Gagnsæi hvað?

Bíðum nú aðeins, er þetta ekki sá maður sem talaði mest um gagnsæi fyrir síðustu kosningar. Fékk ekki flokkur hans met fylgi þá.

Það getur vissulega verið að í samningaferli séu viðkvæmar upplýsingar sem er æskilegt er að halda til baka, í stuttan tíma, þá eiga þeir menn sem þær upplýsingar hafa að hafa vit á að halda þeim fyrir sig. Ég fæ ekki séð að neinar þær upplýsingar sem fram komi í þessari frétt séu þess eðlis.

Bað RÚV að birta ekki fréttina

Athugasemdir

[Jón Ingi Cæsarsson, 12.2.2010 kl. 08:04]

Gengsæi er ekki að flytja rangar fréttir...

en sjáum hvað setur.. hlýtur að koma í ljós þegar viðræður hefjast.

[Baldur Sigurðarson, 12.2.2010 kl. 08:20]

Færð þú ekki séð? Það er meira gagnsæi núna í pólitík en hefur verið á Íslandinu góða um árabil.

Það kemur hvergi fram að Steingrímur hafi verið að æla þessum upplýsingum í fréttastofuna. Þetta eru eftir því sem ég kemst næst upplýsingar sem fréttastofan hafði fengið og Steingrímur var spurður út í þær. Hann sagði að þetta væri ekki alskostar rétt þó þær væru ekki alrangar heldur.

Það er ágætt að þetta skyldi koma upp að því leyti að nú veit Steingrímur, og alþjóð að fréttastofu RUV er ekki treystandi. Það er lágmark að mínu mati að fréttastofan bíði með að birta fréttir sem þessar, því almannaheill er lagður að veði og ef þetta skaðar samningaferlið ber RUV mikla ábyrgð þar á.

Ég held að blaðamönnum muni ganga ver hér eftir að fá upplýsingar hjá ráðamönnum, og það er líka slæmt, en engu að síður, þeim sjálfum að kenna.

[Gulli (IP-tala skráð) 12.2.2010 kl. 08:30]

Baldur var það nú ekki stór hluti vandamálsins áður að fjölmiðlarnir "biðu með fréttir"?

Þó verð ég nú að vera sammála þér um að í svona málum getur það verið bráðnauðsynlegt og Steingrímur J. virðist loksins vera að læra það.

[Spjátrungur (IP-tala skráð) 12.2.2010 kl. 08:49]

Sammála Baldri Sigurðarsyni að mestu leyti. Hitt er annað mál, að það eru ekki pólitíkusarnir sjálfir, sem leka. Það gleymist stundum að blöðin sjá fleiri og það kannski fólk sem munar um að fá fimm þúsund kall frá slúðurblaðamönnum.

[Gunnar Heiðarsson, 12.2.2010 kl. 22:43]

Smá svar til Baldurs

Ég hef nú ekki orðið var við þetta gagnsæi sem þú vilt meina að sé í pólitík í dag, veit ekki betur en upplýsingar um icesave hafi verið að birtast frá stjórninni fram á síðasta dag fyrir afgreiðslu laganna á þingi.

Hvort upplýsingarnar komu frá SJS til fréttastofu eða einhverjum öðrum skiptir ekki máli, þær hafa klárlega komið frá einhverjum í hópnum sem setti þær saman og það hlýtur að vera á ábyrgð fjármálaráðherra að sá svo til að þau gögn og upplýsingar sem ekki máttu fara lengra gerðu það ekki. Hann á ekki að ætlast til að fréttamenn haldi þeim frá fólki, sama frá hvaða fréttastofu þeir eru.