Hvar lærði þetta fólk reikning ?

Það má vissulega halda því fram að hér þurfi að byggja nýjann Landspítala. En sú framkvæmd verður þó að bíða enn um sinn, við einfaldlega höfum ekki efni á þeirri framkvæmd þessa stundina.

Flutningsmenn tillögunnar leggja til að tekið verði lán fyrir framkvæmdinni, lán sem ríkið þarf auðvitað að ábyrgjast. Halda þeir því fram að sparnaður í rekstri muni geta greitt niður lánið. Hvar lærðu þessir menn reikning? 

Áætlaður kostnaður við nýjann landspítala er sem hér segir: 

Bygging húss                                41,1 milljarður

Bílastæði og tengibyggingar           3,2 milljarðar

Eftirlit og fleira                                2,8 milljarðar

Samtals bygging                           47,1 milljarður

Endurbætur eldri húsa                  12,9 milljarðar

Tækjakaup                                     19,0 milljarðar

Alls kostnaður                                79,0 milljarðar

Þegar útlagður kostnaður             - 1,3 milljarðar

Eftir kostnaður upp á                      77,7 milljarðar

Þennan kostnað ætla flutningsmenn að greiða niður með sparnaði í rekstri spítalans. Þann sparnað telja þeir geta numið  allt að 2,6 milljörðum króna á ári. Það sér hver maður að sú upphæð dugir ekki einu sinni fyrir vöxtum, hvað þá afborgunum af láni sem tekið yrði. Og þá erum við að tala um áætlaðann kostnað, en eins og flestir vita standast áætlanir sjaldnast. Ekki kæmi á óvart þó framkvæmdin færi eitthvað yfir 100 milljarðana.

Það er ljóst að ríkissjóður verður alltaf að koma að þessari byggingu, spítalinn sjálfur getur aldrei fjármagnað hana. Það er í sjálfu sér allt í lagi og þannig hefur það verið alla tíð hjá okkur. Fjármögnun byggingu spítala landsins hefur alla tíð verið á könnu ríkissjóðs, að mestu.

En eins og staðan er í dag er ríkissjóður tómur og því útilokað að hann komi að þessu verkefni. 

Enginn efi er á þörf nýss landspítala, en hins vegar eru veruleg áhöld um hvort þörf sé á svo stórri og mikilli byggingu sem áætlað er. Væri ekki hægt að skoða hvort eitthvað minna gæti dugað?

Einn ágætur læknir benti á það í grein að spítala væri ekki hægt að hanna nema til í mesta lagi tuttugu ára. Eftir það væri hann orðinn úreltur. Sú staðreynd að þegar séu sumir þættir þeirrar hönnunar sem liggja fyrir orðnar úreltar styrkja þennan málflutning læknisins. Þær hugmyndir sem nú liggja fyrir miða að því að verið sé að byggja spítala til margra tugi ára, jafnvel hundrað ára. 

Þá er spurning hvort réttlætanlegt sé að fara út í byggingu spítala fyrir 80 - 100 milljarða, þegar ekki er hægt að halda starfsfólki á þeim spítölum sem þegar eru fyrir hendi. Væri ekki rétt að koma rekstri þeirra fyrst á rétt ról, áður en farið er í byggingu á nýjum spítala?

Vilja hraða spítalaframkvæmdum

Athugasemdir

[Ásthildur Cesil Þórðardóttir, 16.10.2013 kl. 12:34]

Það er alveg með ólíkindum að sumir skuli ennþá reyna að kreista mjólk út úr steini.  Í hvaða veröld eru þessir menn?

[Gunnar Heiðarsson, 16.10.2013 kl. 12:42]

Einangrun í fílabeinsturni fer oft illa með skynsemi fólks, Ásthildur.

[Ásthildur Cesil Þórðardóttir, 16.10.2013 kl. 12:56]

Það er alveg hárrétt hjá þér, því miður. 

[Gunnr (IP-tala skráð) 19.10.2013 kl. 15:40]

Ef um 3 miljarðar sparast á ári þýðir það á 10 árum næstum 30 miljarða.
Dýrt að hafa dreyfða starfsemi og það vantar lykilstarfsfólk til að halda þetta út.
Þú reiknar ekki með neinum viðhaldskostnaði á núverandi húsnæði sem verður gríðarlegur algjörlega niðurnýtt að miklum hluta og með húsasótt.
Þú reiknar ekki með neinum tækjakaupum en það þarf gríðarlega fjárfestingu vegna þess að mörg viðkvæm tæki eru úrelt og gríðerlega erfitt og dýrt að reyna að halda úti úreltum tækjakosti. 

[Ásthildur Cesil Þórðardóttir, 19.10.2013 kl. 16:56]

SPARAST?  Hvenær er það sparnaður að eyða um efni fram.  Þegar ekki eru peningar til að gera allt það góða sem við viljum gera, þá þarf að forgangsraða, og þá er bruðl með steinkofa ekki fermst á listanum, heldur að laga það sem fyrir er, og búa vel í haginn fyrir starfsmenn og sjúklinga. 

[Gunnr (IP-tala skráð) 20.10.2013 kl. 07:02]

Ásthildur.
Hvað heldur þú eiginlega að það kosti að gera upp núverandi húsnæði. Það kostar miklu meira að nútímavæða og endurnýja gamalt sjúkrahúshúsnæði. Raunar er verðmætið í starfsfólki og næstum aldargömul sjúkrahús eru bæði ákaflega dýr. Fjölmennar stofur sem deila baði og sturtu. Fyrir ónæmisbælda krabbameinssjúklinga fólk með sýkingar td. lungna og iðrasýkingar. Hættan á skurðsýkingum margfaldast. Húsnæðið er ekki gert fyrir göngudeildarþjónustu.
Á næstu 15-20 árum mun fjöldi Íslendinga yfir 60 þrefaldast þegar stærstu árgangar Íslandssögunar munu fara yfir þá línu. Þetta mun margfalda fjölda krabbameinstilfella, fjölda æða og hjartasjúkdóma og húsnæðið er þegar sprengt. Það er ekkert hægt að setja á hold takkann og halda að við spörum eitthvað.
Því miður er ástandið orðið grafalvarlegt og augljóslega verður ákaflega erfitt að manna þetta og ástandið mun að óbreyttu stigversna það þarf ekkert að fara í grafgötur með það. Það er nú verið að taka ákvörðun um að trappa niður þeas draga úr þjónustu.  Það verður síðan pólitísk ákvörðun hvort senda á fólk úr landi til meðferðar eða láta það sigla sinn sjó. Fyrrum landlæknir og prófessor við læknadeildina skrifuðu grein um ástandið á Landspítalanum og yfirskriftin var "þjóðarskömm". 
Spurningin hvort menn vilja fremur bora gat í fáfarin fjöll, greiða 13 miljarða í landbúnaðarstyrki eða horfa á heilbrigðiskerfi þjóðarinnar hrynja og það er að hrynja og það eru því miður engar ýkjur.

[Gunnr (IP-tala skráð) 20.10.2013 kl. 07:23]

1. Í næsta fjárlagafrumvarpi er gert ráð fyrir 100 miljóna niðurskurði í heilsugæslu höfuðborgarsvæðisins sem er í fríu falli. Það þýðir í raun að það verður að skera niður fækka heimilislæknum og loka heilsugæslustöðvum. 

2. Það er um 1-2 miljarða halli á Landspítalanum sem menn eru að draga fram yfir árið og skv. núverandi fjárlagafrumvarpi þýðir sjúklingaskatturinn (það er ómögulegt að fá inn gjöld af stórum hluta td. af geðveikum og öðrum sjúklingum).

Sérnám lækna er erlendis og tekur 5-11 ár og íslenska ríkið greiðir ekkert fyrir þetta og þetta. Sparnaður síðustu ára hefur skolað burtu byrjun á sérnámi sem farið var af stað. Með um 300 þús á mánuði og framtíð með margra ára sérnám erlendis drífur fólk sig út. Það hefur nánast enginn kominn og lykilsérfræðingar eru að undirbúa brotthvarf frá landinu og það mun augljóslega þýða enn meira álag á þá sem eftir eru og þannig mun þessi neikvæði spírall geta virkað eyðileggjandi fyrir íslenska heilbrigðiskerfið sem menn eru að glopra niður.  Klárlega þarf að velja hvað menn vilja standa við og hvað á að skera niður. Ég held því miður að menn hafi ekkert óskaplega góðan tíma.  

[Ásthildur Cesil Þórðardóttir, 20.10.2013 kl. 12:05]

Ég veit að það er dýrt að gera við húsnæði sem hefur drabbast niður allof lengi, en það er verið að tala um að fá betra húsnæði, heyrðist það á Kristjáni Þór, til bráðabirgða uns hægt verður að byggja með sóma. 

En að ætla að taka lán.... enn og aftur til að byggja, meðan ekki er fé til að reka spítalann eða kaupa tæki og læknar að flýja vegna lágra launa, það sér hver maður með meðalgreind að gengur ekki upp.

Það sem ég óttast mest er að fjórðungssjúkrahúsin á landsbyggðinni verði svelt niður fyrir hungurmörk og þar með kastað fyrir róða öryggi okkar sem þar búum.  Því einhversstaðar þarf að fá peninga til að borga niður lánin, og þau eru þungur baggi, og að sliga alla sem eru með lán á öxlunum. 

Það eru gömul sannindi og ný að þú sparar ekkert með því að eyða meiru en þú getur staðið við.

[Gunnr (IP-tala skráð) 20.10.2013 kl. 18:24]

Ásthildur þú veist hvað þetta þýðir. Spurning er síðan hvort til sé fé til að greiða landbúnaðarstyrki og niðurgreiða kindakjöt og aðrar landbúnaðarvör8r jafnvel ofan í útlendinga þegar ekki er hægt að greiða lífsnauðsynlega heilbrigðisþjónustu.

Spurningin verður þá hvort vegur meira ærgildið eða manngildið?

Ísland er lítil eining og í framfarir í læknisvísindum með sérhæfing hefur í raun gert mikið af þessum stofnunum nánast að steingerfingum. Það er ekki nóg að ráða skurðlækni nema hafa svæfingarlækni og það er ekki lengur nóg að hafa einföldustu tæki enda eru flest þessi sjúkrahús lítið annað en fullkomin hjúkrunarheimili og vænlegra að nota fjármagn í flutninga. Litlar dreifðar einingar eru dýrar og þurfa gríðarlega mönnun og fagfólkinu er ekki lengur til að dreifa. Við erum að lenda í öldrunarbylgjunni og það mun þýða að það þarf að nota starfsfólk meira markvisst en að dreifa fólki á "dauðum vaktatíma" þetta er margreiknað út. Það búa ekki fleirri á Íslandi en í meðalstórri borg.