Stæðsti ókosturinn

Rafbílar eiga enn langt í land með að leysa bíla með sprengihreyfil af. En sem borgarbílar er þetta vissulega góður kostur, þá sem aukabíll á heimili. En þá þarf pyngjan að vera nokkuð góð, því ekki eru þessir bílar gefins.

Í upptalningu fréttamanns um kosti og ókosti bílsins, gleymist þó að nefna eitt atriði, ending rafgeymisins. Þá er nánast horft framhjá þeim tíma sem tekur að hlaða geyminn, latið sem það sé hægt að gera að nóttu til.

Verði menn fyrir því að aka lengra en drægni rafgeymanna þolir, eru þeir stopp. Þetta getur auðvitað gerst hvar sem er og ekki víst að tengill sé í grend. Jafnvel þó svo sé, er ljóst að bílnum verður ekki ekið nærri strax, þar sem hleðslutími rafgeyma skiptir klukkustundum en ekki mínútum. Því verður fólk að skipuleggja sínar ferðir vel fyrirfram og passa að ferðin fari ekki yfir drægni rafgeymanna. Skipulagning hefur ekki alltaf verið sterkasta hlið Íslendinga. Þá gefur umboðið upp mun minni drægni vegna kaldara loftlags hér á landi. Hvenær prufuakstur fréttamanns var gerður kemur ekki fram, en ljóst er að það var ekki í frosti.Samt var drægnin einungis tveir þriðju af því sem framleiðandinn gefur upp. Hver er hún þegar frost er, þegar miðstöð er notuð af fullum krafti?

Um endingu rafgeyma er lítið talað, enda í sjálfu sér ekki komin reynsla á slíkt. Ljóst er að þessir geymar eru dýrir og því skiptir ending þeirra miklu máli. Sérfræðingar hafa nefnt eitt hundrað þúsund kílómetra sem hugsanlega endingu rafgeyma í rafbílum, við bestu aðstæður. Þeir taka þó fram að þetta sé algjörlega óþekkt stærð, þar til reynnslan skilar sinni niðurstöðu. Ending þesara geyma mun þó sannarlega verða mun styttri hér í kuldanum á Íslandi. Hvort sama hlutfall mun gilda þar og um drægni bílanna skal ósagt látið.

Hver sem ending þessara geyma er, þá þarf auðvitað að taka verð þeirra og deila með einhverri tölu kílómetra og leggja síðan þá tölu við þann kostnað sem kostar að aka bílnum.

Einn bílaframleiðandi gefur út að rafgeymir í bíl frá honum kosti $15.000 (1.800.000kr). Hann gefur einnig upp að talið sé að geymirinn muni endast í 100.000km. Þessi kostnaður er því um 18 kr/km, miðað við verð geymisins í framleiðsllandinu, en þá á eftir að flytja hann heim og auðvitað mun ríkið hirða sín gjöld. En höldum okkur við 18 krónurnar. Það gerir 1800 kr/100km. Þetta jafngildir rúmum 7 lítum af bensíni á hverja 100 ekna kílómetra. Þessi upphæð bætist við þann kostnað sem orkan sjálf kostar.

Það er ekki hægt að ræða um kostnað við akstur rafbíla nema taka allann kostnað inn í dæmið og þetta er einn af þeim liðum sem vissulega þarf að reikna með. Því ætti að koma fram í svona kynningu hvað rafgeymir í bílinn kostar og hver áætluð ending hans er.

 

Stökk inn í framtíðina

Athugasemdir

[Jóhann Elíasson, 2.9.2012 kl. 08:42]

Og því miður er þróunin á rafgeymunum svo stutt komin að  þeir duga aðeins í eitt og hálft ár. hámark tvö ár og kosta á bilinu eina komma fimm milljón til tvær (þarna vantar inn álögur ríkisins) svo sparnaðurinn yrði fljótur að fara.