Einstakt skilningsleysi aðildarsinna

Það er með eindæmum hvað aðildarsinnar eiga erfitt með að skilja staðreyndir og vekur þetta enn og aftur þú hugsun hjá manni hvort þetta fólk hafi eitthvað skertari hugsun en almennt gerist.

Það er klifað á því aftur og aftur að ríkisstjórnin sé eitthvað tvístíga í þessu máli og nú þykist Guðmundur Steingrímsson sjá einhver merki þess að ríkisstjórnin sé tilbúin til að halda viðræðum áfram án þess að bera það undir þjóðina.

Það kom skýrt fram í kosningabaráttunni að viðræðurnar yrðu stöðvaðar og ekki haldið áfram fyrr en að lokinni kosningu meðal þjóðarinnar um það mál. Ekki var neinu lofað um hvenær sú kosning færi fram.

Í stjórnarsáttmálanum var þetta áréttað og skýrt tekið á málinu.

Fyrsta verk núverandi utanríkisráðherra, var að stöðva frekari vinnu hér á landi, vegna aðildarviðræðna. Jafnframt boðaði hann ferð sína til Brussel þar sem hann myndi skýra málið fyrir fulltrúum ESB. Þetta er nauðsynlegt, þar sem samskipti okkar við ríki innan sambandsins eru mikil og engin ástæða til að fórna þeirri samvinnu í nafni offors.

Þrátt fyrir þessi verk, sem sýna svo vart verður misskilið hvert ríkisstjórnin stefnir, telja aðildarsinnar sig sjá einhver merki um að ríkisstjórnin sé tvístíga í málinu og jafnvel að til greina komi að halda viðræðum áfram án aðkomu þjóðarinnar.

Það er spurning hvernig ríkisstjórnin hefði getað tekið skýrar á þessu máli. Spurning hvernig hefði þurft að taka á því svo aðildarsinnar skilji það. Að minnsta kosti er skilningur ESB á þessu skýr, þar eru engar efasemdir um að aðildarviðræður eru komnar í bið. Það er svo verkefni utanríkisráðherra og fulltrúa ESB að ganga þannig frá málinu að hvorugur aðilinn skaðist á þessu brölti Samfylkingar. Það verkefni er utanríkisráðherra að fara í í sinni ferð til Brussel.

Þegar svo kemur að því að þjóðin verði spurð um framhaldið verður auðvitað spurt hvort vilji þjóðarinnar er til þess að ganga í ESB, hvort halda eigi umsókninni áfram. Viðræður til að kanna hvað er í boði þurfa ekki að eiga sér stða með aðildarumsókn, það má kanna með öðrum hætti.

Eins og reglur sambandsins eru í dag eru engar varanlegar undanþágur í boði, en hins vegar gætu lög og reglur sambnadsins heimilað einhverjar sérreglur. Til að kanna það mál þarf einungis að skoða lagabálk sambandsins og ræða við ríki þess um hvort þau séu tilbúin að styðja okkur til að slíkar sérreglur séu mögulegar.

Þetta ætti auðvitað að skoða nánar og fá niðurstöðu áður en þjóðin verður spurð hvort hún vill ganga í ESB. Þannig og einungis þannig getur hún tekið upplýsta ákvörðun um framhaldið.

Eftir að samningur hefur verið undirritaður verður ekki aftur snúið.

 

Ekki skipuð pólitískum fulltrúum