Erfitt að átta sig á stjórnun RUV

Það verða sjálfsagt margir þeirra sem enn hlusta á rásir RUV sem skipta um stöð við áramót, gangi áætlanir Palla eftir. Því miður eru þó til þeir sem ekki hafa í aðra kosti að sækja, t.d. sá sem hér skrifar. Einungis næst merki frá rás tvö þar sem hann situr.

Það er erfitt að skilja hugsanahátt Palla og hvað hann leggur til grundvallar þegar að kreppir. Að hætta með vinsælasta þátt útvarpsins, þann eina þar sem fólki er sjálfu boðið upp á að velja dagskránna, er ekki einungis fífldjarft, heldur einnig heimskt.

Það liggur fyrir að það munu verða útsendingar áfram milli klukkan 22 og 2, aðfararnætur laugardaga og sunnudaga. Því mun þurfa að manna stöðina yfir þann tíma áfram. Ekki verður séð hver sparnaður liggur í því að láta tæknimann sitja á staðnum í stað þess að leifa þeim Guðna Má og Inga Þór að sitja við sama borð og flytja sína vinsælu þætti. Kostnaðarmunur þarna á milli er vandséður.

En þetta er einungis ein byrtingarmynd þess "sparnaðar" sem Palli sýnir. Það má telja fleiri svipuð dæmi upp þar sem starfsfólki er sagt upp án sjánlegs sparnaðar af því. Þáttum sem kosta lítið en eru vinsælir er fórnað, meðan þáttum sem eru dýrir í rekstri og tiltölulega fáir fylgjast með fá að lifa.

Ekki þori ég að segja mitt álit á evróvíjón keppninni, enda sá þáttur vinsæll hjá stórum hluta þjóðarinnar. Þó sé ég ekkert því til fyrirstöðu að Ísland drægi sig í hlé frá þeirri keppni um einhvern tíma. Það hafa aðrar þjóðir gert þegar illa árar hjá þeim. Þannig má spara stórar fjárhæðir fyrir tiltölulega stuttann útsendingatíma. Þó auglýsingatekjur vegi þarna eitthvað á móti er ljóst að kostnaður er mikill fyrir stofnunina vegna þáttöku í þessarri keppni. Það voru léttvæg rökin sem komu frá stofnunnin vegna þessa máls, þegar sagt var að þegar væri búið að tilkynna þáttöku og því ekki aftur snúið. Auðvitað er alltaf hægt að snúa af leið, það er aldrei of seint að gera rétt.

Það er fjöldi viðtalsþátta og menningarþátta sem RUV kosta á hverju ári og sýnir í sinni dagskrá. Þarna er rætt við merka Íslendinga og íslensk menning kynnt. Margir hverjir eru þessir þættir hinir ágætustu, en það merkilega er að nánast virðist útilokað að framleiða slíka þætti án þess að hluti þeirra sé tekinn upp erlendis, stundum stór hluti. Hvers vegna þarf að senda lið tæknifólks, þáttastjórnendur, spyrla og jafnvel viðmælandur sjálfa til annarra landa, til að kynna það sem íslenskt er? Mér er þetta með öllu óskiljanlegt.

Þá hefur RUV staðið að gerð ýmissa góðra þátta um líf og störf Íslendinga erlendis. Þessir þættir eru einnig skemmtilegir og fróðlegir, en kæmi engum að sök þó gerð slíkra þátta frestaðist um eitt eða tvö ár.

Það er ljóst að Palli nýtti sér þessa svokölluðu skerðingu til reksturs RUV. Þó hann sjálfur hafi sagt að hann hafi ekki nýtt hana til pólitískra verka, sem þrýsting á stjórnvöld og Alþingi, hlýtur það þó að vera. Annars væri hann að nýta sér þetta tækifæri til að hreinsana innan stofnunarinnar og ekki vil ég trúa því. 

Reyndar kemur svarið við þessari spurningu á næstu dögum. Fjárveitingavaldið hefur gefið eftir og engin skerðing verður hjá stofnunni þegar upp er staðið. Nú er bara að sjá hvort hann dregur allar uppsagnir til baka, eða hvort hann var að stunda hreinsanir a la USSR.

Við unnendur Næturvaktarinnar ættum ekki að þurfa að óttast, það er ekki lengur nein forsenda til að leggja þann þátt niður, þannig að væntanlega munu þeir Guðni Már og Ingi Þór áfram skemmta okkur með viðtölum og lögum sem hlustendur sjálfir velja.

 

Ætlar að skrúfa fyrir Rás 1 og Rás 2

Athugasemdir

[Jóhann Elíasson, 14.12.2013 kl. 08:49]

Það er svona þegar Palli er einn í heiminum............