Gylfi telur ....

Það er skondið þegar maður með á aðra milljón í laun á mánuði, borguð úr vasa þeirra sem þurfa að sætta sig við að fá laun allt niður í 214.000 kr/mán. telur sig vita hvað launagreiðendur hanns vilja!

Það má vissulega gera ráð fyrir hörku á vinnumarkaði í vetur, ekki vegna fjárlaga, heldur vegna þess samnings sem téður Gylfi gerði fyrir launafólk, fyrir rétt tæpu ári síðan. Þá horfir launafólk einnig til þess hvernig viðsemjendur þeirra hafa hagað sér, allt frá því sá samningur var gerður. Ekki var þornað blekið eftir undirskrift hanns þegar sömu atvinnurekendur hófu að semja um mun hærri launabætur til annarra starfsmanna sinna.

Þá er ljóst að allir þeir sem utan ASÍ samniga eru, hafa fengið mun hærri launabætur en fram komu í honum.

Það er því alls ekki fráleitt að loks meti Gylfi málið rétt, að það muni verða harka í kjarasamningum eftir áramót. En viska hanns er þó svo döpur að það mat hans byggir á kolröngum forsendum. Þar þarf hann að líta sér nær!!

Setja úrslitakosti

Athugasemdir

[Vagn (IP-tala skráð) 17.12.2014 kl. 09:35]

Trú þín á einræði og almætti Gylfa er aðdáunarverð og honum mikið hrós.

[Gunnar Heiðarsson, 17.12.2014 kl. 11:15]

Ekki trú Vagn, heldur bitur reynnsla.

[Vagn (IP-tala skráð) 17.12.2014 kl. 12:07]

Það hlýtur að vera þægilegt að geta tekið tugi félaga og hundruð stjórnenda og ákveðið að einhver einn (sem hefur ekkert vald yfir hinum) beri alla ábyrgð og ákveði allt sem gerist. Eins og lítið barn sem kennir veðurfræðingunum um óveðrið.

[Gunnar Heiðarsson, 17.12.2014 kl. 21:33]

Að bera kjarasamninga við veðurspá er barnalegt Vagn.

Þeir sem þekkja stjórnarstrúktúr verkalýðshreyfingarinnar vita að vald foreta ASÍ er nánast það sem hann sjálfur kýs sér. Og vissulega hefur Gylfi sýnt í því starfi einræðisverk.

Bein kosning til forseta ASÍ, allra félagsmanna, allra stéttarfélaga sem aðild eiga að ASÍ, er eina leiðin til að byggja traust launþega á þessu embætti. Þó sumum hafi látist það vel úr hendi er alltaf sú hætta til staðar að menn sem ekkert erindi eiga í forsetastól sambandsins komist þar að. Og efir að hafa náð stólnum er nánast ekkert sem getur komið viðkomandi þaðan aftur, nema vilji þess manns sem vermir þann stól.

Þetta þekkja allir sem hafa hrærst í stéttarbaráttu undanfarna áratugi, eða að minnsta kosti ættu að vita það.

[Gunnar Heiðarsson, 17.12.2014 kl. 21:38]

Þá má ekki gleyma þeirri staðreynd að aðild að ASÍ er ekki valkvæð hvers einstaklings. Þetta er ekki eins og stjórnmálaflokkur, þar sem hver getur gengið inn eða út, eftir hug sínum. Þetta er heldur ekki eins og veðurfréttir, sem hver er frjáls af því að horfa ekki né hlusta á.

Það er sama hvað launþeginn segir eða er ósáttur við vinnubrögð ASÍ, eða forseta hanns. Laun þeirra sem þar starfa og forsetans, eru sótt í vasa launþegans og er sjálfkrafa tekið af launum hanns áður en hann fær að sjá þau!!

[jón (IP-tala skráð) 28.12.2014 kl. 19:40]

að reyna að líkja þessu saman við veðurfræðing er eins og að reyna að

líkja illa innrættan þurs við smákettling. Það er náttúrulega alveg út í hött að gera samanburð þar á milli. Ég er sammála gunnari, það er ekkert valkvætt við þessa stofnun, menn eru þvingaðir til að greiða í þennan pott og síðan er sama klíkan yfir þessum potti svo árum og jafnvel áratugum skiptir. Það má alþingi eiga að þar eru breytingar og mönnum skipt út þegar óánægjan er mikil hjá skattborgurum og miklu eðlilegri stjórnmálastofnun hvað það varðar.