Nú er lag

Nú er lag fyrir ríkisstjórnina að taka slag með Samfylkingunni. Sú staðreynd að fimm af níu þingmönnum Samfylkingar leggur fram tillögu á Alþingi um fríverslunarsamning við Japan, segir að þessir þingmenn hafa afskrifað aðild að ESB. Reyndar virðist Össur sjálfur hafa afskrifað aðild að ESB strax á árinu 2012, þegar hann stóð í samningum við Kína um fríverslun.

Það er staðreynd að allir milliríkjasamningar umsóknarríkis að ESB falla sjálfkrafa niður við aðild og eftir það allir slíkir samningar gerðir af ESB fyrir hönd aðildarríkja. Engu ríki sambandsins er heimilt að gera eitt og sér milliríkjasamning við ríki utan ESB. Því viðist vera borðliggjandi að Össur áttaði sig á því fyrr tveim árum að aldrei gæti komið til aðildar Íslands að ESB, það sannaði hann með því að gera fríverslunarsamning við Kína. Nú taka fjórir aðrir þingmenn Samfylkingar undir með Össur og vilja að gerður verði samningur við Japan.

Auðvitað eigum við að sækjast eftir fríverslunarsamning við Japani, viðskipti okkar þangað eru mikil og í sókn. Þetta útspil Samfylkingarþingmanna á ríkisstjórnin auðvitað að nýta sér. Ef slíkur samningur kæmist á þá sannar hann enn frekar að okkur eru flestir vegir færir, jafnvel þó við séum sjálfstæð eyþjóð langt norður í Atlandshafi. Hann mun þá gera aðild að ESB en meira óaðlaðandi fyrir okkur.

Auðvitað mun ESB sækjast eftir fríverslunarsamning við Japan einnig og sjálfsagt mun einhverntímann í framtíðinni slíkur samningur líta dagsljósið. En slíkur samningur, gerður af ESB, mun fyrst og fremst þjóna stæðstu og öflugustu ríki sambandsins. Smærri ríki þess munu þar litlu ná fyrir sig.

Með því að taka undir með þessum þingmönnum Samfylkingar, verður auðveldara fyrir stjórnvöld að standa við sitt loforð um að draga aðildarumsóknina til baka. Varla geta þingmenn Samfylkingar ætlast til að verið sé að nota fé skattgreiðenda í samningsgerð við Japani, með það að markmiði að sá samningur yrði ónýttur innan fárra ára, með aðild að ESB. Slík afstaða er vægast sagt óábyrg.

 

 

Hvetur til fríverslunarviðræðna við Japan

Athugasemdir

[[e-mail] (IP-tala skráð) 22.3.2014 kl. 09:14]

". En slíkur samningur, gerður af ESB, mun fyrst og fremst þjóna stæðstu og öflugustu ríki sambandsins. Smærri ríki þess munu þar litlu ná fyrir sig."

Okkur kæmi t.d. vel að flytja út fisk og fá í staðinn iðnaðarafurðir, þar sem Japan er mikið iðnaðarveldi, en obbosí, ESB er líka mikið iðnaðarveldi eða vill a.m.k. vera það. En þeir færu auðvitað að taka tillit til okkar sjónarmiða að flytja inn tollfrjálsan iðnvarning í ESB á móti fiskútfluttningi eða hvað?

Þetta svarar sér náttúrulega sjálft!

[Helgi (IP-tala skráð) 22.3.2014 kl. 17:27]

Sæll.

Því fleiri fríverslunarsamningar, því betra. Er ekki næsta mál að reyna að fá aðild að NAFTA?