Hver veitir slíka heimild ?

Hver er það sem veitir heimild til að láta fólk standa í bíl á ferð út á þjóðvegi og á hvaða forsendum. Samkvæmt umferðarlögum er þetta óheimilt. Það er því spurning hver það er sem hefur vald til að veita slíka undanþágu.

Það að ætlast til að fólk standi, eða sitji á gófinu, fleiri hundruð kílómetra leið er auðvitað gjörsamlega út í hött, sérstaklega þegar viðkomandi þarf að greiða jafn hátt gjald fyrir ferðina og hinir sem fá sæti. Frá öryggissjónarmiði er þetta enn alvarlegra og spurning hver hefur vald til að beigja lög og reglur á þennan veg.

Við útboð á farþegaflutningum á þessum leiðum var Strætó BS lang lægst, í raun var þeirra tilboð langt undir raunverulegum kostnaði. Hafi fyrirtækið boðið á þeim forsendum að ætla sér að láta fólk standa í vögnunum um langann veg er ljóst að það fyrirtæki hafði forskot á aðra, forskot sem eigendur rútubíla gátu ekki nýtt sér. Það vekur aftur upp spurningar hvort útboðið hafi verið löglegt.

Það á að afnema þessa undanþágu Strætó BS undir eins, ef hún er þá fyrir hendi. Fyrirtækið verður bara að skaffa fleiri eða stærri bíla, ef  fjöldinn sem með þeim vill ferðast er meiri en svo að allir geti setið og spennt á sig öryggisbelti.

Við skulum ekki gleyma þeirri staðreynd að út á þjóðvegum landsins er leyfilegur umferðahraði 90 km/klst. Ef tveir bílar úr gagnstæðri átt lenda í árekstri á slíkum hraða jafngildir það að aka bíl á 180 km/klst á steinvegg. Það þarf ekki að hafa mörg orð um þann sem stendur, nú eða situr á gólfinu, í bíl við slíkar aðstæður. Þá eru þjóðvegir landsins einungis tvíbreiðir, ein akrein í hvora átt og oft á tíðum þröngir. Á ferðum mínum um landið í sumar hef ég mætt þessum vögnum á vegum Strætó BS nokkuð oft og ljóst er að þeir nýta hámarkshraðann að fullu.

Hafi Strætó BS heimild til að láta fólk standa í sínum bílum á þjóðvegum landsins, hlýtur fyrirtækið að hafa fengið þá heimild frá einhverjum. Hver það er veit ég ekki, enda fæ ég ekki séð hver hefur slíkt vald. Hafi einhver talið sig hafa þetta vald og veitt fyrtækinu þessa undanþágu, þarf tafarlaust að draga heimildina til baka og láta þann sem hana veitti svara til saka. 

Þó er líklegra að Strætó BS skýli sér bakvið eldgamla heimild um að farþegar vagnanna megi standa. Sú heimild var veitt þegar vagnarnir óku einungis um Reykjavíkurborg og umferðahraði og vegalengdir þar voru mun minni en nú. Út á þjóðvegum landsins getur slík heimild aldrei gengið.

Það er ekki spurning hvort verði slys vegna þess, einungis hvenær og hversu stórt. Hver mun þá bera ábyrgð? Sá sem veitti undanþáguna? Forstjóri Strætó BS? Eigandi rútunnar? Nei, sá sem mun bera þá ábyrgð er bílstjóri vagnsins!! Ökumenn þess fyrirtækis sem þjónar Strætó BS ættu að átta sig á þeirri staðreynd!

 

Á gólfinu í strætó í fjóra tíma

Athugasemdir

[Jósef Smári Ásmundsson, 27.7.2013 kl. 09:09]

Ef blaðamenn standa sig í stykkinu ættu þeir að biðja um að fá að sjá þessa heimild og birta hana.Hún hlýtur að vera undirskrifuð af einhverjum.Ráðherrann hefur heimild til að setja á reglugerðir en ég held að þetta falli nú ekki alveg undir það.

[Stefán Stefánsson, 27.7.2013 kl. 10:37]

19 ára dóttir mín fór með Strætó frá Akureyri til Reykjavíkur um daginn og gekk það allt saman vel.

En hún hafði á orði að bílstjórinn væri glanni... hefði ekið hratt og farið fram úr mörgum bílum smáum sem stórum.

Löglegur hámarkshraði hópferðabíla er 90 km/klst og er í þeim hraðatakmarkari sem stilltur er á 100 km/klst.

Þar af leiðandi kemst strætó upp í 100 km/klst hraða áður en hann slær út.

Þar sem að strætóinn fór fram úr mörgum fólksbílum er ljóst að hann hefur trúlega verið að nýta 100 km/klst hraðann sem hann er stilltur á.

Þetta eru bara staðreyndir sem ég hef skrifað hér og svo tek ég heilshugar undir það sem þið skrifuðuð hér á undan.

[Erlingur Alfreð Jónsson, 27.7.2013 kl. 10:38]

Þetta er hárrétt athugasemd! Hvernig getur þetta talist löglegt bara af því þetta er strætó?

[ólafur (IP-tala skráð) 27.7.2013 kl. 11:04]

Vá hvað þessi maður er bilaður!! þetta er bara kjaftæði. Hver vill standa í vagni á 80 til 90km hraða? Er maðurinn vangefin? Og annað. Sittu bara þarna á gólfinu vina! Já ok svona hugsar hann til farþegana sinna!! Geta bara leigið í skítnum eða staðið og bara drepist ef e h gerist svo lengi sem þau borga bara farið! ;o)

[Þorsteinn Hannesson (IP-tala skráð) 27.7.2013 kl. 13:58]

Strangt til tekið er ekkert sem bannar farþegaflutninga með standandi farþega utan þéttbýlis, þessvegna er hægt að finna frétt frá 4. júní síðastliðnum þar sem Reynir Jónsson, framkvæmdarstjóri Strætó segir að "tæknilega sé ekkert á móti því að farþegar standi frá Akureyri til Reykjavíkur."

 Ákvæði sem bannar standandi farþega utan þéttbýlis tekur ekki gildi fyrr en samningar á milli Strætó bs., sveitafélaganna og Hópbíla (sem sjá um akstur utan þéttbýlis) renna út eftir 5 og hálft ár. Þangað til verður þetta heimilt.

Samkvæmt þessu er ekki neinn sem beinlínis veitti Strætó heimild til þess að gera þetta, þetta er einfaldlega ekki bannað því það er ekki til lagabókstafur um þetta atriði. Öryggisbeltalögin taka því miður ekki á þessu.

Einnig má benda á að samkvæmt fréttunum hérna að neðan virðist Reynir Jónsson, framkvæmdarstjóri Strætó bs. einstaklega illa að sér í umferðaröryggismálum og ekki kannast við umsagnir og skýrslur Samgöngustofu um nákvæmlega þetta atriði, upplýsingar sem eru opinberar og manni í hans stöðu ætti að bera skyldu til að kyna sér.

http://www.ruv.is/frett/ungmenni-latin-standa-i-straeto

http://www.ruv.is/frett/vilja-homlur-a-standandi-i-straeto

[Gunnar Heiðarsson, 27.7.2013 kl. 15:46]

Í umferðalögum nr. 50 1987 segir svo í 73 grein annari málsgrein:

"Farþega má eigi flytja svo marga eða á þann hátt, að valdi þeim eða öðrum hættu."

Þó forstjóri Strætó BS fullyrði að fyrirtækið sé tryggt fyrir flutningi fólks standandi í vögnum á vegum fyrirtækisins út á þjóðvegum landsins, er ljóst að tryggingarfélagið mun vart standa við það loforð, ef það þá hefur verið gefið. Ástæðan er einföld, tryggingafélagið verður að fara að lögum og samkvæmt lögum er þetta klárlega óheimilt.

Því verður forstjóri Strætó BS að leggja fram undirritaða undanþágu fyrir þessum flutningi, svo séð verði hver heimilaði hann. Geti hann það ekki hlýtur ástæðan að liggja í því að hann einfaldlega hefur ekki slíka undanþágu.

Það ákvæði sem Þorsteinn Hannesson bendir á hér fyrir ofan og mun ekki taka gildi fyrr en eftir 5 og hálft ár, er ákvæði í endurskoðuðum umferðarlögum. Þar er skýrar tekið á þessu og sérstaklega tilgreint að óheimilt verði að nota ökutæki með standandi farþega til farþegaflutninga þar sem hámarkshraði er meiri en 80 km á klst.

Þar til það ákvæði tekur gildi hljót eldri lög að gilda og grein nr. 73 í þeim tekur skýrt á þessu.

[Þorsteinn Hannesson (IP-tala skráð) 27.7.2013 kl. 15:53]

Glæsilegt, takk fyrir þetta innlegg Gunnar.

[Guðmundur Eyjólfur Jóelsson, 27.7.2013 kl. 21:38]

Það stendur afar skýrt í umferðalögum að börnum yngri en 15 ára skulu takið eftir skulu ávalt vera í öryggisbeltum.

Það eru engar undartekningar frá þessari reglu.

[Gísli R (IP-tala skráð) 28.7.2013 kl. 10:08]

Rétt er að taka fram að Strætó BS átti engin tilboð í aksturinn á t.d leiðinni rvk, akureyri, heldur voru það sveitarfélöginn sem vildu komast inn í kerfið hjá stræ´to bs. sem þýðir að stær´to bs heldur utan um leiðina, sér um gjaldskrá og allir bílar eru með samskonar búnaði sem t.d tryggir það að hægt sé að ná sambandið við alla bíla hvar sem þeir eru á landinu í gegnum Tetra búnað.

við útboðið sjálft þá voru ansi mörg fyrirtæki sem buðu í leiðina rvk, akureyri enn Hópbílar áttu lægsta tilboðið og reyndar eru hópbílar með t.d rvk, akranes, rvk, snæfellsnes, rvk, hólmavík, rvk, selfoss, rvk, hornafjörður og selfoss og í uppsveitir árnessýslu. allar rútur eða vagnar sem hópbílar nota í þennan akstur eru skráðir fyrir standandi farþega. t.d 69 manna BOVA er skráð fyrir 93 farþega

[Gunnar Heiðarsson, 28.7.2013 kl. 14:28]

Er það rétt skilið Gísli að 69 farþega rúta hafi fengist skráð fyrir 93 farþega? Að heimilt sé að láta 24 farþega standa í slíkri rútu?

Hverniig er þetta hægt? Hvaða lög heimila þetta? 

Það þarf enginn að fara í grafgötu með það hvernig færi ef slík bifreið lenti í árekstri eða útafkeyrslu, sérstaklega ef slíkt slys ætti sér stað út á þjóðvegum landsins.

Þetta mál er greinilega mun alvarlegra en mér hafði komið til hugar. 

Það skiptir í raun engu máli hver það var sem bauð í aksturinn eða hver ber á honum ábyrgð. Það sem skiptir máli er að þetta skuli hafa verið gert með þessum hætti og hver það er sem heimilar þetta andsko..... rugl!!