Stimpillaust "iðnaðarsalt".

Lætin vegna hins svokallaða iðnaðarsalts eru mikil. Sumir fara hamförum í fjölmiðlum og fella sleggjudóma. 

En út á hvað gengur þetta mál? Að verið sé að dreifa hættulegu salti, jafnvel menguðu, á markað? Alls ekki. Þetta gengur út á að það salt sem um ræðir hefur ekki einhvern stimpil frá einhverju eftirlitsbákni. Þetta gengur fyrst og fremst út á formið, ekki efnið.

Það hefur komið fram að það iðnaðarsalt sem um ræðir hefur sama innihald og annað iðnaðarsalt sem notað er í matvælaiðnað. Og það er það sem þeir sem í þeim iðnaði skoða, hvert innihald saltsins er. Það er kannski ekki alltaf verið að leita einhvers viðurkenningastimpils á umbúðunum.

Auðvitað er það slæmt, þegar krafist er einhvers stimpils á vöru, ef hann er ekki til staðar, en ef varan er jafn góð að öðru leiti ætti enginn að óttast.

Formaður neytendasmtakana hefur komið í hverjum frétatímanum af öðrum og lýst áhyggjum sínum. Það er gott og vonandi að maðurinn haldi vöku sinni áfram, næg eru verkefnin fyrir hann. En hann verður þó að passa sig á að fara ekki offari og dæma ekki fyrr en staðreyndir liggja fyrir. 

Það er ljóst að þetta salt sem verið hefur á markaði hér er um 20% ódýrara en stimplað salt. Það er nokkuð hátt verð fyrir stimpilinn og það verð mun auðvitað lenda á neytendum.

Það upphlaup sem hér hefur orðið minnir nokkuð á ýmis fleiri sem orðið hafa á síðustu árum. Stundum af ástæðu en oftar sleggjudómar sem beinlínis hafa skaðað pesónur.  Má þar t.d. nefna díoxímálið á Ísafirði, þar sem bóndi var látinn farga skeppnum sínum og stuttu seinna lágu fyrir frekari rannsóknir sem sýndu að engin ástæða var til þess. Það leið hins vegar rúmlega hálft ár áður en þær niðurstöður voru byrtar og bóndanum gefið leifi til að halda áfram búskap. En það var of seint og nú sverja allir af sér mistökin en bóndinn ber skaðann.

Við skulum því anda rólega. Óstimplaða saltið er ekkert hættulegra en annað iðnarsalt. Það vantar einungis stimpil og hann er á umbúðunum, en þær eru ekki notaðar í matvæli!

 

Stofnanir deila um salt

Athugasemdir

[Guðmundur Ásgeirsson, 16.1.2012 kl. 09:11]

Umbúðirnar komast í snertingu við matvæli hjá framleiðandanum. Ásamt öllu sótinu sem hefur sest á þær eftir lestarferðir á leiðinni hingað. Ég hef unnið á svona vöru lager og kannast við aðstæðurnar. Ojbjakk.

[Gunnar Heiðarsson, 16.1.2012 kl. 10:19]

Ekki þekki ég hvort óstimplað iðnaðarsalt fær aðra flutningsmeðferð en stimplaða iðnaðarsaltið. Geri fastlega ráð fyrir að í báðum tilvikum sé pokunum raðað á bretti, plastað um það og síðan brettin sett í gám.

Hvort umbúðir komist í snertingu við matvæli veit ég heldur ekki, en sé þó lítinn mun á því hvort um umbúðir af salti er að ræða eða einhverju öðru. Ef matvælaframleiðendur ganga þannig um er spurning hvort þeir eigi að hafa starfsleyfi yfir höfuð, þar skiptir saltið engu sérstöku máli, eða umbúðir þess.