Vandi Össurar

Össur hefur verið duglegur að vinna umsókn Íslands að ESB fylgi ..... erlendis, nú síðast hjá utanríkisráðherra Kýpur.

Það sem ég velti hins vegar fyrir mér er hvernig allir þessir leiðtogar ESB ríkjanna geti lofað stuðningi við samning sem ekki er enn orðinn. Hvernig hægt er að lofa stuðning við eitthvað sem ekki er til.

Eða er kannski samningurinn tilbúinn? Er búið að semja? Vissulega ekki, en þessir leiðtogar, sem hafa lofað Össur stuðningi, gera auðvitað ráð fyrir að farið verði að reglum ESB, að í raun sé ljóst hvaða kröfur Íslands þurfa að gangast að. Þeir vita að ekki er um eiginlegann samning að ræða, einungis sé hægt að semja um tímasetningu þess hversu fljótt eða seint við þurfum að taka upp einstök lög og reglur ESB.

Það er ljóst að enginn leiðtogi neins lands getur lofað stuðningi við samning sem ekki hefur verið gerður, þeir geta hins vegar lofað stuðningi við það sem þeir þekkja og vita hvernig endar.

Vandamál Össurar við að fá fylgi við aðild Íslands að ESB liggur þó ekki erlendis, sá vandi hans er allur hér heima.

 

Lýsti stuðningi um umsókn Íslands

Athugasemdir

[Ásthildur Cesil Þórðardóttir, 24.9.2011 kl. 20:43]

ÉG er farin að hallast að því að Össur sé komin á mála hjá Brussel með feitan góðan eftirlaunapúða við rassinn við undirritun.  Hann er ekki að framfylgja þjóðarvilja, heldur einhverju öðru sem er ofar mínum skilningi.  

[Sigurður Haraldsson, 24.9.2011 kl. 21:50]

Samála Ásthildur hann er klárlega komin með starfsloforð þannig er þetta og verður áfram með gamla hentipólitíkusa ef við gerum ekkert í því!

[Sleggjan og Hvellurinn, 25.9.2011 kl. 01:42]

"Hvernig hægt er að lofa stuðning við eitthvað sem ekki er til."

þarna hitturu naglan á höfuðið Gunnar.

Þess vegna er furðulegt afhverju NEI sinnar vilja fara í þjóðaratkvæðisgreiðslu um hvort við eigum að halda áfram ferlinu.

Þá þurfa JÁ sinnar að afla stuðning um eitthvað sem er ekki til.

[Gunnar Heiðarsson, 25.9.2011 kl. 06:55]

Takk fyrir ykkar innlit, Ásthildur og Sigurður.

S&H, vissulega hitti ég naglann á höfuðið. Nei sinnar eða öllu heldur sjálfstæðissinnar, hafa aldrei verið verið á móti atkvæðagreiðslu. Hún þarf bara að vera á réttum tíma fyrir rétt tilefni.

Auðvitað átti að kjósa meðal þjóðarinnar hvort fara ætti í aðildarumsókn og síðan aftur að viðræðum loknum. Andsjálfstæðissinnar sáu til þess að ekki yrði kosið um umsóknina þar sem þeir vissu að ekki væri meirihluti fyrir henni og fótum tróðu þar með lýðræðið.

Það sækir engin þjóð um aðild að ESB nema vilji sé til að ganga þar inn. Að ætla að sækja um til að fá að vita hvað við fáum er eins barnaleg rök sem frekast getur. Það liggur fyrir hvað við fáum og hvað við missum. Einungis er spurning hvað við getum tafið upptöku einstaka reglugerðar ESB lengi.

Annað er ekki í boði.

Þess vegna geta ráðherrar ríkja þeirra landa er mynda ESB gefið Össur sitt vilyrði fyrir stuðning, þeir vita hvernig málið endar.

[Sleggjan og Hvellurinn, 25.9.2011 kl. 14:42]

þá hefði kosningabaráttan verið um samning sem er ekki til.

það er illmöguleg kosningabarátta.