Enn bulla fréttamenn!!

Hvers vegna geta fréttamenn ekki unnið vinnuna sína eins og menn og farið rétt með staðreyndir?!

Í fréttinni segir að meirihluti Sjálfstæðisflokks og Framsóknarflokks hafi fallið á Akranesi!

Framsóknarflokkur var EKKI í meirihluta á Akranesi á því kjörtímabili sem er að ljúka. Meirihluti var myndaður milli Sjálfstæðis- og Frjálslyndaflokks, skömmu eftir kosningar gekk eini fulltrúi Frjálslyndra í bæjarstjórn úr flokknum og í Sjálfstæðisflokkinn og tók með sér sætið! Eftir sátu kjósendur Frjálslyndra með flokk sem hafði náð einum manni inn en hafði samt engann, mestan hluta kjörtímabilsins.

Því var í raun Sjálfstæðisfokkur kominn með hreinan meirihluta, í boði efsta manns úr öðrum flokki, sem sveik sína kjósendur. Þessi sama manneskja var svo í þriðja sæti  Sjálfstæðisflokks nú, það má skrifa hluta af tapi flokksins á hana, auk þess sem efsti maður á listanum er holdgerfingur spillingar í pólitík. Sjálfstæðismenn geta sjálfum sér um kennt, að velja siðspilltan mann í efsta sætið og flokkaflakkara í það þriðja! Aðrir á þessum lista eru mjög frambærilegir og traustvekjandi, en þeir þurftu að líða fyrir heimsku flokksklíkunnar.

Fréttamenn verða og eiga að fara með rétt mál, Framsóknarflokkurinn var ekki í meirihluta á Akranesi síðasta kjörtímabil!

 

Meirihlutar féllu víða