"Eftir helgi". Hvaða helgi?

Það er í raun ótrúlegt að enginn fréttamaður hafi spurt Steingrím að því hvaða helgi hann ætti við. Á hann við næstu helgi eða einhverja helgi í febrúar.  Þessi frasi "á næstu dögum" og "eftir helgi" er farinn að vera hlægilegur og ekki ráðherrum sæmandi!

Steingrímur segir að lausn skuldavanda fyrirtækja og heimila "fari á fulla ferð". Hvað á hann við? Hefur stjórnin ekki verið að vinna af fullum krafti hingað til?

Steingrímur talar um að samkomulag liggi fyrir. Samkomulag við hvern eða hverja? Hann talar um að áfram verði fundað með hagsmunaaðilum um málið. Hann á þá væntanlega við fjármagnsstofnanir!

Sú stefna sem stjórnin hefur tekið er kol röng. Vandi verður ekki leystur með því að horfa fyrst og fremst á kostnaðinn eða hvort einhver hugsanlega gæti skaðast. Vandi verður því einungis leystur með því að skoða vandamálið og hvaða aðferð er best til að leysa það!

Vissulega mun einhver kostnaður verða og endalaust hægt að deila um hvort um raunverulegann kostnað sé að ræða eða minni gróða fyrir einhverja en ella. Kostnaðurinn, sama hversu lítill sem hann er, mun alltaf vera of hár í augum þeirra sem þurfa að borga, eða endurgreiða!

Hugsanlega mun einhver skaðast, en þó ber að átta sig á því að skaði þeirra mun verða mun meiri ef ekkert er að gert. Það er deginum ljósara að ef vandi lánþega verður ekki leystur á vitrænann hátt munu ekki bara þeir tapa stórt, heldur allir landsmenn. Meiri líkur en minni eru á að hér muni verða mun þyngri og erfiðari kreppa ef sú staða kemur upp, kreppa sem vart verður komist upp úr.

Það er komið hættulega nálægt þeim tímapunkti að ekki verður aftur snúið, að vandinn verði einfaldlega ekki leysanlegur.

 

Aðgerðir í „nokkrum pökkum“

Athugasemdir

[Sigurður Haraldsson, 19.11.2010 kl. 20:16]

Sælir þú hittir naglann á höfuðið vandinn er ekki leysanlegur það er komið á hreint fyrir löngu!

[Gunnar Heiðarsson, 20.11.2010 kl. 06:50]

Vissulega er vandinn stór Sigurður en ekki óleysanlegur, ekki ennþá, en það styttist í það!