Skítt með fókið í landinu!

Forgangsröðun stjórnarinnar er út í hött!!

Nú þegar kreppan er að leggjast á fullu á landsmenn reynir stjórnin, eða heldur hluti hennar, að keyra í gegn mál sem litlu eða engu skipta gegn kreppunni.

Verið er að dæla fjármagni í ESB umsókn, þó svo stór meirihluti þjóðarinnar sé á móti slíku.

Stjórnlagaþing er svo sem þarft, en það eitthvað sem hægt er að geima, okkur liggur ekkert á þar auk þess sem þeim fjármunum sem í það fer er betur veitt annað.

Sameining ráðuneyta er mjög umdeild, ljóst er þó að fækka má ráðherrum. Slík breyting mun væntanlega leiða til sparnaðar þegar til lengri tíma er litið en ljóst er að töluverður kostnaður verður við framkvmd sameiningar. Hvar á að taka peninga til þess?  Meiru máli skiptir þó að vel og fagmannlega sé að slíkri sameiningu staðið, svo hefur ekki verið. Fyrir það fyrsta á að setja saman ráðuneyti landbúnaðar- sjávarútvegs- og iðnaðar.

Landbúnaðar og sjávarútvegsráðuneytin eru að mörgu ólík, sú reynsla sem af sameiningu þeirra er, hefur ekki enn skilað neinum hagnaði fyrir ríkissjóð en hefur hinsvegar leitt til mun þyngri stjórnsýslu og meira bákns sem aftur kemur þeim sem nýta þurfa þjónustu þeirra til hins verra. Þó eiga þessi tvö ráðuneyti margt sameiginlegt.

Iðnaðarráðuneyti á hinsvegar ekkert sameiginlegt með hinum tveimur, nema að vera á sviði atvinnu. Að setja það saman við hin tvö er álíka gáfulegt og setja saman ASI og SA, þau samtök eru jú bæði tengd atvinnu.

Þegar stjórnvöld eiga að vera að ræða vanda heimilanna og lausnir fyrir þau, er tíma þingsins sóað í vitleysu. Öll mál sem ekki bráð liggur á að afgreiða á að taka af dagskrá þingsins strax og fresta fram á haust.

Á dagskrá þingsins nú eiga eingöngu að vera mál sem eru til hjálpar heimilum landsins, þar með talið hvernig hjólum atvinnulífsins verður komið af stað. Besta hjálpin er að fólki verði gert kleyft að hjálpa sér sjálft. Sú heimska að halda að hærri skattar og frekari ríkisaðstoð til fólks skili árangri er ótrúleg. Fólk vill fá vinnu. Fólk vill standa við sínar skuldbindingar. Fólk vill ekki þiggja ölmusur. Fólk vill ekki greiða stökkbreytta hækkun lána.

Þingið á ekki og má ekki fara í sumarfrí fyrr en það hefur komið raunhæfum lausnum til hjálpar heimilum í gegn um þingið !! Tími smáskammtalækninga á að vera liðinn.

Það mætti halda að Jóhanna sé loks búin að átta sig á að líf stjórnarinar er á þrotum og mun sennilega ekki endast fram yfir sumarfrí. Hún ætli sér að koma eins miklu af sínum persónulegu áhugamálum í gegn áður en þing fer í frí, skítt með fólkið í landinu!!

 

Frumvarp um breytingar á ráðuneytum lagt fram