Spurning hver er "Ga Ga"

Jón Baldvin Hannibalsson, æðsti krati og útbrunnin pólitíkus skrifar skammarbréf til forsetans. Hann þykist hafa efni á að gagnrýna aðra!

Í þessu skammarbréfi fullyrðir Jón að forsetinn þykist hafa vitað allan tímann að nægar innistæður væru fyrir icesave kröfunni. Þetta er rangt með farið hjá Jóni, en eins og þeir vita sem muna lengur en ár aftur í tímann, þá hélt forsetinn aldrei fram þeirri skoðun fyrr en að lokinni seinni þjóðaratkvæðagreiðslu um nauðarsamningana sem þingið ætlaði að koma á þjóðina.

Jón heldur því fram að forsetinn hafi notað sér til framdráttar að vísa icesave lögunum til þjóðarinnar. Enn og aftur fer Jón með rangt mál, forsetinn varð að ósk yfir 30.000 Íslendinga um að vísa málinu til þjóðaratkvæðagreiðslu.

Þá fullyrðir Jón að forsetinn hafi brigslað ríkisstjórninni um landráð þegar hún lét undan þrýstingi frá Bretum og Hollendingum. Ekki nefndi forsetinn landráð, en vissulega má skilja orð hans á þann veg, ef vilji er fyrir hendi. Jón segir með undrun: "Ísland er eina ríkið í heiminum, svo mér sé kunnugt um, þar sem forseti ríkisins getur brigslað sitjandi ríkisstjórn um landráð, án þess að það gerist nokkuð". Það er von að Jón undrist þetta, það gera sennilega fleiri. Ef formenn stjórnarflokkana lesa brigsl um landráð úr orðum forsetans ættu vissulega að koma viðbrögð frá þeim. Þau viðbrögð væru að sjálf sögðu afsögn!

Það er annars merkilegt að Jón Baldvin skuli minnast á landráð, þar sem hann er sennilega einn helsti landráðamaður þjóðarinnar. Hann framdi vissulega landráð þegar hann nauðgaði í gegn á Alþingi EES samningnum, án þess að spyrja þjóðina um hennar álit. Þá má með sanni segja að sama hafi verið gert af hálfu núverandi ríkisstjórn þegar aðildarumsóknin var keyrð gegnum Alþingi, með hótunum og án þess að spyrja þjóðina. Enn er hægt að tala um landráð þegar umsóknin var svo send með hraði til Svíþjóðar, en þar var vissulega brotin 19. grein stjórnarskrár, en hún segir að stjórnarerindi skulu undirrituð af forsetanum ásamt fagráðherra. Undir umsóknina skrifuðu forsætisráðherra og utanríkisráðherra, forsetinn skrifaði ekki undir það plagg!

Því þarf forsetinn ekkert að skammast sín þó hann hagi orðum sínum með þeim hætti að, með góðum vilja, megi skilja sem brigsl um landráð að hálfu ríkisstjórnarinnar.

Ef einhver er Ga Ga þá er það Jón Baldvin Hannibalsson!