Skaðleysissamningar, mat og staðreyndir

Menn fara mikinn nú í undanfara kosninga um lög þau er veita fjármálaráðherra heimild til að framfylgja þeim "skaðleysissamningum" sem gerðir voru vegna meintrar skuldar okkar við Breta og Hollendinga.

Fólk skiptist með og móti þessum lögum. Haldið er uppi miklum málflutningi á báða bóga, menn eru stóryrtir og tefla fram "rökum".

Megnið af umræðunni byggist á mati, jafnvel ísköldu mati. Mat er í eðli sínu persónulegt og sér hver það sem hann vill. Því sjá þeir sem á móti eru allt það sem neikvætt er, en þeir sem vilja samþykkja sjá einungis það jákvæða.

En málið er ekki svona flókið. Það eru til staðreyndir, bæði í samningnum sjálfum og framkvæmd hans. Það er til dæmis staðreynd að ríkissjóður verður að reiða fram 26 miljarða króna strax fyrsta virka dag eftir að lögin hafa verið samþykkt. Það er einnig staðreynd að ekki verður hægt að greiða fyrstu greiðslu af höfuðstól á réttum tíma, þó sumir JÁ menn hafi haldið því fram að hægt væri að lækka greiðslubyrgðina með því að byrja að greiða fyrr en samningur segir til um.

Það er staðreind að þessir svokölluðu "skaðleysissamningar" verja eingöngu skaðleysi Breta og Hollendinga, það kemur skýrt fram í samningnum og þarf ekkert "mat" til að sjá það.

Staðreyndirnar eru fleiri, eins og þessar tvær greinar sýna: (undirstrikanir GH)

Grein 10.3    ....... Hver þau réttindi eða heimild sem breska fjármálaráðuneytið kann að beita, eða ákvörðun sem það kann að taka skv. samningi þessum (þ.m.t. hvers kyns ráðstöfun, mál eða atriði sem ráðuneytið samþykkir, tilgreinir, ákvarðar, ákveður og tilkynnir Tryggingarsjóði eða íslenska ríkinu) er breska fjármálaráðuneytinu heimilt að beita eða grípa til alfarið og hindrunarlaust eftir eigin mati á hverjum tíma, án þess að krafist verði rökstuðnings.

Grein 10.9     SAMNINGUR ÞESSI OG MÁL, KRÖFUR EÐA ÁGREININGUR SEM RÍS VEGNA HANS EÐA Í TENGSLUM VIÐ HANN, HVORT HELDUR ER INNAN EÐA UTAN SAMNINGA, SKAL LÚTA ENSKUM LÖGUM OG TÚLKAST SKV. ÞEIM.

Eins og sjá má er grein 10.9 rituð með hástöfum, svo er einnig í samningunum sjálfum svo ljóst er að Bretar og Hollendingar leggja mikla áherslu á þá grein, enda ekki annað að sjá en hún muni veita þessum þjóðum vald yfir okkur langt út fyrir samninginn!

Þessar tvær greinar eru úr breska samningnum en sá hollenski er samsvarandi. Þær sýna vel hugann að baki samningnum og hvar skaðleysið liggur. Það er alla vega ekki okkar meginn.

Þegar samningarnir eru lesnir sést að rauði þráðurinn í gengnum þá er á þennan veg. Það er staðreynd, ekki mat.

Ég verð að viðurkenna að ég varð að lesa grein 10.3 yfir aftur, ég trúði ekki því sem ég sá. Grein 10.9 hafði hins vegar verið opinberuð og kom ekki á óvart.

Eftir lestur samningana var ekki lengur neinn efi í mínum huga, ég fór til sýslumanns og setti X fyrir framan NEI.

Menn geta vellt fyrir sér og metið hin ýmsu atriði sem hafa áhrif á þessa samninga, en hvers vegna að vera að eyða tíma í það þegar samningurinn sjálfur er ekki samningur, heldur einhliða plagg til þess gert að standa allann vörð annars aðilans og jafnvel meira en það. Svona í anda þess þegar nýlenduveldin héldu nýlendum sínum í heljargreipum og sögðu þeim fyrir verkum.

Meira þarf ekki til að hafna þessum lögum!!

 

Athugasemdir

[Jón Sveinsson, 5.4.2011 kl. 13:00]

Verslings fólkið sem hefur nítt sér utankjörstaðaratkvæði sitt af því að það vill losna við þessa nauð þó þetta hafi verið í umræðunni áður virðis fólk vera blint á sína  alþingismenn sem ég tel og ættu þau öll að sega af sér hið snarasta sem sagt alþingismenn og ráðherrar

SVO ALLIR AÐ MUNA AÐ SEGA NEI ÞANN 9.