Enn sama ruglið í gangi !!

Verðmat samninganefndarinnar er mun hærra en mat skilanefndar á eigum gamla Landsbankans.

Til að markmið samninganefndarinnar náist má verðmæti þessara eigna ekki minnka neitt.

Ekki er hægt að segja að grunnurinn undir samningnum sé traustur. Sá kostanaður sem samninganefndin og stjórnvöld halda á lofti, vegna samningsins er 50 miljarðar. Þetta er lágmarkskostnaður. Hann getur hæglega orðið mun meiri, en ekki má tala um það.

Það er ekki hægt að taka lægsta hugsanlegan kostnað og fullyrða að um hann hafi verið samið. Vissulega er möguleiki á að svo verði raunin, en líkurnar á að hann muni verða mun hærri eru þó meiri, sérstaklega ef samninganefndin er að nota einhverjar ímyndað mat á eignunum og forsendur gera ráð fyrir að miðað við það mat meigi verðmætið alls ekki verða minna.

Þarna er í raun verið að segja að forsendurnar geti nánast ekki staðist, allt verði að ganga upp, líka að verðmætin séu meiri en skilanefnd telur.

Hvers konar rugl er eiginlega í gangi? Hvers vegna er ekki hægt að segja hlutina eins og þeir eru?

Eðlilegast væri að kynnt sé hver kostnaðurinn geti hugsanlega orðið minnstur og mestur, hvar á því bili mestar líkur séu á að hann verði miðað við ýmsar forsendur. Til dæmis hvar við stöndum ef evran hrynur og verðmæti gamla Landsbankans í kjölfarið.

Næstu ár, til 2016, verða erfið vegna þessa samnings. Það er þó varla fyrr en þá sem í ljós kemur hvort við verðum að greiða 5% af tekjum ríkisins næstu 30 ár þar á eftir, þó aldrei minna en sem nemur 1,3% af VLF á ári. Það sér hver heilvita maður að slíkur kostnaður mun setja landið beina leið á hausinn.

Nú reynir virkilega á stjórnarandstöðuna. Það verður hún sem þarf að taka á þessum vanda og stjórna landinu með slíkum kvöðum. Núverandi stjórn verður löngu fallin árið 2016, fallin í aldana skaut og kemur aldrei aftur.

Þetta er í raun ekki lengur spurningin hvort við viljum borga eða ekki. Enda hefur einginn haldð öðru fram en að EF okkur ber skylda til að greiða þetta, þá ættum við að gera það.

Spurningin er fyrst og fremst hvort við séum tilúin að samþykkja kröfu á hendur okkur án lögfræðilegrar staðfestingar eða hvort við ætlum að láta sker úr um þetta mál fyrir dómi.

Ísland mun aldrei geta greitt þessa skuld, hvort heldur er samkvæmt þessum samningi eða þó við myndum tapa málinu fyrir dómi.

Því er eina von okkar til að komast út úr vandanum að láta á það reyna hvort lögin séu okkar megin. Ef svo er þurfum við ekki að greiða, ef svo er ekki fer landið á hausinn. Hjá því verður ekki komist.

Þó að stórglæpamennirnir sem komu okkur á kaldann klakann geti beytt "Brim-froðu" aðferðinni á sínar skuldir er ekki um það að ræða í þessu tilviki. Við verðum að fá úr þessu máli skorið fyrir dómi!!

Því fyrr, því betra!!

 

Bjartsýnni um 20 milljarða

Athugasemdir

[Benedikta E, 11.12.2010 kl. 16:22]

Góður pistill hjá þér Gunnar. Það er landráð að ætla að troða þriðja Æsseif blekkingargjörningnum upp á þjóðina með kúgun og valdníðslu - sem í ofan á lag er fordæmisgefandi það á ekki að líta fram hjá því. - Telji Bretar og Hollendingar sig hafa lögvarða kröfu á íslensku þjóðina í þessu Æsseif máli þá fara þeir bara í dómsmál.Í Æsseif 3 eigum við að borga öll útgjöld Breta og Hollendinga alla upphæðina til áhættufíklanna sem keyptu í Æsseif pýramídanum ekki bara tryggingarsjóðs upphæðina - svo er fullt af öðrum fátæktargildrum - NEI - og aftur - NEI - þessu verður hafnað - annað er brjálæði - Burt með Jóhönnu og hennar landráða hyski - STRAX -

[Kolbrún Hilmars, 11.12.2010 kl. 16:33]

Sammála þér Gunnar. Ég komst að sömu niðurstöðu og þú.

[itg (IP-tala skráð) 11.12.2010 kl. 16:47]

Gunnar er þetta ekki innann við 20% af endurheimtum...sem er alment viðmið í svona málum??