Pælið aðeins í því hvað þarna er verið að stefna að!!

Hverskonar andskotans rugl er eiginlega í gangi í Landsvirkjun? Er stefnan að rústa fyrirtækinu?

Fyrst er talað um að leggja rafstreng til Bretlands, svo koma megi "umframrafmagni" í verð. Reyndar er ekkert umframrafmagn til hjá Landsvirkjun, heldur er skortur á orku frá fyrirtækinu, svo mikill skortur að skerða þurfti meira til stóriðjunnar en samningar heimila, nú í vetur, með tilheyrandi kostnaði fyrir Landsvirkjum. Og ekki stendur sú staðreynd mikið fyrir draumóramönnunum, að ekki sé til tækni til að leggja streng milli Íslands og Bretlands. Svoleiðis leiðindi horfa þessir menn ekki á!

Nú á að fara að taka hluta af hálendinu undir vindmylluskóg og vissulag verður þetta skógur, eins og fyrirtækið sjálft bendir á með nafngift þess svæðis sem taka skal undir þessa draumóra. Alls munu fara 34 ferkílómetrar undir þennan frumskóg úr járni. Skóg sem mun skaga 135 metra upp í loftið!!

Forsvarsmenn Landsvirkjunnar eru duglegir við að benda á hversu gott sé að framleiða rafmagn með vindmyllum hér á landi og nefna þá gjarnan að orkunýtingin sé mun hærri hér en ytra. Þar benda þeir á rekstur þeirra tveggja vindmyllna sem þegar eru komnar upp. Sjálfsagt má finna víða um veröldina tvær vindmyllur sem hafa jafn góða orkunýtingu og jafnvel betri. Ekki er víst að sama orkunýting verði að meðaltali í vindmyllunum þegar þær eru orðnar allt að 80.

Aldrei hafa þessir menn nefnt hvað orkueiningin kostar frá vindmyllunum og hversu "hagkvæmar" þær séu samanborið við vatnsaflsvirjanir. Það er þó eini samanburðurinn sem fyrirtækið þarf að gera. Allt annað er bara til að spila með fólk. Erlendis byggist hagkvæmnin fyrst og fremst á því að þegar vindur blæs og myllurnar framleiða vel, er hægt að draga niður framleiðslu í kola og olíverum, að sama skapi er aukin framleiðsla í þeim verum þegar vindur dettur niður og framleiðsla myllnanna minnkar. Hér á landi eru engin kola eða olíuorkuver, einungis vatns og jarðhitaorkuver. Því mun engin sparnaður verða þegar vindur blæs gegnum vindmylluskóginn hér á landi. Vatnið mun þá renna verr nýtt til sjávar. Eftir sem áður þurfa vatns og jarðhitaverin að hafa getu til að framleiða þá orku sem þarf þegar mesta notkunin er, þar sem vindurinn spyr ekki Landsvirkjun hvenær hann skuli blása.

Það heyrist lítið í samtökum náttúruverndarsinna og má það kallast næsta undarlegt. Lón eru vissulega ekki landprýði, en þau aðlagast þó landinu og verða hluti þess. Skógur af vindmyllum getur aldrei aðlagast landslagi og mun alltaf verða náttúrulýti. Þó haldið sé fram að þetta sé afturkræf framkvæmd, vita allir að svo er alls ekki.  

 Þegar ný ríkisstjórn tók við völdum, fyrir tæpu ári, hélt maður að eitt af hennar fyrstu verkum væri að skipta út draumórafólkinu innan Landsvirkjunnar. Það var hins vegar ekki fyrr en seint í vetur sem ný stjórn var skipuð og kemur í ljós að það breytir engu. Í stað þess draumórafólks sem skipaði fyrri stjórn fyrirtækisins kom engu minna draumórafólk. Og yfirstrumpurinn fær enn að verma stól forstjórans!

Pælið aðeins í því hvað þarna er verið að stefna að. 

Mastur hverrar vindmyllu mun verða um 80 metra hátt og þvermál spaðanna mun verða 110 metrar. Það gerir að hver vindmylla mun ná 135 metra hæð þegar spaði er í toppstöðu. Þetta er nærri því að vera eins og tveir Hallgrímskirjuturnar hvor ofaná öðrum, eða nálægt 5,5 sinnum hærra en allra hæstu tré sem finnast hér á landi!!

Þarna er verið að tala um allt að 80 myllur á svæði sem nær yfir 35 ferkílómetra. Öll byggð í Reykjavík, Kópavogi, Garðabæ og Hafnafirði kæmist auðveldlega fyrir á þessu svæði og þó yrði töluvert svæði eftir til að nýta til "þéttingar byggðar" innan þess!!

Þetta er það verð sem skal greiða fyrir heil 200 MW og útilokað að sjá hvernig svona risaverkefni geti borgað sig upp með svo lítilli framleiðslu. Nema auðvitað það verði sóst í vasa almennings með hærra orkuverði!! Auðvitað geta menn reiknað allt til hagkvæmni, jafnvel svona vindmilluskóg. En þá þarf líka að fara frjálslega með forsendur.

Það er hætt við að draumurinn verði fljótt að martröð, ef ekki verður gripið inní og þetta rugl stöðvað áður en of langt er gengið, áður en veski landsmanna verða opnuð upp á gátt í þágu draumóra!!

Vilja reisa þyrpingu vindmylla

Athugasemdir

[Ferðalangur (IP-tala skráð) 28.5.2014 kl. 15:18]

Þessi 200 MW vindorkugarður er í reynd aðeins 80MW ef tekið er tillit til nýtingarstuðulsins sem er talinn vera 40%. Framleiðslan er stundum 200 MW en jafnvel 0 MW þess á milli. Að jafnaði 80 MW.

Þessi nýtingarstuðull 40% er fenginn með reynslu af tveim vindrafstöðvum við Búrfell. Í þær tölur vantar að taka tillit til þess tíma sem vindrafstöðvarnar framleiða ekki neitt vegna viðhalds. Það getur verið drjúgur tími, og því talan 40% í hærri kantinum.

Það má ekki gleymast að leggja þarf raflínu eða rafstreng að öllum 80 vindmyllunum og fylgir því auðvitað rask. Leiðin upp á hálendið yfir Sprengisand mun liggja um þennan vindmylluskóg.

Ljóst er að náttúruverndarsinnar munu mótmæla kröftuglega, miklu meira en háspennulínu yfir sprengisand eða vatnsafls- eða jarðvarmavirkjun. Sjónmengun af svona vindmyllugarði er vægast sagt hræðileg.

[Gunnar Heiðarsson, 28.5.2014 kl. 16:45]

Það er rétt Ferðalangur, í fréttinni er talað um að framleiðslan geti orðið allt að 200 MW.

Það er líka svolítið undarlegt að einungis er gefinn um hálfur mánuður til að skila inn athugasemdum. Það er engu líkara en að keyra eigi málið í gegn með hraði, áður en fólk áttar sig á ruglinu.

Ég ætla rétt að vona að náttúruverndarsamtök fari að vakna í þessu máli.  Þessi svokallaði lundur Landsvirkjunnar mun liggja fast upp að verndarsvæði sem skilgreint er á náttúrumynjaskrá og tveir þriðju hlutar lundarins liggja yfir svæði sem skilgreint er sem hverfisvernd, þ.e. einskonar frísvæði að náttúrumynjasvæðinu!