Hryðjuverkasamtökin Samfylking

 

Þá hefur Samfylking stimplað sig sem hryðjuverkasamtök. Samþykkt borgarstjórnar er ekkert annað en hryðjuverk gegn íslensku þjóðinni. Það fer vel á með Samfylkingu við hlið Hamas og ISIS. Þegar ekki gekk lengur að reyna að koma landinu undir hæl kommisara ESB í Brussel, undir stjórn kanslara Þýskalands, var plan B virkjað; við göngum þá bara til liðs við hryðjuverkasamtök. Markmið samfylkingar er eitt og aðeins eitt, að afnema þjóðríkið Ísland. Og tilgangurinn helgar meðalið!

Vissulega eru þetta hryðjuverk borgarstjórnar, annað nafn er ekki hægt að finna. Það sýna eftirfarandi fréttir:

"Aldrei aftur íslenskar vörur"

"Álag á íslenskum sendiráðum"

"Hætta sölu á Einstökum bjór"

"Íslenskar vörur teknar úr hillum"

"Gyðingar ferðast ekki til Reykjavíkur"

"Byrjað er að nota #boycottice­land"

og fleiri fréttir í sama dúr munu dynja á okkur næstu daga og vikur. Sjaldan hefur hefur pólitísk ákvörðun haft jafn mikil áhrif á landið okkar og þessi ákvörðun borgarstjórnar og aldrei hefur slík ákvörðun, af stjórnvaldi sem ekki hefur heimild til slíkra ákvarðanataka verið gerð áður, hér á landi. Þetta er hryðjuverk, eitt stæðsta hryðjuverk sem á landinu hefur dunið.

Þarna er ekki aðeins verið að setja viðskipti landsins á erlendri grund í voða, heldur er einnig ráðist hart gegn ferðaþjónustunni, þessari sem byggir nú hvert hótelið af öðru í miðborg Reykjavíkur. Ekki er víst að þeir viðskiptavinir borgarinnar séu hrifnir af því að borgarstjórn grafi með þessum hætti undan ferðaþjónustunni.

Dagur er ekki heimskur, þó hann hagi sér stundum sem slíkur. Hann er vissulega búinn að sjá vitleysuna, sjá að hann lét hryðjuverkaarm Samfylkingar plata sig. Eina sem hann segir er að hugsanlega hefði mátt hugsa tillöguna eitthvað betur, að hún hefði verið sett fram í fljótfærni. Að hann viðurkenni mistökin er fjarri lagi og enn síður að hann vinni að því að draga tillöguna til baka. Þess í stað reynir hann með orðaflaum og fagurmæli að draga úr alvarleikanum. Það er sama hvað Dagur segir, tillagan er skýr. Í henni er ráðist gegn Israel, ekkert tiltekin einhver svæði innan þess ríkis, enda breytir það litlu. Stjórnvöld í Israel líta árásir á landi sitt alvarlegum augum, sama hvar á það er ráðist, eða hvernig. Það myndum við líka gera, bara af mun meiri vanmætti en Israel.

Vissulega hefði hann átt að stoppa afgreiðslu málsins af, þar til búið væri að kanna áhrif þess en þó fyrst og fremst þar til búið væri að kanna lögmæti hennar. Hann "telur" að áhrifin verði lítil og hann "telur" að lögmæti borgarinnar til að skipta sér af utanríkisstefnu ríkisstjórnarinnar sé fyrir hendi. Hvers konar stjórnsýsla er þetta? Hvaða stjórnsýsla er það að afgreiða tillögu á borgarstjórnarfundi með hraði? Hverskonar stjórnsýsla lætur nægja að einhverjar tilfinningar fólks um skaðsemi og lögmæti er látið ráða för? Borgarstjórn og borgarstjóri eru með öllu óhæf og ætti innanríkisráðuneytið samstundis að setja þessa borgarstjórn af og skipa nýja stjórn yfir borgina til næstu kosninga!! Síðan á að draga hvern þann sem að þessari tillögu stóð fyrir dómara og láta hann skera úr um hver refsingin skuli vera fyrir landráð og hryðjuverk.

Hræsni er eitthvað það leiðinlegasta og hættulegasta í fari hvers manns. Og af hræsni er nóg innan þeirra flokka sem skipa meirihluta borgarstjórnar. Þar er talað um umburðarlyndi, að allir séu jafnir, hampað þeim sem hafa aðra kynhvöt en almennt, réttindi kvenna talin heilög og almennt talað í þeim dúr sem okkur var kennt og flest lifum eftir. Ekki má síðan gleyma orðinu "lýðræði", sem þvælist út um munn þess í tíma og ótíma. 

En þegar kemur að athöfnum þessa fólks fer lítið fyrir umburðalyndinu, jöfnunin er í anda skáldsögu Orson Wells og síðan er sest á bekk með þeim sem hatast við þá sem hafa aðra kynhvöt en almenningur, þeim sem virða konur minna en hunda og yfir höfuð eru með trúarskoðanir sem eru svo langt frá okkar lífsgildum sem frekast er hægt að vera. Lýðræðisást þessa fólks er síðan engin og má nefna tvö dæmi því til staðfestingar. Annars vegar icesave málið, sem kom upp þegar þessir flokkar voru við landsstjórnina og hins vegar Reykjavíkurflugvöllur. Mýmörg dæmi fleiri mætti telja upp þar sem þetta fólk telur lýðræðið einungis til trafala.

Hræsni þessa fólks er alger! Svei því!!

Og nú berjast stjórnvöld þessa lands við það að slökkva eldana sem þessi hryðjuverkasamtök hafa kveikt.

 

 

 

 

Reynt að lágmarka tjónið

Athugasemdir

[Elín Sigurðardóttir (IP-tala skráð) 19.9.2015 kl. 10:06]

Það er margt til í þessu.  Því miður er þó enginn munur á Gunnari Braga og Björk.  Ef Reykjavíkurborg er komin í heimsmálin í stað þess að sinna smámunum á borð við stjórn borgarinnar þá væri gott að fá afstöðu þeirra til Nato, Evrópuhersins og svo tölu þeirra flóttamanna sem borgin hyggst taka á móti.

[Bjarni Gunnlaugur (IP-tala skráð) 19.9.2015 kl. 10:12]

Oft er ég sammála þér og finnst þú skrifa af góðu viti en nú ertu alveg úti að aka.

1. Hvernig getur orðið meiri skaði af því að ein lítill borgarstjórnarmeirihluti upp á Íslandi taki undir alþjóðlegar hugmyndir um að sniðganga Ísraelskar vörur heldur en hinu þegar utanríkisráðherra Íslands viðurkendi sjálfstæði Palestínu?

Viðurkenningin sú hafði nákvæmlega engin neikvæð áhrif.

2.  Ef íslendingar eiga svona mikið á hættu vegna framferðis Reykjavíkurborgar, að vörur þeirra verði sniðgengnar og því verði þeir að hætta þessu framferði (sem er að sniðganga Ísrael vegna nauðungar Palestínumanna) hvernig er þá hægt að halda því fram að Ísrael finni ekki fyrir því ef fólk almennt fer að sniðganga vorur þess? (Vísist til unmræðunnar fremur en pistils)

3. Að líkja Samfylkingunni, þó léleg sé, við alvöru hryðjuverkasamtök er náttúrulega slíkur öfgamálflutningur að hætt er við að maður hætti að taka mark á þeim er það gera.

4. Einkennilegt er þegar utanríkisráðherra sendir úr sínu ráðuneyti véfengingu á lögmæti þess að mismuna í innflutningi vöru eftir þjóðum, sérstaklega eftir að hafa sjálfur nýverið endurnýjað ástarsamband sitt við Brussel í því að mismuna í útflutningi eftir þjóðerni (þ.e. taka þátt í viðskiftabanni ESB gagnvart Rússum) og það á vöru sem við framleiðum ekki einu sinni.     

Vel má vera að orsök þessara sniðgönguhugmynda Reykjavíkurborgar sé fyrst og fremst vegna pólitísks pirrings gagnvart ríkisvaldinu sem hefur óneitanlega verið að reyna að potast inn í skipulagsmál borgarinnar, stundum út af hreinum smámunum og að viðbrögð ríkisvaldsins sé í svipuðum stíl.

Heppilegur úlfaþytur til að breiða yfir vandræðagang varðandi flóttamenn, aumingjaskapinn gagnvart Fanneyu Björk varðandi það að greiða henni skaðabætur og láta hana og fleiri hafa nauðsynleg lyf, limpugang framsóknar gagnvart samstarfsflokknum í banka og tollamálum, aumingjagang ríkisstjórnarinnar gagnvart fjármálakerfinu og vaxtaorkrinu o.sv. frv.

Þetta sé semsagt allt Íslens naggrísapólitík upp á sitt besta/versta.  

En grunn punkturinn er að framferði Ísraels gagnvart Palestínumönnum er gjörsamlega ólíðandi fantaskapur sem ber að stöðva. 

[jón (IP-tala skráð) 19.9.2015 kl. 10:47]

sæll gunnar

þetta er góður pistill og hittir hann á naglann. Það má bæta því við að það er óneitanlega mjög sérkennilegt, jafnvel öfugsnúið að flokkur sem mælist undir 10% í dag á landsvísu getur mótað skoðanir borgarbúa, það brýtur einhvern veginn gegn rökrænni hugsun en er samt raunveruleikinn í Reykjavík. Svo er það alveg út úr kú, að flokkurinn hafi velferð manna fyrir botni Miðjarðarhafs í forgang meðan brýn borgarmál sitja á hakanum, ég gæti farið á borgarfundi og stutt Tamíl Tígra, það er alveg jafn furðulegt.

[Gunnar Heiðarsson, 19.9.2015 kl. 11:26]

Mikið rétt Elín.

Bjarni, hér koma smá svör við þinni athugasemd:

1. Skaðinn er þegar skeður. Það má lesa í fréttum sem ég reyndar linkaði við bloggið. Síðan þá hafa fleiri fréttir borist af sama meiði. Um að samþykkt Íslands á stofnun ríkis Palestínu hafi ekki haft áhrif, skiptir bara ekki máli. Þessi ákvörðun borgarstjórnar hefur þegar haft áhrif og mun hafa enn meiri áhrif. Það er einfaldlega staðreynd, hvort sem okkur líkar betur eða verr.

2. Nú veit ég ekki hver viðskiptamunur Íslands og Israel er, hvort við verslum meira af þeim eða við þá. Hitt er ljóst að gyðingar búa um allan heim og þær fréttir sem borist hafa um að hætta kaupum á íslenskum vörum koma flestar eða allar frá öðrum löndum en Israel, þ.e. löndum þar sem gyðingar eru sterkir á sviði verslunar. Þessir aðilar gera ekki greinarmun á Íslandi og Reykjavík.

Á móti kemur að einungis Reykjavíkurborg ætlar að sniðganga verslun við fyrirtæki í Israel og væntanlega einungis þær vörur sem unnt er að fá annarsstaðar. Ekki held ég að borgarstjórn ætlist til þess að öllu tölvukerfi borgarinnar, sem inniheldur íhluti frá Israel, verði skipt út, né að ekki megi endurnýja það. Almenningur á landinu, stjórnvöld, öll fyrirtæki og öll önnur sveitarfélög munu hins vegar ekki taka þátt í þessu hryðjuverki.

Niðurstaðan er því að aðgerðir af hálfu þeirra sem samþykktu þetta rugl munu verða af mjög skornum skammti, en hins vegar mun afleiðingar þess að gyðingar um heim allan beiti sér og geri ekki greinarmun á Íslandi og Reykjavík, verða mjög mikil.

3. Hryðjuverk er skilgreint hvað það sem veldur öðrum skaða og er unnið á ólögmætan hátt. Þessi samþykkt Reykjavíkurborgar er vissulega hryðjuverk í þeim skilningi. Þetta er ólögmæt aðgerð sem skaðar þjóðina.

4. Ég er sammála þér, utanríkisráðherra er sama smámennið og borgarstjóri.

Ekki ætla ég að mæra stjórnvöld í þeim verkum sem þú nefnir, hafa staðið sig ákaflega illa á flestum þeim sviðum. En að kenna stjórnvöldum um þessa samþykkt, til þess að fela eigin óverk, er nokkuð langt gengið. Ert þar að segja að Simmi og Bjarni hafi fengið Björk til að flytja tillöguna? Að þeir hafi jafnvel samið tillöguna?

Það væri tær snilld, en því miður held ég að þeir hafi hvorki hugmyndaflug né kjark til slíkrar pólitískrar refskákar.

Um síðustu málsgreinina hjá þér þá eru tvær hliðar á hverju máli. Vissulega er aflsmunurinn mikill, en ekki hefur verið séð að Hamas hafi sýnt neinn sérstakan friðarvilja til þessa. Og ekki verður séð að lýðræðið fái blómstrað innan Palestínu, ekki frekar en öðrum löndum þar sem muslimar komast til valda.

Munurinn er kannski sá helstur að Israel gæti afmáð Palestínu af kortinu á örfáum dögum, ef það kysi svo. Það hefur það ekki gert. Enginn þarf þó að efast um að Palestína væri búið að afmá Israel af kortinu, gæti það það. Ekki lengra er en nokkrir dagar eru síðan talsmenn muslima sögðu að Israel yrði þurrkað út innan næstu 20 ára.

[Sigurður K Hjaltested (IP-tala skráð) 19.9.2015 kl. 11:48]

Frábær pistill hjá þér Gunnar. Gleymum svo ekki því að í Kóran-viðbjóðnum, er múslimum heimilt að ljúga, pretta og svíkja til að ná sínum markmiðum. Hamas sannaði það. Eftir að þeir komust til valda á lygum og svikum, hafa ekki verið kosningar í Palestínu eftir það. Þetta finnst Palestínu elskendum vera alveg sjálfsagt og hafa ekkert út á það að setja. En Ísrahel með sitt lýðræði.! Greinilegt að Samfylkingarfólki er illa við það og hafa svo sannarlega sýnt það í verki. Sama næstum því skeði í Egyptalandi, þegar bræðralag múslima komst til valda. Þá átti að breyta öllu til að þóknast Kóraninum. Það varð Egyptum til bjargar að þeir höfðu her sem stoppað þá vitleysu.

M.b.kv.

[Bjarni Gunnlaugur (IP-tala skráð) 19.9.2015 kl. 18:50]

1. Uppgerðartaugaveiklun svipuð og hjá andstæðingum hvalveiða

2. Var að benda á að menn tala um virkni sniðgöngu eftir hentugleikum. Virkar illa segja menn þegar hún snýr að Ísrael en er alveg sérstaklega hættuleg þegar hún snýr að okkur. 

Varðandi nr 3 þá ertu að gjaldfella orðið hryðjuverk. Það er mikill munur á Degi B (þó ekki sé hann góður ;-)) og ISIS forkólfunum. Annars vegar ertu með spjátrung (Þ.e. Dagur) en á hinn bóginn morðvarga og illmenni en Dagur Bé er hvorugt það þori ég að fullyrða. 

Nr. 4 var til að benda þér á að talið um ólögmæti er út í hött hvað varðar þau rök sem utanríkisráðuneytið sendi frá sér.

Ofsafengin viðbrögð ríkisstjórnarinnar umfram tilefni benda til að þeir vilji losna við vandræði á öðrum vetvangi en nei ég efa stórlega að þeir séu á bak við tillöguna. ;-) 

Grundvallaratriðið er í þessu öllu að nauðsynlegt er að reyna að koma vitinu fyrir Ísrael varðandi málefni Palestínu. 

[Bjarni Gunnlaugur (IP-tala skráð) 19.9.2015 kl. 18:51]

ps. Þó Dagur Bé og félagar hafi kannski ekki dottið niður á bestu aðferðina til þess!