Er ESB að valda styrjöld í Evrópu ?

Lygar og svik er grunnurinn undir ESB. Nú, þegar á reynir og erfiðleikarnir herja á, kemur þetta æ betur og betur í ljós.

Nú er ástandið orðið með þeim hætti að styrjöld milli þeirra ríkja sem sambandið mynda, gæti hæglega skollið á innan fárra vikna eða mánaða. Það er sorglegt, þar sem upphaflegi tilgangur kola og stálbandalagsins, forvera ESB, var að tengja lönd saman svo komast mætti hjá ófriði þeirra á milli. Það er fyrir nokkru sem þessu markmiði var kastað fyrir róða og hagsmunir embættismanna teknir fram yfir.

ESB er ekki lengur fyrir þegna Evrópu, það er fyrir lítinn hóp embættismanna, sem hafa komið því svo fyrir að völd þjóðþinga aðildarríkjanna eru engin, ef ekki er farið eftir vilja embættismannana er kosið aftur og aftur, uns "rétt" niðurstaða fæst. Þessi hópur embættismanna hefur einnig séð svo um að þeir hafi nóg að bíta og brenna, skammta sér laun upp á yfir 30 miljóna á ári auk hlunninda og stórann hluta þess skattfrjálst. Ekki hefur verið neinn samdráttur þar, þó erfiðleikar dynji á aðildarþjóðunum. Um síðustu ármót voru framlög til sambandsins aukin vegna rekstrar og launakostnaðar, að sjálfsögðu kom það í hlut aðildarríkjanna að greiða þann kostnað og að sjálfsögðu höfðu þau ekkert með þá ákvörðun að segja.

Í Grikklandi er nú nánast styrjaldarástand. Meðan þing landsins afgreiðir tilskipanir frá Brussel, mótmæla þegnar landsins á torgum. Þegar einn stjórnarþingmanna neitar að greiða kröfum ESB atkvæði, rekur Papandreuo hann úr flokknum. Þannig virkar lýðræðið innan ESB! 

Lygar og feluleikur eru einkunnarorð ESB, þar sem sannleikanum er haldið frá þegnunum og ríkisstjórnum og baktjaldamakk embættismanna ræður ríkjum. Finnar urðu að skuldbinda sig til að auka fjárframlög sín vegna björgunarsjóðs ESB. Þeim var ætlað að leggja til 14 milljarða evra til sjóðsins. Þessir 14 milljarðar eru orðnir að 28 milljörðum og þó er ekki enn búið að stækka þennan sjóð. Logið var að ríkisstjórn Finnlands og því laug hún að þingi lands síns. Þetta er hinn heilagi stjórnunarháttur ESB.

Meðan allt lék í lyndi gekk þetta upp, en nú þegar á bjátar opnast ormagryfjan.

Samfylkingin er eini stjórnmálaflokkur Íslands sem vill tengjast böndum við þetta andlýðræðislega samband og sá flokkur hefur innan við fjórðung landsmanna að baki sér. En innan Samfylkingar er beitt sömu meðulum og hjá ESB, lygum og svikum. Þeim er ekkert heilagt og telja sig vita mest og vita best. Stöð 2, sem er í eigu sama manns og sagður er eiga Samfylkinguna, stendur vel að baki henni og í sjálfu sér lítið hægt að segja um það. Sá fjölmiðill er frjáls og má því flytja platfréttir fyrir sína eigendur.

Það er alvarlegra að Ríkisútvarpið, sem er í eigu þjóðarinnar, skuli skipa sér á sess á hinu pólitíska sviði, það er alvarlegt þegar sá fjölmiðill tekur þátt í að byggja upp svikavefinn til að koma þjóðinni undir vald andlýðræðislegra erlendra afla!!

Ástandið í Evrópu er orðið alvarlegt, mun alvarlegra en tveir stæðstu fjölmiðlar landsins segja. Það er komið á nýtt stig, stig ofbeldis og örvæntingar. Ráðamenn ESB eru ekki lengur að leita leiða til að hjálpa Grikklandi, þeir hafa afskrifað það en vilja þó totta eins mikið þar út áður en fallöxin verður látin falla. Nú miðast allar aðgerðir ESB að því að bjarga bönkum evrulandanna. Þegnarnir og þjóðirnar eru aukaatriði.

Stríð í Evrópu er í hugum flestra fjarlægt, en það er þó nær en margur heldur. Þegar ráðherra í Póllandi gefur út í fjölmiðlum að réttast sé að sækja um grænakortið í USA, vegna þess að stríð sé yfirvofandi, ætti fólk að leggja við eyrun. Hvað gerist í Grikklandi á næstu vikum gæti orðið upphaf þessa stríðs. Þar mun verða upplausn þegar ESB fallöxin fellur og hvað út úr þeirri upplausn kemur gæti orðið óhugnanlegt.

Það er grátlegt ef það samband sem stofnað var til að vernda frið í álfunni, verður þess valdandi að stríð brýst út, allt vegna græðgi embættismanna!

Grátlegra er þó að til skuli vera fólk hér á landi sem vill undirgangast þetta andlýðræði og skirrist ekki við að beyta öllum tiltækum meðulum til þess!!

 

 

Athugasemdir

[Kristján B Kristinsson (IP-tala skráð) 21.10.2011 kl. 11:28]

Er þetta ekki nákvæmlega það sama og þegar Títo réði Júgoslavíu þá voru allrir látnir sitja og standa saman, þegar Títos naut ekki lengur við til að halda öllu saman með aga þá var heldur betur grunnt á því góða milli Serba og Króata eins og allir vita, gerist ekki það sama í EB þegar blekkingarnar verða lýðum ljósar?

[Haraldur Hansson, 21.10.2011 kl. 12:30]

Þegar þrengt er að lýðræðinu byrjar samfélaginu að hnigna. Ef lýðræðinu er úthýst eykst hættan á átökum. Á meðan ESB heldur áfram að þrengja æ meir að lýðræðinu fer átakahættan vaxandi. Kannski ekki á stríði í sinni ljótustu mynd, en átök samt.

[Kristján B Kristinsson (IP-tala skráð) 21.10.2011 kl. 16:23]

Já Haraldur það er aldrei að vita hvers konar átök geta brotist út alvarlegustu átökin eru náttúrulega styrjaldir en td skæruhernaður getur verið alvarlegur og illviðráðanlegur en öll átök bera að sama brunni oftast eru það óbreyttir saklausir borgarar sem verða fyrir barðinu á þeim.