Fljót að dæma

Þeir sem stjórnarþingmenn sem tjáð sig hafa um umsókn þessa hóps um íslenskt ríkisfang eru fljótir að dæma.

Á alþingi segir Jóhanna að aðhenni setti ugg, samt segist hún ekki hafa skoðað málið. Hefði ekki verið nóg hjá henni að segja einaldlega að hún ætti eftir að kynna sér þetta og myndi ekki tjá sig um það fyrr en að því loknu. Var nauðsynlegt hjá henni að gefa skýn að henni hugnaðist þetta ekki, án þess þó að vita um hvað málið fjallaði?

Og var nauðsynlegt fyrir innanríkisráðherra að segja að hann væri á móti því að þessir menn fengju íslenskan ríkisborgararétt, þegar hann á eftir að kynna sér málið betur?

Það hlýtur að vera frumskylda ráðherra að tjá sig ekki um málefni fyrr en þeir hafa kynnt sér alla málavexti. Þá eiga þeir að koma með yfirlýsingar sem þeir geta staðið á, ekki fyrr.

Nú þekki ég þetta mál ekkert, hvorki hvort þarna sé um einhvern hag fyrir ríkið að ræða eða hvort þarna séu loddarar á ferð. Því tjái ég mig ekki um málið sem slíkt.

En ráðherrar verða að vera vandir að virðingu sinni. Það gera þeir ekki með ótímabærum yfirlýsingum um málefni sem þeir hafa ekki kynnt sér, en eiga eftir síðar meir að taka afstöðu til.

Ef það er hins vegar skoðun ráðherra að engar undanþágur eigi að veita í sambandi við veitingu ríkisborgararétt, eiga þeir einfaldlega að segja það og slá málið með þeim rökum strax út af borðinu og standa síðan við þá ákvörðun, sama hver á í hlut. Að fara í kringum hlutina eins og heitann graut, gefa í skyn að eftir sé að skoða málið en segja um leið að þeim hugnist það ekki, er hins vegar merki um getuleysi og aumingjaskap.

Það er svo sem í stíl við annað hjá þessari ríkisstjórn.

 

Umsóknirnar vekja ugg

Athugasemdir

[Björn (IP-tala skráð) 31.3.2011 kl. 11:53]

Það setur að mér ugg á hverjum degi að vita til þess að þetta lið ætlar að sitja og "stjórna" landinu einn dag í viðbót.

Það er alveg augljóst að það er ekki allt í lagi í heilabúinu á sumum þarna.

[Sigurður Haraldsson, 31.3.2011 kl. 12:07]

Sælir við verðum að passa okkur það er skítalykt af þessu máli!

[Óskar Guðmundsson (IP-tala skráð) 31.3.2011 kl. 13:16]

Það er ekki svo mikil skítalykt af málinu að það yfirgnæfi fnykinn af rotnandi hræi ríkisstjórnarinnar...

[Kristinn Karl Brynjarsson, 31.3.2011 kl. 13:22]

,,Hópurinn er undir forystu bandarísks lögfræðings, David Lesperance, sem sérhæfir sig í að finna leiðir fyrir fjárfesta að greiða sem minnstan skatt af tekjum sínum, útvega þeim vegabréf frá fleiri en einu landi og útvega þeim ríkisborgararétt og dvalarréttindi í nokkrum löndum, sem skapar lagaflækju komi til málshöfðana.  Lesperance er vel þekktur í fjármálaheiminum fyrir óhefðbundnar aðferðir til að tryggja viðskiptavinum sínum greiðari aðgang að auðæfum þeirra, minnka skattgreiðslur og tryggja þeim vegabréf frá fjölmörgum löndum."

 Textinn hér að ofan er fenginn af pressan.is.  

Ég veit ekki með aðra, en mér finnst þetta í rauninni vera á pari við hina íslensku útrásarsnilld, sem að brotlenti hér með miklum hvelli, haustið 2008.

 Í stað þess að ,,flækja" málin með mismundandi ríkisföngum og dvalarleyfum, þá flæktu ,,útrásarsnillingarnir" þau með ófáum dótturfélögum og eignarhaldsfélögum.

[Gunnar Heiðarsson, 31.3.2011 kl. 14:33]

Það er ljóst að þessir menn sjá sér einhven hag í því að fá íslenskt ríkisfang, annrs væri þeir ekki að leita eftir því.

Það er einnig ljóst að þeir segjast vilja fjárfesta hér á landi.

Svo er spurning hvort það sé siðferðislega rétt að menn geti keypt sér ríkisborgararétt, hvort sem er hér á landi eða annarsstaðar.

Ég var í raun ekki að fjalla um þetta mál í bloggi mínu, heldur viðbrögð stjórnarþigmanna og ráðherra. Ég var að gagnrýna það að þeir skuli mynda sér skoðun og gefa hana út opinberlega áður en þeir kynna sér alla málavexti. Þegar upp kemur mál þar sem staðreyndir liggja ekki á borðinu og stjórnvöld þurfa að afgreiða, eiga þau ekki að tjá sig fyrr en ákvörðun hefur verið tekin og standa síðan á þeirri ákvörðun.

Það getur meir en verið að þegar þetta mál verði skoðað nánar komi í ljós að þetta sé ekkert til að sækjast eftir. Það getur meir en verið að í ljós komi að þetta séu loddarar sem enginn hagur er fyrir okkur að fá. Þá eigum við að svara þeim samkvæmt því.

Þar til að málið hefur verið skoðað eiga ráðamenn að tjá sig sem minnst um það. Við bloggarar getum sagt og skrifað það sem við viljum, enda munum við ekki verða ráðandi í þessari ákvörðunartöku, hvorki með né á móti.