Stóllinn heldur fast

Það er ljóst af þessu svari Steingríms, eða öllu heldur svarleysi, til tveggja þingmanna Alþingis, að stóllinn er honum meira virði en velferð lands og þjóðar.

Þessi svarleysa Steingríms, þar sem hann hleypur úr og í, er ekkert svar. Hann sagði í raun ekkert af viti.

Steingrímur segist vera sammála svari til dómsforsetans, enda hafi það verið vel íhugað og í samráði við málsvarnarmenn Íslands. Vel íhugað segir hann, telur hann að hægt sé að íhuga slíkt mál á nokkrum klukkustundum? Það var sá tími sem ráðherrar, þingmenn og utanríkismálanefnd hafði, frá því fréttir bárust af ósk framkvæmdastjórnarinnar í fjölmiðlum, þar til svar var sent!

Þá segir Steingrímur að ekki þurfi að rjúka upp til handa og fóta vegna þessa tiltekins máls. Hvað þarf mörg mál til að gera eitthvað? Hvenær telur Steingrímur að nóg sé komið? Þessa setningu hefur hann sagt á Alþingi nokkuð oft áður, vegna hinna ýmsu mála þar sem yfirgangur ESB gagnvart þjóðinni hefur orðið til þess að þingmenn hafi tekið málið upp. Má þar telja upp nokkuð langann lista og hvert eitt þeirra mála hefur sumum þótt nóg. Til samans sýna þau að við munum ekkert hafa að sækja til ESB, þvert á móti hefur framkoman gagnavart okkur verið með þeim hætti að viðræður á að stöðva strax. Við erum sjálfstæð þjóð og framkoma ESB gagnvart okkur nú er með þeim hætti að einungis hálfvitar halda að það verði betra eftir að við erum orðin hluti af þessu sambandi!

Steingrímur telur að ekki sé neinn hagur fyrir okkur að leggja umsóknina til hliðar, nær væri að draga umsóknina til baka. Samt vill hann fá niðurstöðu um eitthvað sem enginn skilur. Niðurstaðan er skýr og frekari viðræður því óþarfar þess vegna. Það eina sem er óskýrt er hvert ESB mun þróast, eða hvort það liðast í sundur.

Ég get tekið undir með Steingrím að hluta, best væri auðvitað að draga umsóknina til baka. En þá mun þetta mál hanga yfir okkur áfram. Því er betra nú, í ljósi aðstæðna, að leggja hana til hliðar. Að bíða og sjá hvert stefnir, sjá hver niðurstaða ESA dómstólsins verður, sjá hvort viðunnandi samningar náist um makrílveiðar, að sjá hver afdrif evrunnar verður, sjá hvernig niðurstaða verður í fiskveiðistjórnun ESB, að sjá hvernig jaðaríkjum ESB muni reiða af og síðast en ekki síst að sjá hvert ESB muni stefna í stórríkjadraumi sínum, jafnvel að sjá hvort ESB liðast í sundur.

Sumt af þessu verður ljóst á næstu misserum og árum, kannski allt. Því er rétt að leggja umsóknina til hliðar. Ef þróunin innan ESB verður á lýðræðisgrunni, sem reyndar er erfitt að ímynda sér, gætum við tekið upp viðræður aftur. Fari hins vegar allt á versta veg, eins og öll merki eru um, þá þurfum við ekki að hugsa um þetta mál frekar.

En þessa leið vill Steingrímur auðvitað ekki fara, vitandi það að þá er stjórnaramstarfið fyrir bí. Samfylkingin hefur lítið að gera í ríkisstjórn sem ekki vill halda áfram helferðinni til Brussel. Því munu verða kosningar í kjölfar ákvörðunar um að leggja umsóknina til hliðar. Það getur Steingrímur ekki hugsað sér, hann getur ekki hugsað þá hugsun til enda að missa stólinn!!

Maður sem er í forsvari fyrir stjórnmálaflokk sem einungis hefur rúm 8% fylgi að baki sér hefur ekki neinn rétt til að halda þjóðinni í klafa ógnar, hann hefur engann rétt til að spila með sjálfstæði þjóðarinnar!!

 

Hvað sagði Steingrímur?

Athugasemdir

[Geir (IP-tala skráð) 16.4.2012 kl. 22:17]

Karma mun ná honum, allir sem gera illa hluti fá þá borgaða með tímanum.

Hann fær þá refsingu á endanum sem hann á skilið, þ.e.a.s. ef hann sleppur við fangelsi.

[Elle_, 16.4.2012 kl. 23:29]

Nú segir hann að við ættum ekki að blanda saman ólíkum málum eins og engin tenging sé þarna á milli.  Hann segir bara marklausa hluti út í loftið.  Já, eins og bara fyrir völd.  Maður semur ekki við kvalara sína um eitt eða neitt sjálfviljugur.  Það er ekki von þessi öfugsnúni maður skilji það.

[Elle_, 16.4.2012 kl. 23:37]

Nei, ég get ekki verið sammála um að leggja þetta til hliðar.  Vildi aldrei að rætt væri við þetta bákn um að fara þangað inn og skiptir þar engu hvað verður um sambandið.  Vil líka slíta stjórnmálasambandinu öllu við þetta ofríki.

[Gunnar Heiðarsson, 17.4.2012 kl. 00:42]

Það þarf einstaka afneitun, heimsku eða barnaskap til að halda því fram að icesave og makríldeilan sé ekki samofin aðildarumsókninni.

[Ásthildur Cesil Þórðardóttir, 17.4.2012 kl. 13:15]

Satt er það Gunnar, en þegar lygin hefur tekið öll völd og menn sveipað henni um sig eins og varnarhjúp, þá er illa hægt að vinda ofan af málunum.  Maðurinn er kominn í bullandi vörn og verður margsaga um sama hlutinn.