Formenn sperra sig

Ég glaptist til að horfa á formenn stjórnmálaflokkanna sperra sig í sjónvarpinu. Þeim tíma hefði betur verið varið í annað.

En maður verður jú að vera upplýstur, það eru víst að koma kosningar svo betra er kannski að vita hvar maður á að setja X á seðlinum. Eftir þennan þátt er maður lítt betri í kollinum á því sviði, froðusnakkið með eindæmum milli þess sem gamalgróin loforð voru flutt, loforð sem svo gleymast daginn eftir kosningar en dregin aftur upp úr hattinum þegar þær næstu nálgast.

Það sem þó kom kannski mest á óvart var hvernig formaður Viðreisnar opinberaði fákunnáttu sína og það um eina málið sem sá stjórnmálaflokkur var stofnaður um, ESB. Hún ætlar að semja við ESB um aðild Íslands að sambandinu! Það veit hvert mannsbarn, sem eitthvað hefur kynnt sér sambandið, að umsóknarríki semja ekki um aðild, enda slíkt óframkvæmanlegt fyrir ESB. Það er útilokað fyrir ESB að semja við umsóknarríki, þar sem lög þess ná yfir 27 lönd. Það þyrfti þá að breyta lögum í hverju aðildarríki til að þóknast umsóknarríkinu. Það sér hver maður að það gengur einfaldlega ekki upp. Því er skýrt í Lissabonsáttmálanum að umsóknarríki verði að aðlaga sig að lögum og reglum ESB, vilji það inngöngu. Einungis hægt að semja um hversu langan tíma sú aðlögun þurfi að taka. Það er magnað að fólk sem hefur slíka tröllatrú á ESB skuli ekki einu sinni gera sér grein fyrir einföldum staðreyndum, eða þekkja Lissabonsáttmálann, sem er einskonar stjórnarskrá sambandsins.

Þar sem formaður Viðreisnar hefur haldið því fram að aldrei muni verða gefið eftir í sjávarútvegsmálum, getur hún gleymt frekari viðræðum við ESB um inngöngu Íslands. Hún þarf ekki annað en að spyrja það fólk sem var við stjórnvölin þegar síðustu viðræður sigldu í strand, sumarið 2012, á hverju hafi strandað!

Ef einhver formaður sýndi þarna yfirvegun var það formaður Miðflokksins. Hann þurfti ekki að hækka róminn eins og hinir.

Peningum ausið út í loftið í loftslagsmálum

Athugasemdir

[Grímur Kjartansson, 1.9.2021 kl. 08:56]

Í dag eru 2 hlutir sem við fáum ekki undanþágu frá.

Við megum ekki taka við ferðmönnum frá USA

Við megum ekki landa Makríl

Annað hvort beygjum við okkur undir ægivald Ursulu von der Leyen eða brjótumst undan ESS samningnum. Nema við sendum ÞKG til Brussel til að semja og komi heim með glæsilegan samning líkt og Svavar forðum.

[Jóhann Elíasson, 1.9.2021 kl. 10:23]

Alveg tek ég undir með þér Gunnar.  Ég lét glepjast og horfði á þennan þátt og mikið óskaplega sá ég eftir tímanum sem ég eyddi í þessa þvælu.  Og að einhver skuli hafa það ennþá sem sitt aðalmál og eiginlega það eina að ganga í ESB.  Helsta málið er að segja EES samningnum upp  og koma okkur úr Schengen...........

[Símon Pétur frá Hákoti (IP-tala skráð) 1.9.2021 kl. 11:10]

Ergo sum:  X M.

[Símon Pétur frá Hákoti (IP-tala skráð) 1.9.2021 kl. 11:20]

Ef við viljum vera sjálfstætt og fullvalda þjóðríki

þá er fyrsta skrefið að segja upp EES samningnum.

Það er lykilatriðið og meginmálið, að segja honum upp.

[Símon Pétur frá Hákoti (IP-tala skráð) 1.9.2021 kl. 11:53]

Það skiptir mestu máli fyrir okkur sjálfstæðismenn

að tryggja sjálfstæðið og fullveldið.

Það gera sjálfstæðismenn með því að setja x við M.

Eina raunhæfa valkostinn fyrir okkur sjálfstæðismenn.

[Hörður Þormar (IP-tala skráð) 1.9.2021 kl. 14:17]

Ursula von der Leyen er dugnaðarkona, auk þess að stjórna ESB þá er hún sjö barna móðir.

"Ég tek hatt minn ofan fyrir henni".

[Símon Pétur frá Hákoti (IP-tala skráð) 1.9.2021 kl. 15:25]

Hvaða máli skiptir það fyrir okkur hver Ursula van der Leyen er?

Hún má sinna sínum.  Ekki mun hún sinna okkar málum.

Okkar er að taka á okkar eigin sjálfstæðis- og fullveldismálum, sem þjóðríki.

[Gunnar Heiðarsson, 1.9.2021 kl. 15:27]

Sæll Grímur. Við vitum hvernig samningur það yrði enda ekkert um að semja. Það ætti ÞKG að vita.

[Gunnar Heiðarsson, 1.9.2021 kl. 15:29]

Sæll Símon. Gaman að fá þig aftur í heimsókn á þessa nöldursíðu mína. Er sammála hverri athugasemd hjá þér, hér fyrir ofan.

[Gunnar Heiðarsson, 1.9.2021 kl. 15:35]

Barneignir  Ursulu kemur sjálfstæði okkar lítið við, Hörður. Það hafa margar dugnaðarkonur átt börn samhliða pólitískum afskiptum og oftar en ekki sinnt báðum þeim störfum af prýði.

Ursulu von der Leyen getur verið ágætis manneskja og örugglega góð móðir. Pólitíska líf hennar er hins vegar svolítið sérstakt og sennilega fáir sem myndu hæla sér af þeim afrekum sem henni hefur tekist á því sviði.

[Hörður Þormar (IP-tala skráð) 1.9.2021 kl. 19:54]

Ekki er ég hlynntur inngöngu Íslands í ESB, en ekki er mér kunnugt um að Ursula von der Leyen beiti Evrópubúa einhverju ægivadi. Auk þess býst ég ekki við að Ísland sé ofarlega á lista yfir áhugamál hennar. Er það hálflélegt ef íslensk stjórnvöld hrökkva í kút í hvert skipti sem hún hreyfir litla fingur.

Við hljótum að óska þjóðum ESB gæfu og bjartrar framtíðar. Það er ekki síst okkur Íslendingum fyrir bestu.

[Símon Pétur frá Hákoti (IP-tala skráð) 2.9.2021 kl. 01:13]

Þegar ESB tekur sér það vald að ákvarða um það hvort Bandaríkjamenn og Kanadamenn megi ferðast til Íslands, eða ekki.

Og þegar núverandi ríkisstjórn velkist í vafa um hvað hún megi og hvað ekki, í þeim málum, þá er ljóst að núverandi ríkisstjórn er leppstjórn ESB.

Hverjum heiðvirðum sjálfstæðismanni ætti þá að veta ljóst hverra erinda núverandi ríkisstjórn gengur og hversu mjög hefur dregið úr sjálfstæði og fullveldi lands okkar og þjóðar.

Vel má vera að einhverjir þeir sem telja sig sjálfstæðismenn finnist þetta hið besta mál og setji x við V alhöll.

En það gefur augaleið, að slíkt geta ekki sannir sjálfstæðismenn gert.  Þeir hafa betri kost:  x M