Hafna ríkisstjórninni!!

Stjórnin hlýtur að hugsa sinn gang alvarlega núna. Sá aðgerðapakki sem fram kom í gær er hreinn og klár brandari. Því betur sem hann er skoðaður kemur betur í ljós hversu handónýtur hann er og hvað stjórnvöld hafa látið banka og lánastofnanir undir forustu lífeyrissjóðanna, plata sig upp úr skónum.

Það er ljóst að sá kostnaður sem talað var um upp á um 100 miljarða er rugl. Aðgerðapakkinn byggist fyrst og fremst upp á viðurkenningu á þegar töpuðum kröfum og að hætt verði við vaxtaskerðingar og skerðingu á húsaleigubótum. Hver raunverulegur kostnaður verður er ekki enn alveg ljóst en þó má gera ráð fyrir að hann verði nálægt 10 miljörðum.

Þessi aðgerðarpakki eykur enn á mismun milli fólks og eykur enn meiri úlfúð í þjóðfélaginu, auk þess sem þess er vel gætt að ekki sé nein viðurkenning á forsendubresti, sem er þó grundvöllur að lausn vandans!

Stjórnin opinberaði vanmátt sinn gegn bönkum og lánastofnunum í gær, fullkomlega!! Því mun rikisstjórninni verða hafnað af fólkinu í landinu!!

 

Hafna aðferðafræði stjórnvalda