Gylfi bullar bara!!

Og hvernig ætlar Gylfi Arnbjörnson að ná því fram? Með því að hækka lífeyri verkafólks eða lækka lífeyri ríkisstarfsmanna?

Þetta er líðskrum og ekkert annað! Vissulega á að jafna lífeyrisréttindin, en það verður varla gert núna. Úr því það var ekki hægt á þeim árum þegar allt flaut hér í platpeningum, hvernig er það þá hægt núna?

Þetta sannar enn og aftur hversu gjörsamlega forseti ASÍ er úr takt við launagreiðendur sína. Núna ríður á að tryggja kaupmáttinn, það er ærið verkefni og í raun eina málið sem ASÍ á að spá í um þessar mundir. Önnur mál verða einfaldlega að bíða betri tíma.

Það er kominn tími til að fá nýjann forset yfir ASÍ. Mann sem er nær umbjóðendum sínum, mann sem ekki er mengaður af flokkapólitík, mann sem þorir að standa á rétti launafólks!

Gylfi Arnbjörnsson hafði nógan tíma til að vinna að þessu máli meðan uppgangurinn var í þjóðfélaginu, hann kaus að gera það ekki. Á sama tíma, þegar vart þekktist að nokkur væri á taxtalaunum hafði hann möguleika á að færa lágmarkstaxta upp að raunverulegum launagreiðslum. Hann kaus að gera það ekki, jafnel þó formenn sumra verkalýðsfélaga hefðu lagt mikla áherslu á slíka breytingu. Við súpum nú seyðið að þessu kjarkleysi Gylfa.

Ef Gylfi Arnbjörnsson ætlar að fara að klúðra komandi samningum með röfli um einhver atriði sem vissulega skipta máli en algerlega útilokað er að ná fram við núverandi aðstæður, liggur honum aðeins eitt til; að tefja samningana!!

 

ASÍ setur kröfu um jöfnun lífeyrisréttinda á oddinn