Það er nokkuð seint að setja bleyju á barnið eftir að það hefur gert í buxurnar!!

Stjórn Vinstri Grænna í Reyjavík álykta. Það er svo sem ágætt, en hvers vegna að álykta um gjörðir eigin flokks? Væri ekki nær fyrir þá að reyna að fá forustu flokksins frekar til að vinna, ef það ekki gengur þá setja hana af?!

Stjórn VGR hefur áhyggjur af stöðu heimilanna, merkilegt!! Stjórn VGR segist standa með almenning í landinu gegn auðstéttinni. Stjórn VGR telur ófært að hér sé rekin stefna AGS.

Veit stjórn VGR ekki að fjármálaráðherra landsins er þeirra eigin formaður? Veit stjórn VGR ekki að í landinu er "tær vinstri stjórn".

Svona loddaraskapur sem ályktun VGR felur í sér, er ekki til annars en að æsa fólk enn meira og má nú varla við því. Svona loddaraskapur er frekar holhljóma og varla marktækur, enda hefur formaður flokks þessa fólks haft eitt og hálft ár til að laga hlutina. Þennan tíma hefur hann hins vegar notað til að svíkja kjósendur sína, svíkja þjóðina og nornaveiða. Niðurstaðan er enn stærri vandi, vandi sem mun verða næsta óyfirstíganlegur innan skamms tíma. Formaður VG hefur gert upp á bak!!

Það verður ekki annað túlkað af þessari ályktun en að nú þegar sé búið að taka ákvörðun um stjórnarslit og stjórn VGR sé að undirbúa jarðveginn fyrir kosningar, búa til nýjan lygavef til að veiða kjósendur í!!

 

Stjórnvöld gangi harðar fram