Áttaviltur flokkur?

Þetta er fín skýrsla, eða öllu heldur aflátsplagg. Hellstu niðurstöður eru þær að Sjálfstæðisflokkur gerði allt það slæma en Samfylking það góða. Punktur.

Það er varla mikið mark takandi á rannsókn sem framin er af brotamanninum sjálfum. Þessi skýrsla ber öll merki þess.

Frasar eins og að "Samfylkingin hafi beygt sig undir þær venjur sem skapast höfðu í langri valdatíð Sjálfstæðisflokksins og leyft honum að halda þeirri forystu sem hann hafði haft í samstarfi við Framsóknarflokkinn",  vekja ekki beinlínis upp trú á að þarna hafi verið unnið að því að finna veikleikana hjá sér og hvað betur mætti fara. Frekar verið að leita að blóraböggul og leið til að fela eigin afglöp!!

Vissulega fylgdi Samfylkingin ekki eigin stefnu í þessu samstarfi. Eins og hvert mannsbarn veit er stefna Samfylkingar einungis ein; beina leið til Brussel.

Málið er ekki endilega að halda eigin stefnu, frekar að vinna að heilindum fyrir land og þjóð. Þetta sýnir sig nú, þegar þessi sami flokkur hefur unnið eftir eigin stefnu í tæp tvö ár og gleimir öllu öðru. ESB hefur forgang fyrir öllu, burtséð frá vilja þjóðarinnar!!

 

Fylgdu ekki eigin stefnu