"Skoðanakannanir Fréttablaðsins"

Það má vissulga draga þann dóm af skoðanakönnun Fréttablaðsins að framboð Samstöðu muni breyta pólitísku landslagi hér á landi. Hvort sú breyting verði svo mikil sem þessi könnu segir eða ekki, er ljóst að fylgi svokallaðra vinstriflokka mun bera skarðann hlut frá borði.

En það var þó annað sem vakti athygli við lestur fréttarinnar í blaðinu, en það var línurit sem sett hafði verið með fréttinni. Samkvæmt því línuriti virðast allir flokkar tapa á framboði Samstöðu og Sjálfstæðisflokkurinn þó sýnu mest. Fylgi hans fer úr um 50% niður í 35%!

En bíðum aðeins, hvenær komu fréttir af því í Fréttablaðinu að Sjálfstæðisflokkur hefði fylgi helming þjóðarinnar? Samkvæmt línuriti blaðsins virðist þó sem flokkurinn hafi haft það fylgi frá því í haust og fram til þessarar könnunar. Flestir hefðu talið þetta stórar fréttir, bæði stuðningsmenn flokksins og ekki síður andstæðingar. Hvers vegna var þessum könnunum haldið leyndum, þar til nú þegar hægt er að sýna fram á stórt tap flokksins?

Eða eru þessar kannanir Fréttablaðsins kannski bara uppspuni, að Sjálfstæðisflokkurinn hafi ekki haft svo mikið fylgi? Hvort heldur er, að blaðið hafi haldið leyndum skoðanakönnunum sínum, eða að það er að búa þær til, þá er Fréttablaðið búið að sanna að það flytur ekki fréttir, einungis áróður fyrir eigendur sína, útrásargutta og Samfylkingu! Það er ekki hægt að taka mark á skoðanakönnunum blaðsins lengur.

Það eru þó alltaf til fræðingar sem eru tilbúnir að selja æru sína. Einn slíkur kom í fjölmiðla og fullyrti að fjórflokkurinn hefði tapað á framboði Samstöðu og vissulega er það rétt ef línurit Fréttablaðsins er skoðað. En fræðingar eiga að vera vandir að virðingu sinni og rannsaka mál, ekki láta mata sig af upplýsingum sem enginn veit lengur hvort eru marktækar.

Fyrir það fyrsta þá eru skoðanakannanr einungis ófullkominn mælikvarði á hvernig fara myndi ef kosið yrði þann dag sem könnun er gerð. Það er út í hött að bera saman slíkar kannanir og meta hvort flokkur er að tapa eða vinna á. Þetta verklag eiga fræðingar ekki að nota, þó stjórnmálamenn geti leikið sér að slíkum gullum. Fræðingar eiga að nota staðreyndir. Staðreyndir eru niðurstöður síðustu kosninga og niðurstöður skoðanakannana má síðan nota til að skoða hvort fylgi flokka virðist vera að aukast eða minnka. Þetta eru þó einungis spekúleringar, enginn domur. Hann fellur í næstu kosningum.

Flokkur                            kosningar 2009         sk.könnun Fréttablaðsins

Framsóknarflokkur             14.8%                     12,5%                         - 2,3%

Sjálfstæðisflokkur              23,7%                      35,0%                         + 11,3%

Frjálslyndiflokkurinn          2,2%                                                            - 2,2%

Borgarahreyf./Hreyfingin  7,2%                         1,7%                           -  5,5%

Samfylkingin                    29,8%                      12,3%                          - 17,5%

VG                                   21,7%                        8,0%                          - 13,7%

Lýðræðishreyfingin           0,6%                                                             - 0,6%

Samstaða                                                         21,3%                         + 21,3% 

Björt framtíð                                                       6,1%                          + 6,1%

Lýðfrelsisflokkurinn                                             1,2%                          + 1,2%

Hægri grænir                                                       0,9%                          + 0,9%

Það er ljóst samkvæmt þessari "könnun" að Samstaða kemur vel inn. Það er einnig ljóst að önnur nú framboð eru ekki að gera stóra hluti. En mestu er um vert að sjá hverja útreið stjórnarflokkarnir fá. Fylgi þeirra samkvæmt þessarar "könnunar" nær einungis rétt rúmum 20%, eða minna en fylgi Samstöðu og hefur hrapað um 31,2% frá síðustu kosningum!!

Það er því deginum ljósara að svokallaður fjórflokkur er ekki að skaðast vegna nýrra framboða. Þeim "óákveðnu" fækkar ekki þó nú séu komin fram fjögur ný framboð, þó í stað fjögurra flokka séu hægt að velja um ellefu!!

En Samstaða sækir sitt fylgi vissulega í fjórflokkinn, en þó einungis til tveggja flokka úr honum. Því er rangt að áætla að það sé ógn við hinn svokallaða fjórflokk. Samstaða er ógn við Samfylkingu og Vinstri græna, enga aðra!

Mesta ógnin við stjórnarflokkana eru þó formenn þeirra og þeirra gerðir. Samstaða er einungis skjól sem hluti kjósenda stjórnarflokkanna finna sér, aðrir fara annað, eins og t.d. til Sjálfstæðisflokks og örfáir til Bjartrar framtíðar.