Það er ljótur ávani að ljúga

Árni Páll skilur ekki skuldaleiðréttingu, enda ekki hans hugur að standa með þjóð sinni. Hann skilur heldur ekki að enn eru ekki opinberar tillögur um hvernig að þessari leiðréttingu skuli staðið og því varla hægt að krefjast svara meðan endanleg útfærsla er ekki tilbúin.

En það styttist í að þessar tillögur verði kynntar landsmönnum. Sú vika sem nú er að byrja er síðasta vika nóvember og því verða tilögurnar opinberaðar og kynntar í þessari viku. En það mun engu breyta fyrir Árna Pál, hann mun samt ekki skilja.

Skilningsleysi Árna Páls er þó ekki bundið við þetta málefni, heldur virðist sem honum gangi illa að skilja hluti svona yfirleitt. Nýjasta dæmið er skilningsleysi hans á því ástandi sem Japan hefur búið við á annan áratug. Þar er ekki stöðnun, heldur verðhjöðnun. Hér á Íslandi er verðbólga, þó til sanns vegar megi færa að uppbyggingin gangi hægt. Þarna sér Árni Páll eitthvað samhengi, sem öðrum er dulið. Og ástæðu þess hversu illa hefur gengið að byggja upp eftir hrun má að öllu leyti þakka Árna Pál og hans samherjum í pólitík, eftir fjögurra ára gíslatöku á stjórnarráðuneytinu.

En eitt skilur Árni Páll og það er hversu gott sé að búa innan ESB. Þar á hann nokkra samtrúarmenn hér á Íslandi, þó sennilega gæti reynst erfitt fyrir hann að finna fólk sér samsinnis, innan þeirra ríkja sem sambandið myndar. Það er með þann skilning Árna Páls að hann er þar í fámennum hóp sem illa gengur að skilja einfaldar staðreyndir. Árni Páll óttast ekki Japanskan samdrátt inna ESB, þó stjórnendur þar geti vart mælt af ótta við að einmitt það sé að skella á evruríkin!

Verst er þó að honum reynist útilokað að tjá sig án þess að ljúga. Í hvert sinn sem hann nefnir leiðréttingu lána til húsnæðiskaupa, nefnir hann upphæð sem er nálægt því helmingi hærri en sú upphæð sem flestir gera ráð fyrir og oftast hefur verið nefnd af þeim sem vilja hjálpa þjóðinni. En Árni Páll lætur sér þau orð í léttu rúmi liggja og lýgur sem fastast. Þá kallar Árni Páll þesa leiðréttingu "niðurfellingu" lána. Eins fjarri sannleikanum er vart hægt að komast.

En honum er kannski vorkun. Margir hans vina og stuðningsmanna hafa fengið vænar niðurfellingar lána, ekki síst meðan hann sjálfur sat í stól ráðherra, svo orðið leiðrétting er honum kannski framandi!!

 

 

Skuldar þjóðinni skýringar

Athugasemdir

[Almenningur (IP-tala skráð) 24.11.2013 kl. 18:04]

Skuldar hann ekki almúganum skýringar á þvi að láta hrægömmana kroppa í hrynjandi heimili í 4 ár og láta vítisvélina ("verðtrygginguna") ganga á fullum dampi og magna verðbólgu"drauginn til að mergsjúga öreigana samhliða?

[Þjóðólfur (IP-tala skráð) 24.11.2013 kl. 18:08]

Best að hann tali sem mest gegn leiðréttingu á hluta ránsfengsins. Það sópar fylginu burt af stjórnarandstöðunni. Vona að Katastroffa leggi líka orð í belg....

[NKL (IP-tala skráð) 24.11.2013 kl. 18:14]

Það sem allt á veltur, er hvort innsogið verður tekið af vítisvélinni líka! En þetta mun vekja athygli á alþjóðavettvangi. Því er eins gotT að þjóðin verði ekki látin  bíta í  skottið á sér og  komist aftur í hagfræðibækur, sem gamanmál á spássíu.

[Guðmundur Ásgeirsson, 24.11.2013 kl. 19:08]

Á meðan þau halda áfram að láta svona grafa þau undan trúverðugleika sínum og annara andstæðinga hugmyndarinnar um skuldaleiðréttingu.

Takk Árni Páll. Endilega haltu þessu áfram. Og líka SA rugludallarnir.

Nú vantar bara Þórólf og Gylfa í viðtal um Kúbu norðursins.

[Anna Sigríður Guðmundsdóttir, 24.11.2013 kl. 23:18]

Árni Páll getur ekki ætlast til að fá skýringar á áróðurshönnuðum og fyrirfram ákveðnum/dæmdum kosningasvikum núverandi stjórnar. Síst af öllu í ljósi þess, að hann gerir ekki sömu kröfur til samstarfsflokks síns úr síðustu stjórn, Vinstri Grænna. Sem hefur ekki ennþá getað gefið stórum hluta kjósenda þjóðarinnar skýringu, á stærsta kosningasvikaloforðinu hjá Vinstri Grænum árið 2009.

Síðan eru liðin 5 ó-útskýrð ár?

Reyndar afskaplega erfið 5 ár, vegna þvingunar-samvinnu við hönnuði hrunsins/ránsins vítt og breitt um kauphallarspilavíti tilvonandi stórveldis. Kauphallarspilavíta-mafíur, sem ýta bara á takka úr sætum sínum, til að þenja og verðfella gjaldmiðla þjóða, til að ræna þær fyrir Rockefeller/Rothschild-þrælahaldara heimsins.

Er þetta sanngjarnt af Árna Páli akkúrat núna? Hvað er hann eiginlega að gefa í skyn?

Er Árni Páll og ýmsir fleiri alls ekkert að velta fyrir sér hvað gerist, ef almenningur hefur ekki eðlilegan og heiðarlega fenginn kaupmátt, til að standa í skilum, með sjálfsvirðingu og sóma?

Reyndar nánar tiltekið: að standa m.a. í skilum með bankaræningja-framkölluðu greiðslumatssamþykktu skuldunum! Hönnuð af lánshæfismats-bakaríum, sem baka t.d. stundum AAA-vandræði og stundum BC-vandræði. Þegar uppskriftin er röng í vandræða-bakaríunum banka, þá fellur að sjálfsögðu kakan. Allt samkvæmt áætlun fjármálaeftirlitsins!

Hverslags eiginlega er þetta með hann Árna Pál blessaðan og marga fleiri? Hvers vegna skyldi hann og fleiri ekki geta sagt hlutina eins og þeir eru?

Getur verið að glæpamafíur heimskauphallar-banka-spilavítanna hafi hannað einhverjar sérstaklega virkar aðferðir, til að þagga niður í fólki? Það skyldi þó aldrei vera? Og það í svona reglulega "heiðarlega" mafíureknum fjármálakerfum heimsins?

Getur verið að almenningur sjái bara toppinn á spillingar-ísjakanum? Og ef svo "ólíklega" vill til? Hvað þá?

"Hinir upplýstu"=(Illuminati), vita kannski ekki enn, að enginn í þeirra frímúruðu og falskristnu klíku er alvitur, algóður né almáttugur. 

M.b.kv.