Eitt örstutt skref

Segja má að náðst hafi að stíga eitt örstutt skref frá þeirri forarmýri sem stjórnvöld ætluðu að leiða þjóðina útí, a.m.k. er staldrað við.

Tilkynning utanríkisráðherra, seint í gærkvöldi, um að frestað væri framlagningu frumvarpi um orkupakka ESB, kom nokkuð á óvart, eða þannig. Kannski eru þingmenn Sjálfstæðisflokks eitthvað orðnir hræddir um stóla sína, enda ljóst að hratt fjarar undan flokknum.

En þetta er þó enginn sigur, einungis örstutt vopnahlé. Frumvarpið mun verða lagt fram og því engin ástæða til að hrósa happi strax.

Gulli segir í þessari fréttatilkynningu að ákveðið hafi verið að láta sérfræðinga skoða málið. Er hann virkilega að segja okkur að slík skoðun hafi ekki enn farið fram?. Skipa á hóp sérfræðinga, vonandi þó ekki sérfræðinga í að tala niður gagnrýnisraddir, til að skoða þetta nánar. Reyndar nefnir hann að þeir sem mest hafa gegn málinu talað, muni fá sæti í þeim hóp, svo kannski er von.

Það er einlæg von mín að ráðherra auðnist að skipa í þessa nefnd þá sem mesta þekkingu hafa á málinu, þá sem mest hafa kynnt sér það. Þar má t.d. nefna Bjarna Jónsson, rafmagnsverkfræðing.

Reyndar má svo sem búast við öllu. Eftir skipan nefndar um skoðun á EES samningnum, að kröfu Alþingis, þar sem tveir yfirlýstir ESB sinnar fengu sæti og yfir þeim settur maður sem hefur einstaka ást á EES samningnum, gæti allt eins orðið að þessi "sérfræðihópur" ráðherrans verði skipaður af þeim einum sem með orkusamningnum hafa talað.

En bíðum og sjáum til.

Fresta orkupakkanum til vors

Athugasemdir

[Símon Pétur frá Hákoti (IP-tala skráð) 16.11.2018 kl. 12:08]

Með þessu eru Gulli og Þórdís Reykdal einungis að kaupa sér tíma til að brugga launráðin.  Ég sé því enga ástæðu til að fagna þessari frestun þeirra.

Hér verður allt logandi af öðrum deilum, frá áramótum og langt fram eftir vori. Brynjar og Óli Björn munu þá beina athygli fólks, og með dyggri aðstoð RÚV og 365 miðlanna, að sokkaleistum pírata og að hér vaði nú kommúnistar uppi í verkalýðshreyfingunni.  Í þeim glundroða, og á meðan honum stendur, á að lauma þessu í gegn.

[Gunnar Heiðarsson, 16.11.2018 kl. 12:48]

Verið getur að þú hafir rétt fyrir þér, Símon.

Hins vegar hefur málið nú tekið enn nýja stefnu. Nú eru þau komin í kapp, Gulli og Dísa, um hversu lengi skuli fresta. Fyrst frestar Gulli málinu til vors og nú vill Dísa bæta um betur og fresta því enn lengur.

Það versta við þessar frestanir er að þegar stjórnin fellur, sem mun væntanlega verða fyrr en seinna, mun þetta ólánsmál verða óafgreitt. Ef þjóðin lætur blekkjast og kemur krataflokkum til valda, er ljóst að afgreiðsla þessa pakka mun einungis taka tvo daga, hið mesta. Á eftir mun fylgja endurnýjun aðildarumsóknar.

Það er því rétt hjá þér, það er engin ástæða til að fagna frestun málsins, væri mun betra að afgreiða það í ruslatunnuna sem fyrst! 

[Símon Pétur frá Hákoti (IP-tala skráð) 16.11.2018 kl. 12:49]

Frestunin þýðir aðeins, að enn hraðar er verið að vinna að samningum um lagningu sæstrengs.  Sæstrengs sem gerir það að verkum að krafan um innleiðingu þriðja orkumálapakkans.  Þetta skulu menn athuga og tengja saman.  Launráðin eru nú brugguð, sem fyrr.  Slíkur er brotaviljinn, sem væri þar helferðarstjórnin að verki, helferð II.

[Símon Pétur frá Hákoti (IP-tala skráð) 16.11.2018 kl. 13:00]

Sæstrengs sem gerir það að verkum að krafan um innleiðingu þriðja orkumálapakkans verður kverkatak vegna EES samningsins.  Því verða allir sjálfstæðir menn að berjast af ofurkappi gegn öllum áformum um lagningu sæstrengsins.

[Kolbrún Hilmars, 16.11.2018 kl. 14:14]

Baráttan á að snúast gegn orkupakkanum sem gefur evrópskum embættismönnum vald yfir íslenskum orkumálum.  Sæstreng geta svo íslendingar tekið ákvörðum um síðar, í rólegheitum á eigin forsendum.

[Símon Pétur frá Hákoti (IP-tala skráð) 16.11.2018 kl. 18:38]

Kolbrún, skylt er skeggið hökunni í þessu sem öðru.  Það er það sem ég er að benda á.

[Sigurður Kristján Hjaltested, 17.11.2018 kl. 22:25]

Sæstreng Kolbrún, höfum við Íslendingar ekkert að gera við.

Víti okkur til varnaðar, eru þegar Noregur létu

í fávisku stjórnmálamanna þar á þeim tíma, tengja

sig við orkunet EU. Reikningar heimilanna hækkuðu

um tugi prósenta, og allt í nafni samstarfs og bulls hversu

allir myndu nú hagnast á því.

Reyndin var allt önnur, og EU mergsýgur allt sem

frá Noregi kemur. Það er ekkert af ástæðulausu sem

fólk í Noregi er að vakna upp af lyginni sem var

fleygt fram í nafni EU. Eigum við að gera sama..?

Evrópu vantar rafmagn. Því vantar fisksvæði.

EU vantar auðlindir sem þessar fáu þjóðir

hafa, sem Ísland er, og ekki hafa ekki ennþá

gengið á þeim á hönd. Þeim vantar stjórnmálafólk

sem tilbúið er, að fleygja sand i augu fólks svo

það geti náð fótfestu.

Nefndir, því miður skipaðar af EU sleikjum,

eru nú ekki til þess gerðar að hugsa um

hagsmuni þjóðar og almennings. Hvað höfum við til varnar..?

Ekki forsetann, því hann mun skrifa undir allt

sem frá þingi kemur, enda lýsti því yfir í sínum

skrifum og greinum hvernig við áttum að

samþykkja ICESAFE eftir hrun.

Alþingi..???????????????

Samansöfnuður af fólki sem kýs laun framm

fyrir þjóðarhagsmuni..!!

Sjaldan ef ekki aldrei hefur Ísland verið

eins fátækt af fólki á þingi

sem vill því vel.

Sorglegt en satt.