Riddarar fílabeinsturnsins

Enn berjast riddarar fílabeinsturnsins og má vart á milli sjá hver þeirra er baráttuglaðastur. Þeirra barátta er þó frekar máttlítil þar sem þeir veifa sverðum sínu út um glugga fílabeinstrunsins, ekki þora þeir niður og meðal fólksins. Það gæti verið hættulegt. Því halda þessir ágætu riddarar sig bara í turnspýrunum og heyja sitt stríð út um glugga þeirra.

Fyrrverandi aðstoðarmaður Bjarna Ben er rétt búinn að missa sitt sverð af hneikslun yfir "reynnsluleysi" þingmanna Framsóknar og telur þann flokk vart stjórntækann. Kannski hefði verið fróðlegt fyrir þennan riddara að skreppa aðeins niður á jörðina. Þá væri kannski hugsanlegt að hann væri þess áskynja að þjóðin hefur einmitt kallað eftir endurnýjun á Alþingi. Að þjóðin á þá ósk heitasta að þeir þingmenn sem vermdu stóla Alþingis á árunum fyrir hrun, yfirgæfu þá stofnun fyrir fullt og allt. Þjóðin vill frekar "reynnsluleysi" en orðróm eða grun um spillingu.

Annar riddari og þekktari skrifar sinn vikulega pistil í dagblað spúsu Jóns Ásgeirs. Þessi riddari hefur verið duglegur að gagnrýna allt sem snýr að sjálfri þjóðinni, enda fyrrverandi forsætisráðherra og vill greinilega ekki að þjóðarvilji sé eitthvað að þvælast fyrir "ráðamönnum" þjóðarinnar.

Í grein sinni í dag ritaði þessi riddari fílabeinsturnsins um tillögur Framsóknar til hjálpar þjóðinni. Auðvitað þykir honum þessi lausn út í hött og ber fyrir sig skýrslu Seðlabankastjóra. Sem svo oft áður velur þessi riddari að slíta skýrsluna í sundur og taka síðan sérvaldar málsgreinar til rökstuðnings síns máls. Frekar aumlegur málflutningur, en í samræmi við þau vinnubrögð sem hann og aðrir riddarar fílabeinsturnsins viðhöfðu þegar þeir voru að reyna að koma klyfjum icesave á þjóðina. Eini munurinn er að þá töldu þessir riddarar að nægt fé væri til að greiða þann klafa, en nú segja þessir sömu riddarar að ekkert fé sé til ráðstöfunar. Þarna virðast þessir riddarar óvart verða fyrir eigin sverði.

Það væri þessum riddurum fílabeinsturnsins hollt að koma sér smá stund niður til jarðar. Þá kannski átta þeir sig á hver vandi þjóðarinnar er. Þá gætu kannski vaknað upp spurningar hjá þeim um hvernig skuli tekið á þeim vanda sem skapast þegar innkoma bankanna hættir að verða í formi afborgana af lánum og breytist í innkomu óseljanlegra fasteigna. Þá vaknar kannski upp sú spurning hjá þeim hvernig þjóðarskútunni skuli bjargað þegar annað bankahrun skellur á henni.

Þá kannski átta þeir sig á því að tillögur Framsóknar eru ekki einungis til hjálpar fjölskyldum landsins, heldur ekki síður bankakerfinu og framtíð landsins!

Þegar þessir riddarar hafa áttað sig á þessum staðreyndum þurfa þeir ekki lengur að eyða orku sinni í að veifa bitlausum sverðum sínum út um glugga fílabeinsturnsins.

Segir Framsókn tæpast stjórntæka

Athugasemdir

[Helgi (IP-tala skráð) 4.5.2013 kl. 15:24]

Sæll.

Orð fyrrverandi aðstoðarmannsins endurspegla fyrst og fremst vonbrigði Sjalla með að Sigmundur hafi ekki hlaupið strax til þeirra og viljað mynda stjórn. Ætli starf aðstoðarmanns ráðherra bíði þá ekki aðstoðarmannsins fyrrverandi ef flokkur hans kemst til valda? Kannski sér hann nú að hann fær ekki starf sem aðstoðarmaður ráðherra og sýtir það?

Stundum skiptir reynsla máli og stundum ekki, það skilur þessi aðstoðarmaður heldur ekki. Hér er það sem skiptir máli að fá inn nýjar hugmyndir. Þjóðin kaus inn á þing fólk með nýjar hugmyndir hvort sem honum líkar það betur eða verr.

Annars virðist þessi aðstoðarmaður ekki hafa staðið sig í stykkinu gagnvart Bjarna Ben. Fólk hefur litla trú á Bjarna Ben, eins og kosningarnar sýna,  og Bjarni og kannski Friðjón líka virðast ekki vita hvort þeir vilji ESB og evruna eða Icesave. Svona ístöðuleysi er ekki traustvekjandi.

Var það þessi Friðjón sem ráðlagði Bjarna varðandi þessi mál? Er það þessi Friðjón sem ráðleggur Bjarna að lánveitendur þurfi ekki að bera ábyrgð á sinni útlánastefnu, bara lánþegar? Er það þessi Friðjón sem sér ekkert athugavert við að leyfa lánastofnunum að halda miklum fjölda fasteigna af markaði og halda þannig uppi bæði leiguverði og húsnæðisverði? Finnst Friðjóni í lagi að lánastofnanir hafi þannig áhrif á markaðinn?

Svo ég vil segja þetta við aðstoðarmanninn: Flokkur sem gengur ekki erinda almennings fær auðvitað dræman stuðning. Kannski skilja Sjallar ekki Framsóknarleiðina? Hvernig ætla Sjallar sér að ná fram hagvexti þegar allir eru að drukkna í skuldum? Í núverandi kerfi hallar alltof mikið á lánveitendur, skapa þarf jafnræði milli aðila. Lyklaleið Sjallar væri mikil réttarbót og fyrir henni eiga þeir að berjast í stað þess að vera að tuða þetta eins og aðstoðarmaðurinn skeikuli.