Verið að starta áróðursmaskínu ESB!!

Vissulega þarf ESB að kortleggja Ísland og sjá hvar hellst er þörf á áróðri. Þetta eru ekki neinir vitleysingar þarna í Brussel og vissulega treysta þeir ekki Össur fyrir svo mikilvægu verki!

Timo Summa virðist vera einskonar Össur þeirra Finna og hafa þeir haft vit á að koma honum úr landi. Í fréttum í sjónvarpi sagðist hann viss um að þó andstaða við aðild væri almenn núna, muni það vera orðið breitt þegar samningur verður tilbúinn. Nokkuð það sama og Össur hefur sagt. Það er mikil trú þeirra á áróðursvél ESB, eða kannski þeir telji almenning á Íslandi bara svona heimskan.

155 miljónir króna skal notað til áróðurs næstu tvö árin, væntanlega verður svo slegið í klárinn að þeim liðnum og dælt ómældu fé í þetta fram að kosningu. Ólína Þorvarðardóttir miklaði fyrir sér að Heimsýn skyldi fá hálfa miljón í styrk og smá pláss til auglýsinga í Bændablaðinu. Réttlætiskennd hennar hlýtu að fara á flug núna, 155 miljónir í áróður, það er 154,5 miljónum meira en Heimsýn fékk.

Summa talar um skrifstofur í Reykjavík og Akureyri sem muni sjá um þeta starf. Þetta er gróf íhlutun að okkar lýðræði, að leyft skuli að annar aðilinn geti með samþykki og vilja stjórnvalda sett á stofn skrifstofur hér á landi til að koma sínum málum að. Við erum að tala um málefni sem stór hluti þjóðarinnar er andvígur, jafnvel þó meirihlutinn væri sammála aðild, er þetta mikil mismunun á skoðana myndun. Annar aðilinn fær að starfa með samþykki stjórnvalda og eyða því fé sem hann telur þurfa, meðan hinn aðilinn er vændur um svindl og svínarí við það að nota smáaura í sinni baráttu. Þetta er eins og að heyja stríð, annar aðilinn er vopnlaus og skammaður fyrir að taka stein í hendi sér, en hinn búinn öllum þeim vopnum sem þekkjast. Það er þó ekki víst að vopnaði aðilinn muni vinna! 

Hverjum dettur virkilega í hug að þessi svokallaða upplýsingaveita muni koma með gagnrýnan málflutning? Hverjum dettur virkilega í hug að þessi svokallaða upplýsingaveita muni segja frá því sem miður er gott í ESB eða segja frá nokkru því sem gæti dregið úr löngun til að undirleggjast það skrímsli? Jafnvel Summa og Össur vita þetta, sennilega eru þeir þess vegna svona vissir um að almenningur muni snúast til "réttrar" leiðar. Ofurtrú þeirra á áóðursmaskínu ESB er slík.

Þetta svokallaða kynningarstarf sem ESB hefur boðað og er að verða að staðreynd, er ekkert annað en áróður, sama hvaða nafni menn vilja kalla það. Þeir sem eitthvað efast um þetta skulu bara skoða hvað fellst í áróðri og hvernig hann er upp byggður!

 

ESB kortleggur Ísland

Athugasemdir

[Númi (IP-tala skráð) 10.11.2010 kl. 12:06]

Tek heilshugar undir þennan pistil,ekkert annað en áróður og kúgun gagnvart Íslendingum.Þetta jaðrar við nasisma vinnubrögð,Össur Skarphéðinnsson,er ekkert annað en landráðamaður.Nú á að telja þjóðinni trú um það hve indælt þetta ESB-Mafíuveldi er,og sá tími sem notaður er í það er akkúrat þegar þjóðin á virkilega erfitt uppdráttar samanber núna.Það á að ljúga svo að þjóðinni að henni verði betur borgið með því að afsala fullveldi sínu.           

                     ÍSLANDI ALLT------------ALDREI ESB.