Stór hættuleg forræðishyggja !!

Forræðishyggja hefur ætíð verið ær og kýr vinstrimanna, nú á að bæta um betur. Banna nagladekk!

Nær væri að banna saltnotkun á götur og lögleiða nagladekkin!! Það er saltið sem leysir upp bikið og auðveldar nöglum að éta það upp!! Það er saltið sem eyðileggur malbikið, ekki naglarnir.

Samkvæmt hugmyndum forræðishyggjuaflanna á að fela sveitafélögum það vald hvort nagladekk verði leifð innan marka hvers sveitafélags. Hvernig á að haga eftirliti? Meiga þá þeir sem búa í sveitafélagi sem leifir notkun slíkra dekkja ekki komi inn í þau sveitafélög sem slíkt banna?

Bullið og vitleysan nær háum hæðum í þessu rugli. Jafnvel í Reykjavíkurhrepp, sem duglegastur hefur verið við pæklun á bílum íbúanna, getur ekki séð svo um að allar götur séu saltaðar. Auk þess virðist hafa verið tekin upp sú stefna að salta ekki fyrr en umferð er hafin á morgnanna, væntanlega til að spara. Útkoman er sú að alda umferðaslysa verða hvern morgun sem hált er. Kostnaðurinn lendir svo á bileigendum og tryggingafélögum, sem aftur ná því af bíleigendum!! Sá kostnaður er mun meiri eftir hvern vetur, en kostnaður við að laga göturnar, en hann lendir að vísu ekki á sömu aðilum.

Forsenda þess að sveitafélag geti bannað eða lagt toll á þá sem vilja nota nagladekk er að viðkomandi sveitafélag sjái til þess að ALLAR götu séu hálkueyddar áður en umferð hefst á morgnanna. Hætt er við að sá aukni kostnaður verði Reykjavíkurhrepp ofviða.

Eftir stendur spurningin um hina sem koma annars staðar frá, frá stöðum sem heimila notkun nagladekkja.

Reyndar verður framkvæmd þessa sú að öll sveitafélög landsins munu að sjálf sögðu innheimta þetta gjald, óháð því hvort þau pækli bíla íbúanna eða ekki. Því er þetta í raun enn einn skatturinn, þeir sem vilja vera öruggir í umferðinni munu verða skattlagðir fyrir það eitt að notast við bestu mögulegu öryggistæki sem völ er á í hálku!!

Menn hafa haldið því fram að önnur og berti lausn sé til. Það er ekkert sem nær nagladekkjum í öryggi. Menn benda á ýmsar rannsóknir um að loftbóludekk og harðkornadekk séu jafn góð og nagladekk, jafnvel betri. Allar þær tilraunir eru gerðar á nýjum dekkjum, jafnvel er hægt að sýna fram á að ný sumardekk hafi ágætis grip í hálku. Staðreyndi er sú að dekkin eru bara ný fyrst, síðan eldast þau og þeir sem aka á pækluðum götum fá tjöru á dekkin. Þá verða þau hál og stór hættuleg.

Ég hef prufað þetta, þegar mestur áróður var fyrir loftbóludekkjum keypti ég slík dekk undir minn bíl. Þau virkuðu vel og ég var ánægður þar til ég átti leið í höfuðstaðinn. Eftir það voru þau litlu betri en sumardekk, vil ég kenna tjörunni um. Dekkin voru þrifin en allt kom fyrir ekki, eftir þetta voru dekkin handónýt í hálku.

Harðkornadekkin komu heldur betur út, en samt voru þau engan veginn viðunnandi eftir ferð í höfuðstaðinn, saltpækilinn. Það er heldur ekkert sem segir að harðkornadekk éti ekki upp saltpæklað bikið!!

Staðreyndin er að nagladekk koma næst á eftir keðjum. Um þetta verður varla deilt, jafnvel þó menn bendi á einhverjar ófullkomnar tilraunir sem gerðar eru með nýjum dekkjum, oftast af söluaðilum dekkjanna!

Því er þessi foræðishyggja stór hættuleg. Það er eitthvað stórkostlegt að í haus þeirra sem gera slíkt!! Næst verða mannbroddar væntanlega skattlagðir!!

Því á að banna notkun salts við hálkueyðingu, það minnkar upplausn malbiksins og minnkar stórkostlega ryðmyndun í bílum og eykur endingu þeirra.

Það á að lögleiða nagladekk, það eykur öryggi í umferðinni!!

Það má ekki ske að fjárhagslegir hagsmunir einstakra sveitafélaga sé tekinn fram yfir öryggi!! Að peningar séu öryggi borgaranna sterkari!!

 

Hlynntur gjaldtöku á notkun nagladekkja