Að kjósa með hjartanu

Brynhildur Pétursdóttir, þingmaður Bjartrar framtíðar, hvetur fólk til að kjósa með hjartanu. Ég ætla sannarlega að vona að sem flestir geri slíkt, að þeir mæti á kjörstað og kjósi það framboð sem stendur hjarta þeirra næst. Annað væri út í hött.

Það er því undarlegt að sami þingmaður stingur upp á því að gefa kjósendum "annan kost", þ.e. að kjósa einnig eitthvað annað framboð, ekki það sem stendur næst hjarta þeirra.

Vandinn liggur ekki í hvort kjósendur hafi eitt eða tvö atkvæði, þegar þeir mæta á kjörstað, hvort þeir geti bæði kosið með hjartanu og einnig eitthvað annað. Vandinn liggur í hversu mörg framboð eru í boði. Þegar svo er má alltaf búast við hárri hlutfallstölu "ónýtra atkvæða". Hvort þetta er gott eða slæmt fyrir lýðræðið má alltaf deila um, fjöldi framboða sýnir sannarlega að fjöldi fólks er tilbúið til að þjóna þjóðinni. Á móti kemur að fjöldi "ónýtra atkvæða" verður meiri.

Þeir sem velja að færa sitt atkvæði þeim framboðum sem minnstu möguleikana hafa, gera slíkt væntanlega af því að þeir telja þau framboð, málefni þeirra og frambjóðendur, liggja næst sínu hjarta. Hvert seinna atkvæði þessara kjósenda fer er útilokað að segja til um, en líklega færi það til einhvers annars framboðs sem litla möguleika á.

Þarf þá ekki að bæta þriðja atkvæðinu á hvern kjósanda, jafnvel því fjórða eða fimmta?!

Kjósendur fái kost númer tvö

Athugasemdir

[Ragna Birgisdóttir, 6.10.2016 kl. 14:30]

Sjálfstæðismenn heppnir. Þurfa ekki svona valkost. Útikamar Íhaldsins Viðreisn tekur við þeim sem kjosa ekki lengur x-D með hjartanu :)

[Jóhann Kristinsson, 14.10.2016 kl. 23:05]

Furðuleg árátta hjarðhegðunar kjósenda að tala um að aðrir sem ekki kjósa sex flokkana séu að ónýta atkvæði sín.

Þeir sem ekki kjósa sex flokkana eru ekki ánægðir með þeirra stefnuskrá og það sem þeir hafa sýnt í verki.

Ekki dettur mér í hug að kjósa Hidiríði Clinton eða Dóna Trump og mer finnst að ég,noti heilann við mínar ákvarðanir. Nota hjartað í að gera ákvarðanir hefur ekki komið vel út til þessa.

Sjá hælisleitendavandamálið sem er að rísa upp eins og tvíhöfða þurrsi. Þegar atkvæði voru greidd með eða á móti nýju útlendingalögunum í vor þa notuðu næstum allir þingmennirnir hjartað við að ákvörðuna hvernig þau greiddu atkvæði og því fer sem fer.

Kveðja frá Houston