Undarlegt mat Þorgerðar Katrínar

Þorgerður Katrín hélt tölu á fundi SA fyrir skömmu. Þar lét hún þau orð falla að það hlakkaði í þeim sem væru andvígir aðild að ESB, vegna þeirrar stöðu sem upp væri komin innan ESB, fjármálakrísunnar.

Það er erfitt að tjá sig um þessi ummæli, svo lítilsvirðandi sem þau eru um stórann hluta Íslendinga.

Heldur Þorgerður virkilega að það hlakki í sjálfstæðissinnuðum Íslendingum vegna þessa? Er hún virkilega svo forskömmuð að halda að nokkur Íslendingur vilji kreppu yfir heiminn? Eða er þetta bara örvæntingarfull tilraun til að réttlæta áframhaldandi aðlögun að ESB?

Vissulega hafa margir sjálstæðissinnaðir Íslendingar skrifað mikið um þessa krísu og sumir um nokkurn tíma. En á að hengja boðberann fyrir váleg tíðindi?

Það hefur nú legið fyrir í meir en ár að evruríkin eiga í miklum vanda, þó flestir fjölmiðlar hér á landi hafi valið að þegja um þá staðreynd.

Það er staðreynd að aðgerðir forsvarsmanna ESB hafa ekki verið af þeim toga sem þarf til að taka á vandanum. Þeir eru fálmandi út í loftið og þora ekki að gera það sem þarf.

Það er staðreynd að vandi evruríkjanna hefur versnað mikið þetta rúma ár og að kenna má aðgerðarleysi eða kjarkleysi forsvarsmanna ESB um.

Það er staðreynd að þessi vandi er nú kominn á það svið að vart verður aftur snúið.

Það er staðreynd að ESB og evran mun taka mikum breytingum á næstu mánuðum, hugsanlega mun evran ekki lifa þessar hremmingar af.

Það er staðreynd að þessi vandræði evrulandanna hafa smitast um allann heiminn og að öllum líkindum leiða kreppu yfir hann.

Það er staðreynd að sá skaði sem evran hefur valdið heimsbyggðinni mun verða ritaður í sögubækur.

Þrátt fyrir þessar staðreyndir neita aðildarsinnar að viðurkenna vanda evruríkjanna, sumir stinga hausnum í sandinn en aðrir berja honum við stein.

Að halda því fram að þeir sem andstæðir eru aðild Íslands að ESB séu kátir vegna þessara vandræða heimsbyggðarinnar, er í besta falli barnalegt en frá munni þingmanns er þetta bein móðgun við kjósendur!

Það virðist vera ær og kýr aðildarsinna að móðga kjósendur. Með því að sniðganga þá við ákvörðun um aðildarumsókn kom fyrsta móðgunin. Síðan hafa þær verið margar, oftast höfðað til heimsku kjósenda eða illvilja. Þetta er ljótur blettur á baráttuaðferðum aðildarsinna.

Nú liggur hæðst í munni þeirra að klára verði ferlið svo hægt sé að kjósa, að ekki megi sniðganga lýðræðið. Lýðræðið fótum tróð þetta fólk við ákvörðunina um umsókn, svo það er það fólk sem síst hefur efni á að tala um lýðræði. Þessi rök notar það þó, þar sem engin önnur eru eftir.

Eina lýðræðið sem hægt er að tala um í þessu sambandi er að fólkið fái sjálft að ákveða hvort þessum skrípaleik skuli haldið áfram!

 

Athugasemdir

[Björn (IP-tala skráð) 25.9.2011 kl. 09:45]

Algjörlega sammála þér. Ég sé bara 2 mögulegar ástæður fyrir þessu innleggi hennar:

1. Dómgreindarskortur

2. Hún er á leið úr flokknum