Af einskærri heimsku anar OR í örendið

Orkuveita Reykjavikur ætlar ekki að gefast upp á Cabfix verkefninu. Nú virðist Hafnafjörður úr myndinni, að mest og þá er ráðist á næstu fórnarlömb, Þorlákshöfn og Húsavík.

Einhverra hluta vegna er augljósasti kosturinn ekki inn í myndinni, orkuvinnslusvæði OR á Hellisheiði. Hvers vegna? Þar er allt sem til þarf, meira að segja niðurdælingaholur og allur búnaður. Eina sem þarf er lögn frá Miðbakkanum inn á heiðina. Ætti ekki að vera mikið mál og ef þetta er bara eins og hver annar gosdrykkur, er malið einfalt.

Eða er þetta kannski eitthvað eitraðra en gosdrykkur? Eru forsvarsmenn OR tilbúnir að bergja á glundrinu? Getur verið að OR sé hrædd um að orkuvinnslan á heiðinni sé í hættu af því magni sem til stendur að dæls í jörð, að það geti leitt til jarðskjálfta eða jafnvel enn verri hamfara, svo orkuvinnslan verði í hættu?

Einhver ástæða liggur fyrir því að OR er svo umhugað um að þessi starfsemi verði einhversstaðar annarsstaðar en í grennd við það svæði sem fyrirtækinu hefur verið úthlutað, til orkuvinnslu. Helst sem lengst í burtu.

Nú þegar hefur stórum upphæðum verið sóað í þetta verkefni, þó dótturfyrirtækið sé verðlaust. Það er nokkuð sérstakt. Og enn skal sóað fé í nafni OR. Ekkert veð til hjá Carbfix. Og loks, þegar ekki verður lengra komist í foraðinu, þurfum við eigendur OR að borga brúsann.

Þegar menn, af ógætni, ana út í foraðið, er um tvennt að ræða. Að snúa til baka og komast á fast land, eða hitt að halda áfram í örendið. Það þarf fádæma heimsku til að velja síðari kostinn, þó gerir Orkuveita Reykjavíkur einmitt það!

Carbfix svarar fyrir sig vegna áforma á Húsavík

Athugasemdir

[Trausti (IP-tala skráð) 8.4.2025 kl. 08:50]

Hvað annars er að gerast í Helguvík þeir hafa nú dælt þar niður fleiri hundruðum tonna í eitthvað tilraunaverkefna kjaftæði sem engin vill eða tekur ábyrgð á. Ekki er að sjá að bæjarstjórn Reykjanesbæjar hafi eitthvað fjallað um þetta mál því er þetta hið dularfyllsta. Hvað með hitt tilraunakjaftæðið að hella þúsundum lítra af vídissóta við botn Hvalfjarðar og sjá svo hvað það hefur áhrif á vistkerfið .. Kleppur hefur lokað og allir sjúklingarnir eru komnir um allt stjórnkerfið til að gera einhverjar tilraunir á eyjunni okkar.. Gjörsamlega kex ruglað lið.

[Gunnar Heiðarsson, 8.4.2025 kl. 14:51]

Það er rétt Trausti, ég gleymdi Helguvík. Þar gæti hlið okkar inn og út úr landinu verið í hættu, flugvöllurinn.

Staðreyndin er að það veit enginn hvaða áhrif þessi niðurdæling mun hafa og ekki víst að þar komi allt fram strax, gætu liðið ár eða áratugir þar til það verði ljóst.

Hitt er alveg klárt og þarf ekki mikla menntun til að sjá, að niðurdæling á þúsundum eða miljónum tonna af vökva í berglögin mun hafa áhrif. Við olíuvinnslu með fraking aðferð, þar sem borað er berglög og dælt vatni til að sprengja þau upp svo vinna megi olíu úr þeim, er vökvamagnið lítið sem þarf. Ekkert í líkingu við það sem OR hefur hugmyndir um.