Siðleysi bankanna algjört

Það eru margir sem hafa skrifað um þetta mál á bloggsíðum síðustu misseri, m.a. á þesari síðu, þó fréttamiðlar hafi þagað þunnu hljóði yfir þessum vanda. Það þarf ekki speking til að sjá að sá fjöldi eigna sem bankar hafa gert upptæk en ekki sett á markað, halda uppi eftirspurninni. Þetta á ekki einungis við um það sem Helgi kallar "vel staðsett atvinnuhúsnæði", heldur allar eignir sem bankarnir hafa yfirtekið.

Þá minnir hringamyndun bankanna, þegar þeir láta eiginn sjóði versla eignasöfn af sér, nokkuð á þá fávisku sem hér þekktist í viðskiptalífi fyrir hrun. En engann þarf þó að undra þetta, þar sem flestir stjórnendur bankanna í dag voru uppaldir í bankakerfinu fyrir hrun. Þeir hafa ekkert lært og telja sig vera að gera hlutina vel. Þeir vita bara ekki betur. Allur almenningur er þó fyrir löngu búinn að átta sig á ruglinu. Síðan koma lífeyrissjóðirnir, að mestu enn undir stjórn sömu manna og glötuðu nærri fjórðung fjárs þeirra í hruninu, og kaupa þessi eignasöfn af sjóðum bankanna, á uppsprengdu verði.

En aftur að uppskrúfun bankanna á fasteignum. Það er flestu hugsandi fólki dulin sú viska að betra sé að láta húsnæði standa autt og grotna niður, en að setja það á markað og selja eða leigja. Að einhver hagnaður skuli felast í því að halda uppi fasteignaverði og fá þannig örlítið meira fyrir hverja selda eign, en láta á sama tíma fjölda eigna eyðileggjast og verða verðlausar.

Þessi háttsemi bankanna leiðir ekki einungis af sér óraunverulegt verð á fasteignamarkaði, heldur skrúfar einnig uppi verði á leigumarkaði.

Það er einungis ein lausn þessa vanda, hertari löggjöf. Það er að vísu spurning hvort hert löggjöf hefur áhrif á bankanna, þar sem þeir virðast geta komist upp með að hundsa Hæstaréttar svo árum skiptir. En það er þó eina leiðin til að koma böndum á þennan vanda.

Í fyrsta lagi þarf að setja lög sem skylda alla þá sem yfirtaka eignir með fjárnámi, að þær eignir verði settar á markað innan ákveðins tíma, t.d. þriggja mánaða. Þarna gæti verið val um leigumarkað eða sölumarkað. Það sem öllu skiptir er að allar fasteignir fari á markað, svo raunverulegt verðmæti myndist.

Í öðru lagi þarf að setja lög sem banna með öllu að bankar geti stofnað sjóði til að kaupa þessar eignir. Þetta er hrein og klár hringamyndun og af henni höfum við fengið nóg, meir en nóg! Þetta ætti einnig að eiga við um fyrirtækin sem bankarnir hafa safnað að sér og reka gegnum slíka sjóði.

Það er kominn tími til að taka á bankakerfinu. Siðleysið sem þar ríkir verður að kveða niður.

 

Segir bankana skrúfa verðið upp

Athugasemdir

[Eggert Guðmundsson, 1.6.2013 kl. 11:51]

Góðar tillögur. Það þarf að gera lagabreytingar strax.

[Sleggjan og Hvellurinn, 1.6.2013 kl. 11:53]

Ekki trúa öllu sem þú lest. Heldur þú að forstjóri Regins hlutulaus í þessu máli??

Hann er að stýra eitt stærsta eignasýslufélag á Íslandi.

[Gunnar Heiðarsson, 1.6.2013 kl. 11:58]

S&H, ég er ekki að segja að forstjóri Regins sé einhver engill, eða yfirleytt að vísa til hans. Um þetta mál hef ég oft áður bloggað, eins og svo margir aðrir.

Það er hins vegar umhugsunarvert að ummæli þurfi að koma frá "merktarmanni" svo fjölmiðlar vakni og flytji af þessu fréttir.

[Elín Sigurðardóttir (IP-tala skráð) 1.6.2013 kl. 12:02]

Góður pistill. "Þessi háttsemi bankanna leiðir ekki einungis af sér óraunverulegt verð á fasteignamarkaði, heldur skrúfar einnig uppi verði á leigumarkaði." Það er hins vegar erfitt fyrir aðdáendur fyrstu hreinu vinstri stjórnarinnar að viðurkenna þessa einföldu staðreynd. Bankarnir eru alltaf stikkfrí í umræðunni hjá þeim en eftir gamla laginu er reynt að deila og drottna og eigendum og leigjendum stillt upp sem andstæðingum á markaði.

http://www.akureyrivikublad.is/akvbl/frettir/2013/04/12/eignalitli-hopurinn-gleymist/

[Sleggjan og Hvellurinn, 1.6.2013 kl. 12:03]

Þetta er einfaldlega bull og vitleysa.

Mjög sorlgegt að það er hægt að bulla í almeningi.

Um leið og það pönkast einhver í bönkunum þá fylgir skrýllinn með.

"siðleysi banakan algjört"

Þetta er svo sorgleg aftaða og þú hefur ekki hugmynd um hvernig rekstur banka gengur fyrir sig.

[GunniS, 1.6.2013 kl. 12:09]

sleggjan, það þarf eingan snilling til að skilja hvernig bankar eru reknir, þar gengur aðeins eitt fyrir og það er að græða sem mest, þó það þýði að starfsmenn bankanna verði að selja sálina úr sér, eða ömmu sína. bankarnir gætu meira segja farið að heimta nýra úr fólki.

 annars hef ég haldið þvi lengi fram að banki á ekki að vera í einkaeigu, þetta er apparat sem á að vera í eigu samfélagsins, og á að þjóna því.

[Tanni (IP-tala skráð) 1.6.2013 kl. 12:33]

Það er lítið grætt með því að leysa eitt vandamál með því að skapa annað. Að þvinga eignir á markað orsakar bara verðhrun og tregðu til að lána nema þeim stöndugustu. Þannig færir maður eignirnar á silfurfati til eignamanna.

Og það að bankarnir láti aðskilda sjóði kaupa eignirnar af sér er til komið vegna kröfunnar sem kom fram eftir hrun um aðskilnað fjárfestinga hluta bankanna og almenna hlutans. Fyrir hrun var enginn aðskilnaður og þess vegna fóru bankarnir á hausinn þegar fjárfestingarnar brugðust. Verði verðfall á fjárfestingum í dag fara þessir sjóðir á hausinn en almenn starfsemi raskast ekkert.

Það er ekkert nýtt að bankar og aðrir reyni að hámarka hagnað frekar en að selja fasteignafélögum eignir á undirverði og skapa fasteignasölum vinnu. Allir vilja græða og bankar eru góð skotmörk þegar braskarar vilja auka hagnað sinn með stuðningi almennings.

[Elín Sigurðardóttir (IP-tala skráð) 1.6.2013 kl. 12:37]

Heitir það núna að "þvinga eignir á markað" að virða samkeppnislög? Til hvers erum við að þvinga fólk til að fara lögum og reglum? Eigum við ekki bara að sleppa þeim alfarið og láta eitt yfir alla ganga?

[Sleggjan og Hvellurinn, 1.6.2013 kl. 12:46]

Elín

Ertu að segja að há leiga sé bönkunum aðkenna?

Svo skal halda því til haga að íbúðarlánasjóður er stærsti lánveitandi húsnæðis.

[Sleggjan og Hvellurinn, 1.6.2013 kl. 12:49]

Gunni

Hvaða fyrirtæki er ekki að reyna að hámarka hagnað?

Bankastarfsmenn eru ekkert verri en annað fólk. Og þetta er mikið kvennastarf og fjölda gjaldkera og þjónustufulltrúa.

En bankastarfsemi var rekin af ríkinu í haftasamfélaginu á Íslandi eftir stríð.

Þú þurfti að vera með rétt flokkskyrteini til að fá lán.... good times.

[Sleggjan og Hvellurinn, 1.6.2013 kl. 12:51]

Tanni

Þú virðist vera með eitthvað vit í kollinum miðað við aðra hér á blogginu

[Gunnar Heiðarsson, 1.6.2013 kl. 14:47]

Það er ekki nein þvingun falin í því að láta þær fasteignir á markað sem bankar eignast, Tanni, þvert á móti er það þvingun fyrir markaðinn að halda eignum frá honum sem sannarlega ætti að vera þar.

Auðvitað mun fasteignaverð lækka ef allar eignir bankanna fara á markað, um það deilir enginn. En er sú lækkun ekki bara leiðrétting? Er fasteignaverð núna raunhæft?

Það er spurning hvort kom á undan, verðfall eigna bankanna eða bankahrunið sjálft. Í það minnsta féllu þeir vegna lausafjársskorts, sem svo hægt er að skýra með ýmsum hætti, t.d. tengslum þeirra við viðskiptaveldi sem voru illa rekin, en átti sterk eignartengsl í bankanna. Langt mál má rita um þær orsakir og ætla ég ekki að gera það hér.

En vissulega má segja að það hafi verið skref til hins betra að setja bönkum þær kvaðir að stofna sjóði um sínar eignir, en hvers vegna ekki að stíga það skref til fulls og setja enn strangari kröfur, að þessir sjóðir geti ekki legið á þeim eignum eins og þeim sýnist. Þá er ljóst að ekki eru allar eignir sem bankarnir taka af fólki settar í þessa sjóði, heldur liggja bankarnir með þær sjálfir. Bankar eiga að sýsla með peninga, ekki fasteignir, fyrirtæki eða einhverja sjóði sem með þau mál fara fyrir bankanna.

Raunverulegt verð fasteigna fæst einungis með því að allt laust húsnæði sé á frjálsum markaði. Um leið og einhverjum eignum er haldið utan markaðar, hækkar verð og verður óraunhæft.

Leiguverð skapast af þrennu, framboði af íbúðum, fjármagnskostnaði leigusalans og eftirspurn.

Það er ljóst að eftirspurnin er gífurleg. Framboðið er hins vegar mjög takmarkað og of hátt fasteignaverð skapar hærri fjármagnskostnað leigusala.

Því er ljóst að ef bankarnir setja allar sínar fasteignir á markað mun verð lækka, sem lækkar fjármagnskostnaðinn. Þá mun framboð aukast og eftirspurn minnka.

Þetta leiðir allt hvað af öðru.

[Jóhannes Jx (IP-tala skráð) 1.6.2013 kl. 18:42]

Þegar forstjóri fasteignafélags sem situr á fjölda eigna sem ekki eru á markaði gagnrýnir fasteignafélög bankanna fyrir að setja ekki eignir sínar á sölu meðan verð er undir byggingarkostnaði og bloggarar taka undir með honum þá fer ég að hlæja. Fyndið hve stjórnlaust hatur á bönkum gerir marga að slefandi fávitum sem auðvelt er að teyma á asnaeyrunum með algerri þvælu.

[Sleggjan og Hvellurinn, 1.6.2013 kl. 19:58]

Get skrifað undir þetta Jóhannes

[Skúli Sigurðsson (IP-tala skráð) 2.6.2013 kl. 00:28]

Ég vil benda á að starfsfólk bankanna hefur valið sér það að vinna í banka. Þ.e.a.s. nánar tiltekið að beinlínis vinna gegn hangsmunum samfélagsins, með svipuðum hætti og starfsmenn mafíunnar gera.

Allar ákvarðanir bankanna eru teknar af fólki....jafnvel þessu sama "saklausa" starfsfólki bankanna.

Viðhorf og hroki S&H einkennist af því að hann/hún starfi í banka.

[Sleggjan og Hvellurinn, 2.6.2013 kl. 01:53]

Skúli

Frekar ódýrt skot og að sjálfsögðu vinnur fyrirtæki fyrir viðsiptavin sinn.

Því annars hættir viðskiptavinurinn að stunda viðskipti við þig.

Ef þú færð lélega þjónustu hjá einu fyrirtæki þá skiptiru yfir í annað.

[Sleggjan og Hvellurinn, 2.6.2013 kl. 01:54]

Svo er ég ekki einn með þessa skoðun

Tanni og Jóhannes sjá í gegnum þessa vitleysu líka.

Vona að þú gerir það einhvertímann

en í dag er eitthvað með banka og alemnninging. Skríllinn elskar að hata banka.

[Gunnar Heiðarsson, 2.6.2013 kl. 06:58]

Það má vera að skrif mín um "starfsfólk" banka séu svolítið hörð, en í einfeldni minni hélt ég að flestir skildu að þar átti ég auðvitað við þá sem sitja þar í stjórnunarstöðum, ekki hinn almenna bankamann. Þetta leiðréttist hér með.

"Skríllinn elskar að hata banka" segir S&H. Hatur verður aldrei sjálfsprottið og fáir sem elska að hata. Bankarnir hafa unnið duglega að því vantrausti sem almenningur ber til þeirra. Hvernig þeir hafa getað hundsað dóma Hæstaréttar er bara eitt dæmið, annað hvernig þeir hlunnfara innistæðieigendur og fleira mætti telja sem vart er hægt að flokka sem heiðarleg viðskipti.

Það væri hverjum manni hollt að fara inn á heimasíður bankanna, finna þar reiknivélar þeirra og sjá hversu gífurlegur munur er á útlánum og innlánum þessara stofnanna, þegar "sömu" kjör eru notuð. Breytir þar eingu hvort notað eru verðtryggð kjör eða óverðtryggð, bankinn kemur alltaf út í verulegum gróða.

Auðvitað þurfa bankar að lifa og sumir sem réttlæta þennan mun til þess, en hvers vegna er þá rukkað fyrir hvert einasta viðvik sem maður biður bankann um?

Þá má telja það siðleysi bankanna sem viðgengist hefur frá hruni. Allt að 1.000 milljarðar hafa verið notaðar til niðurfellinga skulda. Af þeirri upphæð eru einungis örfáir tugir milljarða sem hafa farið til niðurfærslu lána almennings og eingöngu vegna þess að dómskerfið skipaði svo. Nánast öll þessi upphæð hefur farið til niðurfellinga lána vildarvina bankanna, til þeirra sem stóðu í eldlínunni fyrir hrun og voru flestir aðalhöfundar þess!

Hvernig bankar hafa gangið að fólki og hyrt af því íbúðir þess er svo sér kapítuli. Flestir þeirra sem missa húsnæði sitt á uppboð gætu hæglega greitt af því ef bankinn væri tilbúinn til að færa lán þess niður til þeirrar upphæðar sem eðlilegt gæti talist og upphaflega var áætlað. Enn fleiri gætu staðið í skilum ef lán væru færð til þeirrar upphæðar sem fæst fyrir íbúðina á nauðungaruppboði. Þes í stað tekur bankinn til sín íbúðina og setur í sitt safn. Eftir stendur íbúðareigandinn með sína fjölskyldu á götunni!

Að vísa til fortíðar, þegar flokkskírteini var hellst von fólks til að fá lán og réttlæta siðleysið nú með því, er aumt. Það er lítill munur á því hvort þurfi flokksskírteini eða vera í vinaklíkunni, eins og nú virðist þurfa.

Það er því stór misskilningur hjá þér S&H að "skríllinn elski að hata banka". Bankarnir hafa sjálfur unnið fyrir því hatri, einir og óstuddir.

[Skúli Sigurðsson (IP-tala skráð) 2.6.2013 kl. 11:16]

S&H....bankar vinna ekki fyrir almenning eða skrílinn eins og þú kýst að kalla almenning. Þetta kallast hroki.

Hagsmunir banka, þ.e. eigenda banka eru aðrir en hagsmunir almennings. Hagsmunir eigenda banka er að hámarka hagnað bankans til skamms tíma og ná þeim fjármunum út úr bankanum........eins og dæmin sýna.

Og já verulega stór hluti almennings vill skipta um banka.....en einfaldlega getur það ekki. Stóru bankarnir vinna bæði saman og það hreinlega vantar banka sem virðir hagsmuni almennings.

Það er hreinlega sorglegt að þú sjáir þetta ekki S&H, en þú ert líklega forhertur bankastarfsmaður.

[Sleggjan og Hvellurinn, 2.6.2013 kl. 12:42]

Bankar hafa farið eftir dómum hæstarétta. Enda hafa þeir endurreiknað öll ólöglega gengistryggð lán... nú eru þeir að bíða eftir fleiri dómum til þess að klára dæmið. Málið stendur á Hæstarétti einsog er.

Vaxtamunurinn er mikill vegna krónunnar sem dæmi.

Hann mun fara ef við göngum í ESB.

Það er fínt að þið eruð á þeim buxunum núna loksins.

Já við ESB.

[Gunnar Heiðarsson, 2.6.2013 kl. 14:31]

Þið eruð alveg ágætir þarna á bak við sleggjuna og hvellinn. Skiljið ekki einföldustu hagfræði, eins og þá staðreynd að engin þjóð getur lifað betur en hún sjálf býr að. Þar kemur gjaldmiðill ekkert málinu við.

Þá blæs nú ekki beinlýnis byrlega hjá þeim þjóðum sem eru innan ESB, sérstaklega þeim sem hafa evru sem lögeyri.

[Sleggjan og Hvellurinn, 2.6.2013 kl. 17:04]

EVRU og ESB landið Luxemborg er ríkasta land í heimi miðað við landframleiðslu á mann.

Atvinnuleysi í ESB og EVRU landinu Austurríki er minna atvinnuleysi en á Íslandi.

Þetta sannar það að ástandið í Grikklandi er sjálfskapaður. Ekki ESB að kenna.

[Helgi (IP-tala skráð) 2.6.2013 kl. 22:59]

@GH: Ég skrifaði fyrir um ári um þessa iðju bankanna, að halda eignum af markaði. Hegðun fjármálastofnana bæði hér og erlendis er gott dæmi um það sem gerist þegar einn hópur nær óeðlilega miklu valdi á ríkisvaldinu. Verulega hallar á almenning í viðskiptum við fjármálastofnanir. Ef þingmenn hefðu snefil af viti myndu þeir gera eitthvað í málunum.

Ég held að bankarnir geri þetta af bókhaldsástæðum. Ef allar eignir væru settar á markað myndi eignaverð lækka og þeim fjölga sem eiga rétt á t.d. 110% leiðinni. Bankarnir vilja sennilega ógjarnan bókfæra tap því þá fá topparnir sjálfsagt enga bónusa.

@S&H: Af hverju eiga bankarnir ekki að bera ábyrgð á eigin útlánastefnu og tapa þegar þeir lána of mikið? Ef menn halda verði frá markaðsverði er það hrein og klár fölsun og flótti frá veruleikanum sem mun fyrr eða síðar koma í kollinn á einhverjum. Samþykkja þarf lyklalögin hið snarasta og láta bankana þannig bera ábyrgð á útlánum sínum. Það er ekki jafnræði milli lántaka og lánveitanda.

Mér er sömuleiðis spurn hvers vegna þessi iðja fjármálastofnana er lögleg. Er ekki verið að rétta yfir bankamönnum fyrir að reyna að hafa óeðlileg áhrif á verð hlutabréfa sinna banka? Er það ekki markaðsmisnotkun? Af hverju er bankarnir ekki sekir um markaðsmisnotkun á fasteignamarkaðinum? Enginn veit hvað þetta kostar almenning sem þarf þá að greiða hærra verð og taka hærri lán en ella (en ríkið græðir auðvitað á (lántökugjöldin) því sem og sveitarfélögin, það er þeim í hag að fasteignamat sé sem hæst enda tekur þeirra skv. fasteignamati). Hvar er sérstaki núna? Er hann kannski svo sérstakur að hann skilur ekkert?

Hvenær á svo að samþykkja lyklalögin? Sjallarnir voru með þau á stefnuskránni haustið 2011 sá ég.

@22: Ég var nýlega að reka ofan í þig þennan vaðal þinn um Austurríki: Í janúar á þessu ári var atvinnuleysi rúm 9% en er núna um 7%. Skuldir þeirra eru einnig vaxandi og viðskiptahalli nokkur þó hann sé ekki eins mikill núna og hann var t.d. haustið 2011. Hvenær ætlar þú að kveikja á perunni með skrifræðisbáknið ESB? Skrifræðið býr ekki til verðmæti og er bara baggi á atvinnulífinu.

[Sleggjan og Hvellurinn, 2.6.2013 kl. 23:41]

Það er ekki hægt að breyta lögum afturvirkt. Bankar hefðu aldrei lánað 80-100% lán ef það væri hægt að skila lyklunum.

Svo er það ekki hagur almennings að íbúaverð hér hríðlækkar. Þá mun eigiðfé okkar almennings hverfa.

Auk þess eru bankar ekki með margar íbúðir á sínu eignarsafni.... ekki nærri eins margar og íbúðarlánasjóður.

Bankar eru mjög duglegir að færa niður eigarnverð. þeir hafa þegar gjaldfært mögulegt tap fyrir gengislánadómana.... enda gera þeir upp samkvæmt IFRS.... annað en Íbúðarlánasjóður. Ég mundi gruna að þar leinist skíturinn.

[Skúli Sigurðsson (IP-tala skráð) 3.6.2013 kl. 01:35]

Þetta er bara hreinlega rangt hjá þér aftur S&H.

Bankar og fjármálastofnanir í BNA lána og lánuðu 80-100% af fasteignaverði þrátt fyrir að þar væru og séu í gildi lyklalög.

Varðandi afturvirk lög....þá eru Árna Páls lögin svokölluðu gott dæmi um afturvirk lög.

Hins vegar eru íbúðalán til almennings í BNA og öðrum hluta hins siðmenntaða heims ekki verðtryggð og hækka því ekki stöðugt eins og hér.

OG NEI....BANKARNIR ERU EKKI BÚNIR AÐ ENDURÚTREIKNA HIN ÓLÖMGÆTU LÁN. Bankarnir eru búnir að reikna einhvern hluta af hinum ólögmætu lánum en ekki öll.

[Sleggjan og Hvellurinn, 3.6.2013 kl. 08:22]

Skúli

Bankar hafa endurreiknað öll gengislánin og miðuðu við lægst vexti Seðlabankans samkvæmt svokölluðum Árna Páls lögum.

Þegar þeir voru búnir að endurreikna öll lánin með tilheyrandi kostnaði þá kom annar hæstaréttardómur í febrúar 2012 og dæmdi þessi Árna Páls lög ólögleg. Með öðrum orðum þá var öll vinna bankana við að endurreikna lánin til einskis.

Nú vilja bankarnir bíða eftir hæstaréttarniðurstöðum sem eru óvéferngjanleg... því bankastarfsmenn hafa eitthvað annað að gera en að endurreikna lán alla daga. Þeir eru að bíða eftir dómsfordæmi... svo þeir séu ekki að reikna útí loftið aftur. Þeir hafa þegar brennt sig á því eftir Árna Páls lögunum. 

[Gunnar Heiðarsson, 3.6.2013 kl. 08:52]

Það vellur alveg vísdómurinn frá ykkur, S&H.

[Sleggjan og Hvellurinn, 3.6.2013 kl. 09:41]

Er þetta ekki staðreynd eða?

Samstarfi lánveitenda og fulltrúa lántakenda um úrvinnslu gengistryggðra lána lokið

•          Búið er að velja ellefu prófmál þar sem mun reyna á tuttugu álitaefni sem þarf að fá úr skorið fyrir dómstólum.
•          Af þessum málum tengjast sex lánum einstaklinga og fimm lánum lögaðila.
•          Þau mál sem ekki verða þingfest nú í júní verða þingfest strax að loknu réttarhléi.
•          Formlega hefur verið óskað eftir flýtimeðferð fyrir þessi mál hjá héraðsdómi Reykjavíkur.
•          Vonast er til að dómar verði uppkveðnir fyrir áramót.

http://www.ums.is/fraedsla-og-frettir/nr/358

hvernig finnst þér um það að hafa alltaf rangt fyrir þér?

[Skúli Sigurðsson (IP-tala skráð) 3.6.2013 kl. 09:59]

S&H af hverju ertu að ljúga því að bankar hafi endurútreiknað öll ólögmæt lán?

Ég get ekki séð að það fegri eitthvað stöðu bankanna, frekar að slík lygi staðfesti siðleysi þeirra.

[Sleggjan og Hvellurinn, 3.6.2013 kl. 10:39]

þeir hafa reiknað öll ólögleg lán

öll lán eru núna í ISK

En málið er að hæstiréttur hefur dæmt árnapáls lögin ólögleg og því þurfa bankar að reikna lánin aftur í annað skiptið.

Bankar hafa reiknað öll ólögleg .......  en málið er að bankar eiga eftir að reikna þau í annað skiptið.

Búið með 1.skiptið... eru að vinna í 2.skiptið.

það þarf fleiri dóma til að settla öll vafaatriði samanber linkinn hér að ofan.

þetta er á borði hæstaréttar einsog er.... bankarnir eru bara að bíða eftir dómstólnum.... það er óþarfi að lasta bankana fyrir þessa bið... frekar að lasta hægagang dómstóla. 

[Toni (IP-tala skráð) 3.6.2013 kl. 11:25]

Var að renna yfir athugasemdir við pistil síðuhaldara. Einhver sem kallar sig Sleggjan og Hvellurinn virðist halda að jafnharðan og dómar falla um ólögmæti lána endurreikni bankarnir og endurgreiði síðan viðskiptavininum. Þetta er nú ekki alveg framkvæmdin á þessu.

Bankarnir endurreikna fyrst megnið af þeim lánum sem ekki hefur verið borgað af og hefja síðan innheimtu þeirra. Þá er farið í að endurreikna þau lán sem borgað hefur verið af og þau leiðrétt. Síðan er farið í endurútreikning þeirra lána sem hafa verið greidd upp og bankarnir þurfa að endurgreiða að hluta.

Framkvæmdin á þessu hefur í grófum dráttum verið samkvæmt framangreindu og hefur endurútreikningur lána í síðasta flokkinum dregist fram úr hófi.

[Eyjólfur G Svavarsson, 3.6.2013 kl. 14:51]

Er þessi Hamar og Sleggja, eitthvað yfir annað fólk hafin, hann hunsar alla sem ekki eru með sömu skoðun og hann. Ég ætla að leifa mér að hafa þá skoðun að þetta sé siðleysi hjá bönunum, og ef við viðskiptavinirnir værum jafn siðlausir væri nú lítið um að vera í þjóðfélaginu !!!!!!!

[Sleggjan og Hvellurinn, 3.6.2013 kl. 17:31]

ég hunsa engin vel rökstutt rök byggt á staðreyndum.

En það er lítið um þau hér.

Sem dæmi... kommentið þitt eyjólfur.

annað en að "þér finnst" eitthvað ákveðið

[Skúli Sigurðsson (IP-tala skráð) 3.6.2013 kl. 17:39]

S&H!!!!

Ég veit um nokkuð mörg lán sem ekki hafa verið endurreiknuð.....en þú veist náttúrulega bara betur. Það skiptir engu þó að bankinn svari því að þetta verði bráðum reiknað og hafi svarað því í lengri tíma.

Gott að vita að þú vitir til þess að það sé búið að reikna þessi lán. Það væri kannski spurning um að fá þig til þess að ná í þessa útreikninga.....það virðist alla vega enginn annar geta fengið þá.

[Sleggjan og Hvellurinn, 3.6.2013 kl. 20:13]

Já það passar. Ég veit mun betur en þú um þetta.

Ég var að vinna við að endurreikna þessi lán eftir motormax dóminn.

Veit hvernig þetta virkar.

Ég nenn ekki að endurtaka mig... það er búið að reikna öll lán samkvæmt árna páls lögum (þegar miðað er við lægst vexti seðlabankans)

sá útreikningur var síðan dæmdur ólöglegur... og nú er verið að bíða eftir dómsmálum. Einsog ég linkaði hér að ofan.

[Skúli Sigurðsson (IP-tala skráð) 3.6.2013 kl. 21:27]

Nú skil ég......þú hefur greinilega ekki unnið vinnuna þína þar sem það er ekki ennþá búið að endurreikna öll láninn.

Ég verð líka að segja að miðað við skrif þín og sleggjudóma fyllir það mig ekki beinlínis trausti á þessum útreikningum.

[Sleggjan og Hvellurinn, 4.6.2013 kl. 08:48]

Einsog ég sagði hér fyrir ofan þá er verið að bíða eftir dómum frá Hæstarétti til að geta haldið áfram.

Er ég ekki að tala nógu skýrt?

Eða kýstu að heyra ekki?

[Skúli Sigurðsson (IP-tala skráð) 4.6.2013 kl. 10:38]

Þú ert alveg að tala nógu skýrt....þú ert bara að segja ósatt!

Það er ekkert búið að reikna öll lánin......sum lánin hafa aldrei verið endurreiknuð.

[Sleggjan og Hvellurinn, 4.6.2013 kl. 11:17]

Þau eru þá lögleg.

Mörg útflutningsfyrirtæki tóku erlend lán án gengistryggingar. 

Fengu greitt inná gjaldeyrisreikning.

Það er bara basic erlent lán. Ekkert ólöglegt við það.