Orð og athafnir

Það er mikill munur á ályktunum og aðgerðum. Það sannast vel innan VG, þar sem ályktanir eru afgreiddar af færibandi en efndir og aðgerðir engar.

VG ályktar gegn inngöngu í ESB og staðfestir fyrri ályktanir og stefnu flokksins á því sviði. Samt var það VG sem gerði umsóknina mögulega, með því að svíkja kjósendur sína. Samt er formaður utanríkismálanefndar manna harðastur í að ganga erinda ESB á Íslandi.

VG samþykkir ályktun um að ekki sé hægt að skera meira niður í heilbrigðismálum. Samt liggur fyrir þinginu fjárlagafrumvarp frá formanni flokksins um enn frekari niðuskurð á því sviði!

VG samþykkti fyrir ári síðan að ráðherrar flokksins ættu ekki að sækja styrki til ESB. Samt eru ráðuneyti þau er VG stjórnar með stæðstu umsóknirnar í þessa styrki.

VG hefur marg oft samþykkt ályktanir um að standa skuli vörð um þá sem minnst mega sín, aldraða, sjúka og fatlaða. Samt hefur þessi flokkur komið verst fram við þessa hópa og því er ekki enn lokið, þar sem gert er ráð fyrir enn frekari skerðingu til þeirra í nýju fjárlagafrumvarpi formanns VG!

Orð og athafnir fara ekki alltaf saman, þó reyna flestir eftir megni að gera svo. Það á þó ekki við um VG. Þar virðast menn vaxa eftir því sem svikin verða stærri og meiri. Þar virðist sem ályktanir og athafnir séu algerlega tveir aðskildir hlutir.

Þeir sem haga sér með þeim hætti að segja eitt og gera annað, eru ekki menn orða sinna, þeir eru svikarar. Slíkir menn fá alltaf makleg málalok.

Það er alveg sama hversu margar og fallegar ályktanir VG samþykkir, meðan þeir ekki framkvæma svo mikið sem eina þeirra, er þetta bölvað bull í þeim. Þannig hefur það verið hingað til og þannig mun það verða, þar til þessu liði hefur verið komið frá völdum og hellst út úr sölum Alþingis!!

Orðalag vegna Nató mildað

Athugasemdir

[Ómar Gíslason, 30.10.2011 kl. 14:52]

Góður pistill Gunnar