það segir okkur að hundrað ferða áskrift mun fara í 87.000 kr. samkvæmt gildandi verðskrá! Hækkun upp á rúm 300%! Það mun kosta þann sem ekur hvern virkan dag fram og til baka gegnum göngin 18.270 kr.  per mánuð!! Hækkun um 12.370 kr. Það mun hjálpa námsmanninum!!

En áhrifin eru fleiri. Hvað með útsölur? Þar þykir 20% afláttur lítill, algengt að sjá 30% og allt upp í 70%, jafnvel hærra. Nú mun væntanlega ekki mega veita meiri afslátt á útsöluvörur en 18%! Huggulegt!!

ESB sinnar benda væntanlega á þessa tilskipun sem dæmi um valdleysi okkar innan ESB og best sé því að ganga í sambandið. Þetta er auðvitað eins og hver önnur firra. Hvaða hefðu örfáir einstaklingar innan sambandsins haft að segja um þessa tilskipun? Og það sem meira er, hefði verið vilji þessara örfáu fulltrúa okkar að gera slíkt. Hefðu þeir ekki talið að ýmis önnur mál væru þýðingarmeiri? Þessi tilskipun var samin af embættismönnum ESB, eins og svo margar aðrar. Hún fór svo í afgreiðsluferli ESB og enginn mótmælti!! Vald okkar innan ESB mun verða í mýflugumynd og að halda fram að við gætum breytt einhverju á þeim vígstöðvum er í besta falli barnalegt!!

Það er ljóst að aðild okkar að EES samningnum er að fara úr böndum. Það er ljóst að ESB er farið að nota þennan samning til að nýðast á þeim ríkjum sem samþykktu hann. Það er ljóst að EES samningurinn er kominn langt útyfir þau mörk sem honum voru sett í upphafi!

Því verðum við að taka alvarlega upp umræðu um hvort ekki sé tilefni til endurskoðunar á honum og setjast þannig á bekk með Norðmönnum, sem þegar hafa hafið þá umræðu. Fáist ekki endurskoðun á þessum samning, fáist hann ekki færður til baka, til þess er hann upphaflega var ætlaður, er einungis um eitt að velja, úrsögn úr honum! Við erum EFTA þjóð og verðum það áfram. Sem slík er ekkert að óttast þó aðild að EES verði dregin til baka. Auðvitað munum við missa einhvern spón úr aski okkar, en það gæti verið þess virði.

Alþjóðasamningar og samningar yfirleitt, byggja á þeirri einföldu staðreynd að vera gangkvæmir. Svo virðist vera sem EES samningurinn sé ekki lengur gagnkvæmur, skipanir koma frá öðrum aðilanum sem hinn verður að samþykkja. Ef farið er fram á viðræður um framkvæmd einstakra hluta samningsins, dugir að stærri aðilinn neiti slíkum viðræðum!

Þetta getur ekki með neinu móti talist samningur!!

 

Breytt gjöld í göngin

Athugasemdir

[Gunnlaugur Ingvarsson (IP-tala skráð) 5.5.2012 kl. 09:33]

Sæll Gunnar.

Góð grein hjá þér og verulega til umhugsunar.

Það er rétt hjá þér þetta er alls ekki gagnkvæmur samningur. Þetta er orðin hrein og bein nauðung.

Þar sem annar aðiliinn sem við skulum kalla aðila A gengur sífellt lengra fram í alls konar nýjum kröfum við aðila B.

Aðili B getur ekki sett fram neinar kröfur um breytingar og hefur enga kosti í stöðunni nema að ganga að öllum skilmálum A - því annars dynja á honum ofbeldishótanir og aðrar hótanir um útskúfun.

Þetta tilskipana reglugerðarfargan er komið svo langt út fyrir alla heilbrigða skynsemi og er beint hreint tilræði við frelsi einstaklingana og lýðræði þjóðanna.

Svo er þetta óhræsis "valdakerfi" búið að koma sér þannig fyrir að það er nær ósnertanlegt, eins og eitthvert lögmál sem enginn getur haggað við.

Þetta fer að verða eins og í skáldsögu eftir þjóðfélags gagnrýnandann Orwell.

[Eggert Sigurbergsson, 5.5.2012 kl. 11:08]

Það hlýtur að þjóna lýðræðinu að fá að kjósa um EES samninginn sem okkur var neitað um 1993, þetta sagðiBjörn Bjarnason um þjóðaratkvæðagreiðslu á EES samningnum 1992: "Þjóðaratkvæðagreiðsla um EES-samninginn bryti í bága við þær hugmyndir sem hingað til hafa ráðið um fulltrúalýðræði hér á landi."

Ekki virðist hafa orðið mikil viðhorfsbreyting meðal íhlaupamanna á Alþingi um að þeir geti ráðið mikilvægustu málum landsins einir eftir hagsmunum hagsmunahópa eða hugmyndafræði fárra. Þeir telja sig fá umboð til allra verka sem jafnvel skuldbindur ófædd börn okkar um langa framtíð og að þeim nægi aðeins að leika blekkingarleik rétt fyrir kosningar til að véla atkvæði úr fólki með glysgjörnum loforðum er snúa að næsta fögurra ára kjörtímabili, þeir nota síðan þennan umboðstíma til samningsgerða sem ná langt út fyrir þeirra skipunartíma og og jafnvel líftíma.

Það ætti að vera sjálfsagt að öll þjóðhagslega mikilvæg mál sem skuldbinda þjóðina til langs tíma fari í bindandi þjóðaratkvæðagreiðslur, jafnvel eiga fjárlög/aukafjárlög sem afgreidd eru með meira en 3% halla að fara í þjóðaratkvæðagreiðslu.

EES-samningurinn er uppsegjanlegur með 12 mánaða fyrirvara. Hann bindur því ekki Ísland nema 12 mánuði í senn. Unnt er að rifta samningnum með einföldum meiri hluta á Alþingi.

Ísland er lýðveldi en ekki fulltrúaveldi!

[Kolbrún Rósa (IP-tala skráð) 5.5.2012 kl. 11:12]

Góð grein.

Ég er alveg sammála, þessi samningur er komin alveg útá tún og það þarf ekki sérfræðing til að sjá það.
Ég er ung og rótæk og kýs oftar nýtt yfir gamalt en ég er að lesa greinar um kúgun ESB á Íslandi og íslendingum nánast uppá dag.
Ég segi eins og Ólafur Ragnar, ég trúi og treisti því að íslendingar velji það besta fyrir sig og þarf því ekki að óttast kúgunina. Ég held að eftir næstu kosningar verðum við laus við þessar aðildarviðræður nema í versta falli þá eru æðstu menn ESB búnir að ráða "hitman" á fjölskyldur forystumanna ríkistjórnarinnar.

[Bríet (IP-tala skráð) 5.5.2012 kl. 11:52]

Finnst ykkur eðlilegt að gefa  rúml. 70% afslátt? Það er þá greinilega verið að okra á almenningi. Ef gefinn er svona mikill afsláttur þá er verðskráin of há og fólki mismunað.

Þetta hefur ekkert með útsölur að gera, þær standa stutt og eru oftar en ekki aðferð til að losna við rusl sem er hvort eð er of hátt verðlagt. Auk þess man ég ekki eftir miklu framboði af vörum með svo miklum afslætti

[Gunnar Heiðarsson, 5.5.2012 kl. 12:17]

Hvort 70% afsláttur sé réttlátur má endalaust deila um Bríet. Þetta er þó ekkert einsdæmi og hlýtur að vera í valdi þeirra sem láta af hendi vöru eða þjónustu hversu mikinn afslátt þeir veita.

Þegar slíkt er komið í það ferli að einhverjir embættismenn taki um það ákvörðun, erum við komin á hættulega braut forsjárhyggjunnar!

Þá ber að skoða þá staðreynd, í þessu tiltekna máli, að grunngjaldið hefur ekki hækkað, þrátt fyrir mikla verðbólgu þann tíma sem göngin hafa verið opin. Því hafa þeir sem sjaldan fara um göngin fengið raunlækkun.

En Hvalfjarðargöngin eru bera ein byrtingarmynd þessarar tilskipunar. Áhrif hennar munu verða miklu víðtækari. Það er það sem máli skiptir, ekki hvort stjórn Spalar hafi ákveðið að veita þeim sem kaupa hundrað ferðir og borga þær fyrirfram, einhvern ákveðinn afslátt.

Hvað með afslátt af lyfjum? Útsölur? Það er víða verið að veita meiri afslátt en 18% og þeir afslættir munu verða að lækka niður í hina heilögu tölu sem embættismenn ESB telja við hæfi!!

[Jón Frímann Jónsson, 5.5.2012 kl. 12:43]

Það er mjög gott að vera í Evrópusambandinu. Ég hallast hinsvegar að því að þessar fréttir séu tómt rugl og líklega séu bara íslenskir embættismenn sem eru hérna á ferðinni. Þeir væru líklegir til þess að koma með svona þvælu fram í lögum og kenna síðan Evrópusambandinu um það.

[Gunnar Heiðarsson, 5.5.2012 kl. 12:57]

Þú ert alveg ágætur Jón minn!!

[Jón Frímann Jónsson, 5.5.2012 kl. 13:05]

Ég finn ekkert um þetta í lögum Evrópusambandsins.

http://europa.eu/legislation_summaries/consumers/protection_of_consumers/index_en.htm

[Bríet (IP-tala skráð) 5.5.2012 kl. 13:21]

Ég get tekið undir það að það of mikil afskifti geta verið ógeðfelld en svona afsláttakerfi er hreint og klárt rugl og til þess gert að rugla neytendur. Þarf ekki annað en að eiga viðskipti við Wurth til að sjá það. 

Ég er sjálf í viðskiptum og það er hreinlega fyndið hvað margir eru uppteknir af afslætti áður en þeir hafa kynnt sér verðið. Þeir vilja frekar eiga viðskipti þar sem þeir njóta afsláttar heldur en þar sem enginn afsláttur er en samt sem áður lægra verð. Það er eins og fólki finnist það vera eitthvað merkilegra ef það fær afslátt.

Varðandi að verðskráin í göngin hafi lengi verið óbreytt í krónum þá er það ekki nema eðlilegt enda löngu búið að borga upp öll lán og það gekk mun hraðar en reiknað hafði verið með. Ætli afslátturinn hafi ekki verið stigvaxandi.

[Gunnar Heiðarsson, 5.5.2012 kl. 13:53]

Bríet, Hvalfjarðargöng eru algert aukaatriði í þessari frétt. Varðandi lánin þá hef ég svarað þér því í annari bloggfærslu. Þau voru tekin til tuttugu ára og verða uppgeidd árið 2018.

En eins og ég sagði, þá er gjaldskrá Spalar aukaatriði í þessu máli, einungis ein byrtingarmynd þess. Þessi tilskipun mun hafa mun víðtækari afleiðingar. Um það snýst málið, ekki hvort einhver fyrirtæki gefi meiri afslátt en önnur. Þetta snýst fyrst og fremst um það hvort fyrirtækjum sé heimilt að veita þann afslátt sem þau vilja, eða hvort það ákvarðanavald færist til embættismann í Brussel!!

[Tryggvi Thayer, 5.5.2012 kl. 14:47]

Jón Frímann, þetta fellur undir Article 102 - Price Discrimination: Fyrirtæki með markaðsráðandi stöðu má ekki mismuna viðskiptavinum að ástæðulausu. Allt þetta tal um takmörkun á afsláttum á útsölum er hreint bull. þeir sem halda útsölur eru vanalega ekki með markaðsráðandi stöðu (annars þyrftu þeir ekki að halda útsölu). Frétt mbl.is og umfjöllunin í Morgunblaðinu er greinilega til þess að æsa fólk upp með því að segja aðeins hálfa söguna (eins og vanalega).

Gunnar, þú gerir greinilega ráð fyrir að allur kostnaður við afnám mismununar lendi á þeim sem nú fá hæsta afslátt. Af hverju heldurðu það? Meðalgjald um göngin er nú ca. kr. 500. Heldurðu virkilega að Spölur kæmist upp með að jafna kjörin með því að fara með meðalgjaldið upp í næstum kr. 1.000? Frekar fáránleg pæling.

[Gunnar Heiðarsson, 5.5.2012 kl. 15:29]

Auðvitað mun grunngjaldið lækka eitthvað, en það breytir ekki þeirri staðreynd að þetta verður mikill kostnaðarauki fyrir þá sem þurfa að fara þarna í gegn daglega. Getur í raun skpt sköpum um hvort námsfólk geti stundað sitt nám áfram eða hvort fólk geti haldið sinni vinnu. Það er ekki flóknara en það!!

[Tryggvi Thayer, 5.5.2012 kl. 16:33]

Svo ekki sé nú talað um alla útsölu afsláttana sem verða hafðir af greyjunum!

[Gunnar Heiðarsson, 5.5.2012 kl. 17:20]

Þar sem svo margir hér fyrir ofan vilja horfa á gjaldskrá Spalar sem megin þátt fréttarinnar, skulum við skoða það mál aðeins.

Það er erfitt að átta sig á skiptingu gjaldsins gegnum göngin, samkvæmt fréttinni. Þó kemur fram að 93,5% umferðar er samkvæmt gjaldskrá eitt og af því er um 55.7% með mesta afslætti, afslætti fjögur. Ef við horfum á þetta og skiptum 44,3% á þá þrjá flokka sem eru þar fyrir ofan, grunngjald, afslátt eitt og afslátt tvö, má gera ráð fyrir að Spölur gæti lækkað grunngjaldið niður undir 500 kr. á ferð.

Ef við notum þá tölu, 500 kr á ferð, sem grunngjald, gæti mesti afsláttur, 18%, orðið 90 kr. Þ.e. 410 kr. á ferð með mesta afslætti. Nú er ferð með mesta afslætti 283 kr á ferð. Þetta er hækkun upp á tæp 60%!

Sá sem stundar skóla eða vinnu annars vegar við göngin en býr hins vegar við þau er í dag að fara allt að 21 ferð á mánuði til vinnu eða skóla, það gerir 42 ferðir um göngin. Þetta kostar nú 11,886 kr á mánuði. (ath. að í bloggi mínu gleymdi ég að fólk þarf að komast heim aftur). Ef grunngjaldið fer í 500 kr mun Spölur ekki geta haft lægsta gjaldið neðan við 410 kr á ferð. Því mun kostnaður þeirra sem þurfa daglega um göngin vegna vinnu eða skóla verða 17,220 kr á mánuði. Þetta væri góður glaðningur fyrir námsmanninn og sennilegt að eimhverjir yrðu að hætta námi. Það er einnig hætt við að einhverjum væri þetta ofvaxið til að geta stundað sína vinnu og þeir yrðu því að segja upp!

Þetta er einungis hugleiðing, þar sem Spölur hefur ekki gefið upp hvort eða hversu mikið þeir muni lækka grunngjaldið. Þessir útreikningar miðast við bestu hugsanlegu niðurstöðu, líklega verður grunngjaldið töluvert hærra en 500 kr. Því má búast við að enn erfiðara verði fyrir námsmenn að stunda sitt nám og fólk að stunda sína vinnu!

En þetta er einungis ein byrtingarmynd af svo fjölmörgum sem við eigum eftir að sjá, vegna þessarar tilskipunar. Hvernig fer með niðurgreiðslu lyfja, hina ýmsu afslætti sem fyrirtæki og ríki veitir öldruðum og sjúkum, ýmis jöfnunargjöld sem veitt hafa verið og mun skattaafsláttur verða heimill umfram 18%?

Það er mörgum spurningum ósvarað, en megin ruglið er þó að taka það sjálfræði af fyrirtækjum og stofnunum að ákveða sjálf hvort og hversu mikinn afslátt þau veita, að það vald verði fært einhverjum embættismönnum út í Brussel!!

Þetta er forsjárhyggja af verstu sort, sem á ekkert skilt við jöfnuð!

Það sem var þó meginstefið í bloggi mínu var sú spurning hvort EES samningurinn væri ekki orðinn úreltur, hvort hann gæti yfir höfuð talist samningur lengur, þegar annar aðili hans getur krafið hinn um nánast hvað sem er!!

Það er stóra spurningin!!