Ja hérna, hvernig endar þetta?

Hverjar eru forsemdurnar? Hvers vegna spyr fréttamaðurinn ekki að því?

Ekki er það vegna hækkana erlendis, heimsmarkaðsverð hefur farið lækkandi undanfarið. Ekki er það vegna gengisþróunnar, gengi krónunar hefur verið að styrkjast.

Í lok fréttarinnar er talað um að hlutur ríkisins sé nú um 100 - 110 krónur á líterinn. Er einhver breyting þar? Er ríkið að hækka sínar álögur? Það kemur ekki fram, ef svo er ekki þá eru olíufélögin að taka þessa hækkun í sinn vasa.

 

Olís hækkar eldsneytisverð

Athugasemdir

[Einar (IP-tala skráð) 18.3.2010 kl. 14:37]

Þetta endar þannig að ég legg bílnum og nota hjólið í allar mínar ferðir. Spara pening og bæti heilsu.

Þetta bensínokur er það besta sem hefur gerst :)

[Kristvin Guðmundsson, 18.3.2010 kl. 14:53]

Þetta er bara en ein endaþjöppun núverandi ríkisstjórnar og olíufélganna.

[Edda Björk Ármannsdóttir (IP-tala skráð) 18.3.2010 kl. 15:07]

Ég seldi drusluna fyrir tæpu ári. Hef farið með strætó síðan og á alltaf afgang um hver mánaðarmót. Hef lét um 20 kg. Mæli með þessari aðferð.

[Maggi (IP-tala skráð) 18.3.2010 kl. 15:20]

Ég var að koma frá Kanari þar er líterinn á bensíni 0,86 € um 148 kr á dælu?????

[J.M (IP-tala skráð) 18.3.2010 kl. 15:36]

Flott hjá þér Maggi.

1L í UK kostar 222kr

[Sigurveig Eysteins, 18.3.2010 kl. 16:45]

Málið er að það mótmælir engin, og þessi olíumafía kemst upp með hvað sem er, það er gott og blessað að selja bílinn og fá sér hjól, það eru bara ekki allir sem geta það. það þarf að mótmæla þessu, t.d. með að hætta að versla smávöru á bensínstöðum, leggja bílum fyrir framan olíustöðvar, og leggjast á flautuna, hætta að kaupa bensín hjá stærstu olíufélögunum, það virkaði síðast.

[Gunnar Heiðarsson, 18.3.2010 kl. 17:09]

Nú er það svo að margir búa annarstaðar en á Reykjavíkur svæðinu. Þetta fólk á því ekki kost á að ferðast með strætó. Vegalengdir eru líka þannig að ekki er hægt að hjóla, jafnvel þó manni veitti ekki af.

Sjálfur þarf ég að fara tæpa 40 km í vinnu, verð að skaffa bíl og bensín.

Það er ekkert sem ég get gert annað en að nöldra yfir þessu. Það yrði sennilega svolítið hjáróma mótmæli ef ég færi að flauta við bensínstöðina, og færi síðan út til að dæla á bílinn. 

Því miður er margt fólk sem er ver statt en ég, lengra til vinnu og allrar þjónustu.

[Sigurveig Eysteins, 18.3.2010 kl. 18:00]

Ég skrifaði við olíustöðvar, þar á ég við höfuðstöðvar olíufélaganna t.d úti á Granda, og það væri vonlaust að þú færir ein að mótmæla, það verða að vera margir sem taka sig saman og fara á staðinn, og að lokum þá er ég ein að þessum sem þarf að fara langar leiðir á hverjum degi og það er vonlaust fyrir mig að notast við strætó, tæki 4. strætisvagna og ferðalag í þeim og bið upp í 5. tíma á dag.

[Aron (IP-tala skráð) 19.3.2010 kl. 20:21]

Hvenær ætlar fólk að átta sig á að bensín er að hækka um allann heim um þessar mundir. Allt tal um hversu mikið þetta og hitt kostar í íslenskum krónum er ekkert að marka, þegar um er að ræða jafn lítíls virtann gjaldmiðil. Það er einfaldlega erfit að búa á Íslandi núna og það verður mikið verra áður enn það batnar.