Lilja óþekk við Steingrím

Lilja Mósesdóttir skammar Björn Val. Þetta er illa gert af henni. Aumingja Björn Valur hefur ekkert gert af sér, hann hefur einfaldlega ekki visku til þess. Eins og allir vita er Björn Valur málpípa Steingríms J., Steingrímur notar þennan einfeldning þegar hann þarf að koma leiðinlegum fréttum í fjölmiðla, eða þegar hann þarf að koma af stað orðrómi sér til framdráttar. Það væri því nær fyrir Lilju að skamma formann sinn.

Það er slæmt að Lilja skuli segja sig úr þessum starfshóp. Hætt er við að skipaður verði leiðitamari þingmaður í hennar stað.

Lilja bendir á að með skattlagningu séreignasparnaðar við inngreiðslu gæti það gefið ríkinu allt að 80 miljarða króna. Það er alveg óskiljanlegt hvers vegna þessi leið er ekki farin. Þetta kemur ekki við pyngju launafólks, hefur ekki nein áhrif á fyrirtækin og gæfi ríkinu nóg til að stoppa í fjárlagagatið. Stjórnvöld gætu jafnvel haldið áfram að fleygja fé á bál aðildarumsóknar ESB, þó ég mæli ekki með því.

Einu aðilarnir sem þetta hefur áhrif á eru lífeyrissjóðirnir, en þeir eru jú í eigu launafólks, þó stjórnir þeirra virðast hafa gleimt þeirri staðreynd og líti á þá sem sína einkaeign.

Eina rökrétta skýringin á því að þessi leið er ekki farin er sú að þessi hugmynd kom frá því sem Steingrímur kallar "hægri flokkunum", en eins og hann hefur marg sagt er allt sem frá þeim kemur af hinu illa. Það eru einungis ofsatrúarmenn sem segja og haga sér svona.

 

Segir sig úr ríkisfjármálahópi