Skaðleysissamningur

Orðið skaðleysissamnigur kemur víða fram í þessum svokölluðu icesave III samningum. Samninganefndin kom sérstaklega að þessu orði, þegar samningarnir voru fyrst kynntir í byrjun desember síðastliðinn. Fjármálaráðherra talaði lengi framanaf ekki um samningana öðru vísi en að nefna þetta orð sérstaklaga, hvort sem það var í samhengi við það sem hann var að segja eða hvort hann sagði það upp úr þegjandi hljóði. Svo vænt þótti honum um þetta orð. Eitthvað hefur þó minnkað hjá honum notkun þessa orðs upp á síðkastið, sennilega loksins búinn að lesa samninginn.

Það þarf nefnilega ekki að lesa þessa samninga lengi til að átta sig á því hver meining þessa orðs er. Þetta er fyrst og fremst skaðleysi fyrir Breta og Hollendinga. Skaðleysi Íslendinga er ekki til staðar í samningunum. Þvert á móti er öll ábyrgð á hendi Íslendinga, öll vafamál túlkuð Bretum og Hollendingum í hag og til að kóróna vitleysuna er lögsaga málsins færð frá Íslandi til Bretlands.

Hér eri nokkrar greinar úr þessum svokallaða skaðleysissamningi. Menn geta svo metið sjálfir út á hvað þetta skaðleysi gengur:

Grein 6.1

(a)   Ísland lýsir því yfir og undirgengst þá skuldbindingu gagnvart umboðsmönnum breska fjármálaráðuneytisins, skilyrðislaust og með óafturkræfum hætti, að Tryggingarsjóður mun tryggja fulla greiðslu og efndir ...........

(b)   Ísland lýsir því yfir við umboðsmenn breska fjármálaráðuneytisins að komi til þess að eitthvað sé vangreitt mun Ísland, að kröfu, greiða hina vangreiddu fjárhæð til þeirra eins og það væri aðalskuldari .....

 

Grein 10.3    ....... Hver þau réttindi eða heimild sem breska fjármálaráðuneytið kann að beita, eða ákvörðun sem það kann að taka skv. samningi þessum (þ.m.t. hvers kyns ráðstöfun, mál eða atriði sem ráðuneytið samþykkir, tilgreinir, ákvarðar, ákveður og tilkynnir Tryggingarsjóði eða íslenska ríkinu) er breska fjármálaráðuneytinu heimilt að beita eða grípa til alfarið og hindrunarlaust eftir eigin mati á hverjum tíma, án þess að krafist verði rökstuðnings.

 

Grein 10.9     SAMNINGUR ÞESSI OG MÁL, KRÖFUR EÐA ÁGREININGUR SEM RÍS VEGNA HANS EÐA Í TENGSLUM VIÐ HANN, HVORT HELDUR ER INNAN EÐA UTAN SAMNINGA, SKAL LÚTA ENSKUM LÖGUM OG TÚLKAST SKV. ÞEIM.

 Fleiri orð þarf varla að hafa um skaðleysi þessa samnings. Hann tekur vel á því sjálfur. Það skal sérstaklega tekið fram að grein 10.9 er rituð í hástöfum í samningunum.

Ég hvet alla sem enn eiga eftir að kjósa, til að lesa samninginn og þau gögn sem honum fylgja!

Það á enginn að mæta á kjörstað án þess að kynna sér málið vel og taka upplýsta akvörðun. Hér er aðeins komið að því sem kallast "skaðleysi" þessara samninga. Flest önnur atriði samningana eru á sama veg.

Þarna er einungis um staðreyndir að ræða, varðandi margt annað sem að þessum samning snýr, svo sem upphæðir vaxta, endurgreiðsluhlutfall, áhrif gengis og fleira, er allt annað mál. Þó er ljóst að öll þau vafamál verða túlkuð okkur í óhag en Bretum og Hollendingingum í hag.

Í því felst skaðleysið!

 

Bretar og Hollendingar græða milljarða á vaxtamun