Hvað með leið A1 ?

Leiðir D1 og H eru í raun utan raunveruleikans, sérstaklega leið D1. Báðar þessar leiðir gera ráð fyrir jarðgöngum og að auki mun leið D1 liggja yfir Ódrjúgsháls, en hann hefur og mun áfram verða farartálmi á vetrum.

Leið B1 hefur verið kastað út af borðinu af ósk fárra einstaklinga og með aðstoð Hæstaréttar og því stoðar lítt að tala meir um þá leið.

Þá er í raun einungis ein leið eftir; leið I. Eða er það svo? Hvað með leið A1?

Leið I liggur út Þorskafjörðinn að sunnanverðu og þverar þrjá firði með þrem brúm. Er allur á láglendi og því fýsilegur kostur. En leið A1, sem einnig liggur út Þorskafjörð að sunnanverðu þverar þann fjörð eftir að Djúpifjörður og Gufufjörður hafa sameinast honum. Þar þyrfti því einungis eina brú og leiðin mun styttast enn frekar. Þá hefur verið bennt á að sú lausn gæti leitt af sér virkjun fjarðarins og gefið þjóðarbúinu tekjur. Leið A1 er einnig allur á láglendi og ekki síðri kostur en leið I.

Tillögur vegagerðarinnar til mats ættu því að vera um leiðir I og A1. Hinum á að kasta til hliðar.

En vegagerðin hefur þegar gert upp hug sinn. Velja skal sísta kostinn, leið D1! Þetta hefur þegar komið fram í máli forsvarsmanna stofnunarinnar og því ljóst að teningnum hefur verið kastað. Boðað mat er einungis sjónarspil og ljóst að niðurstaðan hefur verið ákveðin. Leið D1 mun koma best út úr henni, þrátt fyrir jarðgöng og enn mun verða óþarfur farartálmi á þessari leið, farartálmi sem alger óþarfi er að hafa!

Hverjar ástæður þess eru að þessi stofnun skuli alltaf þurfa að vera í andstöðu við þá sem hún á að þjóna skal ósagt látið, en mýmörg dæmi er hægt að telja þar sem stofnunin fer algerlega fram í andstöðu við heimamenn og þá sem mestra hagsmuna eiga að gæta. Oftar en ekki hefur verið valinin dýrari kostur, þó allir skynsamir menn hafi bent á annan ódýrari.

Þetta hugarfar hjá ráðamönnum vegagerðarinnar er með öllu óskiljanlegt!!

 

Vilja hafa B-leið um Gufudalssveit með